Гимназиябезнең 5 нче А сыйныфы укучылары Э.А. Эверсман исемендәге Казан университетының зоология музеена экскурсиягә бардылар.

Укучылар университетның төп бинасының көнчыгыш өлешендәге 2 нче катта урнашкан 8 залда булдылар. Алар музей 23 төр хайваннардан торган коллекциясен күрделәр, анда: умырткалылар, бөҗәкләр һәм башка умырткасызлар. Тропик бөҗәкләр коллекциясе аларда зур кызыксыну уятты. Шулай ук алар реликт гаттериясен, Ява утравында очучы дракон, кара гриф, стерха, синегорлый попугай һәм Көньяк Африка зебрасы квагганы күрделәр.

Укучылар хайваннар, кошлар, балыклар, бөҗәкләр тормышы һәм аларның яшәү тирәлеге турында күп яңа мәгълүмат белделәр. Авыл хуҗалыгы культураларының корткыч бөҗәкләре коллекциясе белән таныштылар, шулай ук зарарлы бөҗәкләр белән туклана торган кош карачкыларын күрделәр. 

Бүгенге көндә табигатьне саклау, балаларга экологик тәрбия бирү иң зур проблемаларның берсе булып тора. Табигатьне күзәтү, аны өйрәнү, сакларга омтылу- балаларның рухи дөньясын баета, уйларга өйрәтә.

Шул максаттан “Чишмә” экологик отряды “Табигатьтә үзеңне ничек тотарга?” исемле викторина үткәрде. Укучылар кызыклы биремнәр чиштеләр, сорауларга җавап бирделәр.

Бөтенрусия наркотикларга каршы юнәлешле һәм сәламәт яшәү рәвешен популярлаштыру айлыгы кысаларында гимназиябездә төрле чаралар уза.

Актлар залында 7-8 сыйныфларга “Манипуляция серләре. Тәмәке” исемле фильм күрсәтелде. Психоактив матдәләр куллануны профилактикалау темасына әңгәмә оештырылды.

Наркотикларга каршы айлыкның төп бурычлары - наркомания һәм наркоҗинаятьчелек проблемаларына игътибарны җәлеп итү, балигъ булмаганнарның наркотиклар куллануның тискәре нәтиҗәләре һәм аларның законсыз әйләнешендә катнашу өчен җаваплылык турында хәбәрдарлык дәрәҗәсен күтәрү; балаларны һәм үсмерләрне сәламәт яшәү рәвешенә җәлеп итү, балалар һәм яшьләр белән наркотикларга каршы комплекслы профилактик эшне оештыру.

Бөтенрусия наркотикларга каршы юнәлешле һәм сәламәт яшәү рәвешен популярлаштыру айлыгы кысаларында 5 нче сыйныфларда “Ачы төтен серләре” исемле мультфильм күрсәтелде.

Яшүсмерләр арасында тәмәке тарту – хәзерге киң таралган проблемаларның берсе. Кемдер гаилә эчендәге проблемалар аркасында төтен суыра башлый, кемдер өлкәннәрдән үрнәк алырга тырыша, кайберәүләр исә иптәшләреннән аерылып тормас өчен тарта башлый. Һәрхәлдә, үсмер организмда тәмәке тарту, гомумән, сәламәтлеккә генә түгел, физик һәм акыл үсешенә дә зыян китерә.
Токсиннар яшүсмерләргә көчлерәк һәм тизрәк тәэсир итә, чөнки тән әле тулысынча формалашмаган. Зыянлы гадәтләргә альтернатива барлыгын һәрвакыт истә тотарга кирәк, бу сәламәт яшәү рәвеше. Роликларда яки велосипедта йөрү, йөгерү яки өстәл уеннары, бассейнга бару яки спорт һәм иҗат кружкалары күпкә кызыклырак һәм мавыктыргычрак. Әйдәгез моны истә тотыйк һәм сәламәтлегебезне яшьтән саклыйк.

Бүген гимназиядә Россия балалар һәм яшьләр хәрәкәтенең беренче баскычы булган «Россия бөркетләре»нә багышлау тантанасы узды!

Бу тантаналы чара балалар өчен аеруча мөһим, чөнки ул “Россия бөркетләре” иленә  ишекләр ача, анда аларны кызыклы мәгълүматлар, мавыктыргыч чаралар көтә. Булачак “бөркетләргә” үгет-нәсихәт сүзе белән тәрбия эшләре буенча директор киңәшчесе Г.А. Заляева мөрәҗәгать итте. Ул «Бөркет» булу зур җаваплылык соравын билгеләп үтте һәм «Бөркетләргә» таныклыклар тапшырды.  Безнең «Россия бөркетләре» бу исемне лаеклы йөртәчәкләр һәм киләчәктә безнең гимназиянең һәм илебезнең горурлыгы булачаклар дип өметләнәбез! Укучыларга уңышлар һәм яңа казанышлар телибез! Без сезгә ышанабыз һәм һәр эштә һәрвакыт ярдәм итәчәкбез!

Бүген, 11 нче ноябрь көнне, гимназиядә дүшәмбе иртәсе традицион рәвештә РФ һәм ТР Дәүләт флагын күтәрү һәм гимнны башкару белән башланды. Тантанадан соң барлык сыйныфларда "Мөһим әйберләр турында сөйләшүләр" узды. Бүген дәрес җәмгыять өчен файдалы, башка кешеләргә файда китерә торган гамәлләр турында иде һәм «Күмәк эш» дип аталды.

8 ноябрь - Русия эчке эшләр органнары хезмәткәрләренең хезмәт бурычларын үтәгәндә һәлак булганнарны искә алу көне.

 Эчке эшләр органнарында хезмәт итү – ул бик авыр, җаваплы һәм шул ук вакытта  хәвефле дә хезмәт санала. Әмма ул  кешеләр өчен  бик кирәкле һәм мөһим һөнәр.   Әлеге төр хезмәт ияләре батырлык, кыюлык, логик фикерләү һәм теләктәшлек итү осталыгын таләп итә, чөнки бу эшнең бәһасе – кешеләр тормышы. 

Эчке эшләр министрлыгы тарихында полиция бүлекчәләренең югары һөнәри осталык, батырлык   өлгеләре бихисап. 

Гимназиябез укучылары әлеге истәлекле көнгә багышланган “Аларның исемнәрен онытырга ярамый” дип  исемләнгән мәгълүмати стенд ясадылар.

Укучылар үзебезнең төбәк батырлары турында мәгълүмат җыйдылар, үзара фикер алыштылар.

«Пушкин картасы» проекты кысаларында  Милли музей хезмәткәрләре укучыларын бай эчтәлекле чара белән сөендерде.

Билгеле булганча, яңа программа Россия территориясендә 2021 елның сентябреннән гамәлгә кертелгән иде.

Музей хезмәткәрләре гимназиябезгә “Вакыт машинасы – музей” исемле интерактив программа алып килгәннәр иде.

Укучылар вакыт машинасы ярдәмендә төрле чорлар аша сәяхәт иттеләр, тарихи персонажлар белән очраштылар.

9 нчы ноябрь көнне Совет һәм Россия  композиторы Александра Николаевна Пахмутовага 95 яшь тула.  Ул Совет эстрадасының искиткеч шәхесләренең берсе. Аның тарафаннан 400дән артык җыр язылган. Бу җырлар тулы бер чорны били. 

Шул уңайдан гимназиябездә радиоэфир узды. Укучылар композиторның тормыш юлы, иҗаты турында сөйләделәр. Радио дулкыннарда аның иң танылган җырлары яңгырады.

Гимназия укучылары "Татарча диктант-2024" акциясендә катнашты

8 ноябрь көнне гимназиядә татар телендә грамоталылыкны тикшерү буенча бөтендөнья «Татарча диктант» акциясе башланып китте. Диктантны язуда 8 сыйныф укучылары үз көчләрен сынап карадылар.

Ел саен уздырыла торган "Татарча диктант" акциясе грамоталы язуны арттыруга, әдәби татар телен белүгә, орфографик һәм грамматик хаталарны үз-үзен тикшерүгә юнәлтелгән.

Акциядә катнашучылар диктант язуда бик тырыштылар һәм татар теле грамматикасы буенча яңа күнекмәләр алдылар.