Муниципальное бюджетное общеобразовательное учреждение "Тимершикская средняя общеобразовательная школа Сабинского муниципального района Республики Татарстан"
Визитная карточка
Адрес: | 422057, Республика Татарстан, Сабинский район, с. Тимершик, ул. Пионерская, д. 13 |
Телефон: | +7(843)-622-28-02 |
E-Mail: | Stim.Sab@tatar.ru; timershiksaba@yandex.ru |
Министерство: | Министерство образования и науки Республики Татарстан |
Короткое название: | МБОУ "Тимершикская СОШ" |
Руководитель: | Закиров Делюс Ридаилович |
Год основания учреждения: | 1982 |
У нас учатся: | 169 в филиале: 8 |
У нас учат: | 26 в филиале: 2 |
Муниципальное бюджетное общеобразовательное учреждение "Тимершикская средняя общеобразовательная школа Сабинского муниципального района Республики Татарстан" - новости
Страницы: << 91 92 93 94 95 96 97 ( 98 ) 99 100 >>
-
Волейбол ярышында укучыларыбыз уңышлары!
01.04.2015
26 -29 март көннәрендә Алексеевск районында ТР укучыларының X спартакиадасы кысаларында 1999-2000 елгы егетләр һәм кызлар арасында волейбол ярышы үткәрелде. Зона ярышларында җиңү яулаган Алексеевск, Апас, Аксубай,Балтач, Буа, Кукмара, Мамадыш, Минзәлә, Саба, Сарман, Тәтеш, Чирмешән муниципаль районнарыннан командалар килде. Саба районы волейбол командасында Тимершык урта мәктәбенең 9 нчы сыйныф укучылары Бәйрәмов Инсаф белән Бәйрәмов Фәнис тә бар иде. Алексеевск районы командасы- 1, Мамадыш - 2, Саба районы 3 нче урын яуладылар. Укучыларыбызның, район данын яклап, волейбол ярышында уңышлы чыгыш ясаулары белән без дә бик горурланабыз. Афәрин, егетдәр! Алда тагы да зур уңышлар көтеп торсын! -
01.04.2015
Каникул көннәрендә укучыларыбыз ярышларда бик рәхәтләнеп катнаштылар һәм уңышка да ирештеләр. 28 нче март көнне Лесхоз бистәсенең “Нарат” боз сараенда 6-8 нче сыйныф укучылары арасында хоккей ярышы булды. Нәтиҗәдә Саба гимназиясе командасы беренче, Тимершык урта мәктәбе икенче, Явлаштау урта мәктәбе өченче урынны яуладылар. "Хоккей" түгәрәгенә йөрүче укучыларыбызның зур уңышы бу. Җитәкчеләре Шакиров Ш.Х.ка һәм укучыларга дирекция исеменнән зур рәхмәт белдерелә.
-
Физика фәне буенча уңышлар!
25.03.2015
24 нче март көнне Тимершык урта мәктәбенең 7 нче сыйныф укучылары - Нуриева Илзия, Гыйниятуллин Илназлар физика фәне буенча район күләмендә үткәрелгән уенда катнаштылар. Укучылар, 9 станция буенча хәрәкәт итеп, физиканың могҗизалы фән икәнен расладылар һәм, җиңү яулап, Грамотага лаек булдылар. Җитәкчеләре, физика укытучысы Вәлиева Л.Ә.га, укучыларга алга таба да зур уңышлар телибез.
-
Фәнни-практик конференциядә- уңышларыбыз!!!
25.03.2015
Районыбызда бүген, 25 нче март көнне, якташыбыз, күренекле галим, тел белгече Әбрар Кәримуллинның иҗади мирасын өйрәнүгә багышланган республикакүләм фәнни-гамәли конференциясе үткәрелде. Тимершык урта мәктәбеннән "Татар филология"се секциясендә 9 нчы сыйныф укучысы Фазылова Зәлидә (җитәкчесе А.Х.Хаҗиев) - 1 нче урын, 10 нчы сыйныф укучылары Нәгыймова Айзилә (җитәкчесе А.Х.Хаҗиев), 10 нчы сыйныф укучысы Фазылова Таңсылу (җитәкчесе Э.Г.Биктимирова), 8 нче сыйныф укучысы Нуриева Ләйсәния (җитәкчесе М.Ф.Миннеханова), рус филологиясе секциясендә 9 нчы сыйныф укучысы Гаттарова Инзилә (җитәкчесе Ә.Г.Хаҗиева) сертификатка лаек булдылар. Укучыларыбыз җитәкчеләре белән берлектә фәнни-тикшеренү эшләре алып бардылар, конференциядә уңышлы чыгыш ясадылар. Укучыларыбыз һәм аларның җитәкчеләренә дирекция исеменнән рәхмәт белдерелә. Алга таба иҗат уңышлары тели!
-
Тимурчылар һәрчак хезмәттә!
23.03.2015
Мәктәбебез тимурчылары һәрчак хезмәт итә, ярдәмгә мохтаҗ өлкәннәребезгә ярдәмгә ашыга. Язгы көннәрдә эш күп, кар таратырга, боз чабарга, йорт биләмәсен кардан арындырырга кирәк. 10 нчы сыйныф укучылары (сыйныф җитәкчеләре Вәлиева Г.Р.) Тимершык урта мәктәбендә гомер буе балаларга рус теле укыткан Елена апа Мирзовнага шефлык итә. 19 нчы март көнне дә укучылар аның янына бардылар, хәл-әхвәл сораштылар һәм күп кенә эшләрен башкардылар. "15 көнлек эшемне бик яхшы итеп эшләдегез, әти-әниләрегезгә, үзегезгә зур рәхмәт, миңа эшләгән яхшылыкларыгыз үзегезгә яхшылык булып кайтсын, бәхетле булыгыз!"- дип изге теләкләрен җиткерде.
-
Бергә-бергә күңелле
19.03.2015
Шушы көннәрдә 4нче сыйныф укучылары тагын бер чара оештырдылар. Алар Гөлчәчәк Хөснулловна һәм Ләйсән Зуфаровна җитәкчелегендә Тимершык “Кояшкай” балалар бакчасында “Нәниләр һәм без” исеме астында акция уздырдылар. Мәктәп укучылары нәниләргә Бөек Җиңүнең 70 еллыгы уңаеннан 9 Май открыткалары ясарга өйрәттеләр. Нәниләр бик яратып эшләделәр. Үз чиратында бу чара безнең укучыларга үзләрен өлкәнрәк һәм җаваплырак итеп хис итәргә ярдәм итте. Чара позитив эмоцияләргә бик бай булды.
-
«Елмаю бүләк итик» акциясе
18.03.2015
Тимершык урта мәктәбе волонтерлары беркайчан да эшсез тормыйлар. “Язгы мәрхәмәтлелек атналыгы” кысаларында районыбызның Кызыл-Мишә авылында урнашкан 8нче төрдәге махсус гомумбелем бирү мәктәп-интернатында уздырылган “Балаларга елмаю бүләк итик” акциясе шуның бер дәлиле булып тора. Волонтерларыбыз укучыларга оештыручы-педагог Ләйсән Зуфаровна белән бердәмлектә Җиңү паркының макетын ясаттылар. Парк макетын ясауга һәрбер бала үз өлешен кертте: чыршылар утыртылды, чәчәкләр үстерелде, паркның хәтта үз танклары, мәңгелек уты һәм һәйкәле дә булдырылды. Акция флешмоб бию белән тәмамланды.
-
Ветеран белән очрашу
14.03.2015
Гөлҗиһан әбидә кунакта
14 март көнне 4нче сыйныф укучылары Гөлчәчәк Хөснулловна һәм Ләйсән Зуфаровна җитәкчелегендә тыл ветераны Гөлҗиһан әбигә кункка бардылар.
Укучыларны бик сөенеп каршы алды Гөлҗиһан әби, үзенең хәтирәләре белән уртаклашты. Ул сугыш кырындагы канкойгыч бәрелешләр, анда мәңгегә ятып калган әтисе турында бәйнә-бәйнә итеп сөйләде, медальләрен күрсәтте.
– Сугыш – кара кайгы. Җиңү көне безгә бик кыйммәткә төште һәм без аны зур корбаннар биреп яулап алдык. Сезнең, яшь буынның, бу батырлыкны онытырга хакы юк. Тынычлыкның кадерен белеп яшәгез һәм тырышып укыгыз, илебезгә файдалы кешеләр булып үсегез. Ир-егетләр армия сафларында хезмәт итәргә, Туган илен сакларга яшьтән үк әзер булырга тиешләр, – диде Гөлҗиһан әби.
Ул укучыларны әти-әниләрне хөрмәт итәргә, өлкән яшьтәгеләргә карата игелекле булырга чакырды. Укучылар ветеран әбигә шундый файдалы, тәрбияви әңгәмәсе өчен рәхмәт әйтеп, тагын очрашырга насыйп булсын иде дип саубуллаштылар.
-
Дулкыннар конкурсы
11.03.2015
11 нче март көнне 4 нче сыйныф укучылары Фатыйхова Миләүшә һәм Гарифуллина Айзиләләр Мәшһүр татар шагыйре Хәсән Туфанның 115-еллыгына багышланган X Республикакүләм "Дулкыннар" конкурсының Республика турында катнашып, уңышлы чыгыш ясадылар. Җитәкчеләре Дәүлиева Гөлназ Рәшитовна.
-
"Аҗаган" уены!
07.03.2015
Бүген, 7 нче март көнне, Тимершык урта мәктәбендә "Аҗаган" уены үткәрелде. Февраль ае - хәрби-патриотик айлык, шушы уңайдан мәктәптә күп төрле чаралар планлаштырылды. ВВД һәм ВВС командалары арасында ай дәвамында волейбол, баскетбол, хоккей буенча спорт ярышлары, бугенге хәрби уенда гранаталар ату, каршылыклар аша үтү күнегүләре, яшеренгән флаглар һәм байрак эзләүләр оештырылды. Байракны 8 нче сыйныф укучысы Сорокина Эльвина эзләп тапты. Барлык нәтиҗәләр буенча ВВС командасы җиңү яулады. Команданы кайнар котлыйбыз, алга таба да зур уңышлар телибез. Хәрби-патриотик айлыкны нәиҗәле итеп оештырган һәм үткәргән өчен ОБЖ укытучысы А.Г.Биктимировка, физкультура укытучыларына дирекция исеменнән зур рәхмәт белдерелә.