Муниципальное бюджетное общеобразовательное учреждение "Тимершикская средняя общеобразовательная школа Сабинского муниципального района Республики Татарстан"
Визитная карточка
Адрес: | 422057, Республика Татарстан, Сабинский район, с. Тимершик, ул. Пионерская, д. 13 |
Телефон: | +7(843)-622-28-02 |
E-Mail: | Stim.Sab@tatar.ru; timershiksaba@yandex.ru |
Министерство: | Министерство образования и науки Республики Татарстан |
Короткое название: | МБОУ "Тимершикская СОШ" |
Руководитель: | Закиров Делюс Ридаилович |
Год основания учреждения: | 1982 |
У нас учатся: | 169 в филиале: 8 |
У нас учат: | 26 в филиале: 2 |
Муниципальное бюджетное общеобразовательное учреждение "Тимершикская средняя общеобразовательная школа Сабинского муниципального района Республики Татарстан" - новости
Страницы: << 91 92 93 94 95 96 ( 97 ) 98 99 100 >>
-
Ветеран Хасиятулла бабайда кунакта!
17.04.2015
Бөек Җиңүнең 70 еллыгы уңаеннан, сугыш һәм тыл ветераннары белән очрашулар даими үткәрелә. Бүген, 17 нче апрель көнне, 6 нчы сыйныф укучылары класс җитәкчеләре белән берлектә Насыйбуллин Хасиятулла бабай янында булдылар. Ветеранның хәл-әхвәлен сораштылар, сугыш һәм җиңү турында чын күңелдән сөйләшеп утырдылар. Хасиятулла бабай хөкүмәтебез салып биргән өйдә яши, малае белән килене тәрбиясендә көн күрә, оныклар рәхәтен тоеп, ил-көнгә рәхмәт әйтеп, гомер кичерә. Ветеран укучыларның күпсанлы сорауларына җавап бирделәр.
-
"Саба дулкыннары" радиосында кунакта!
16.04.2015
Бүген, 16 нчы апрель көнне, Тимершык урта мәктәбенең бер төркем укучылары тәрбия эшләре буенча директор урынбасары Хәлимә Сәхәбиевна җитәкчелегендә "Саба дулкыннары" радиосында турыдан-туры эфирда "Мәктәпләр тормышыннан" тапшыруында чыгыш ясадылар. Тапшыруны Х.С.Нәҗипова башлап җибәрде, 6 нчы сыйныф укучысы Нәҗипова Илзидә белән 7 нче сыйныф укучысы Гыйниятуллин Илназлар аһәңле итеп алып бардылар. Тапшыруда 3 нче сыйныф укучысы Хаҗиева Айлия "Хәерле иртә", 7 нче сыйныф укучысы Фәйзетдинова Алинә "Әниемә" дип исемләнгән үзләре иҗат иткән шигыгырьләрен сөйләделәр. 2 нче сыйныф укучысы Гыйлемшина Камилә белән 6 нчы сыйныф укучысы Шамилова Инзиләләр әниләргә багышланган, 7 нче сыйныф укучысы Гыйлемшина Динә укытучыларга рәхмәт йөзеннән "Укытучым" дигән җырны башкардылар. Тапшыруда Бөек Ватан сугышы ветераннары турында сөйләнде, 6 нчы сыйныф укучысы Насыйбуллина Ләйсән Хәсият бабасының сугышта күргәннәрен сөйләде, аның изге теләкләрен җиткерде. 8 нче сыйныф укучысы Сәмигуллина Зәлидә сугыш һәм тыл ветераннарына алып барылган шефлык эше турында бәян итте. Тапшыруда шулай ук белем һәм тәрбия өлкәсендәге уңышларыбыз турында да җиткердек. Гомумән алганда, укучыларыбыз зур җаваплылык тоеп, тапшыруны бер сулышта нәтиҗәле итеп алып бардылар. Турыдан-туры эфирда сөйләү үзләренә дә нык ошады, радиожурналист һөнәре белән күзгз-күз очраштылар.
"Саба дулкыннары" радиосы җитәкчелегенә, журналистларга укучыларга шундый мөмкинлек тудырган өчен без бик рәхмәтле, җаваплы эшләрендә зур уңышлар телибез.
-
Ветеран янында!
15.04.2015
Мәктәп күләмендә, Бөек Җиңүнең 70 еллыгы уңаеннан, махсус план төзелде. Сугыш һәм тыл ветераннарына шефлык эше киң җәелдерелде. 13 нче апрель көнне 10 нчы сыйныф укучылары (сыйныф җитәкчеләре Вәлиева Г.Р.) Бөек Ватан Сугышы ветераны Шәйхелисламов Минислам бабай янына бардылар, аның белән әңгәмә кордылар. Минислам бабай сугыш афәтләрен сөйләде, тынычлыкның кадерен белергә чакырды. Ул кызы, оныгы һәм оныкчыклары белән матур гомер кичерә. Ветеран янында булганнан соң, күңелгә бары бер теләк килде: җир йөзендә һәрвакыт тынычлык хөкем сөрсен иде!
-
"Изгеләр чишмәсе" янында!
14.04.2015
Тимершык авылында районыбызга бик таныш булган "Изгеләр чишмәсе" бар. Урыны табигатьнең матур җирендә, суы шифалы. 13 нче апрель көнне 11 нче сыйныф укучылары (сыйныф җитәкчеләре Вәлиева Л.Ә.) "Изгеләр чишмәсе"нә бардылар. Чишмә биләмәсен чүп-чардан арындырдылар. Чишмәләр - яшәү чыганагы, кешегә табигатьнең иң зур бүләге. Мәктәптә аларга шефлык итү югары дәрәҗәгә куелган. Чишмәләрне саклыйк! Аларны кадерләгән һәркем саваплы эш башкара.
-
Космонавтика көне!
11.04.2015
10 нчы апрель көнне мәктәптә, "Космонавтика көне" уңаенннан, 5-6 нчы сыйныфлар арасында "Космоска сәяхәт" дип исемләнгән интеллектуаль уен үткәрелде. Уен 6 турдан торды, укучылар кызыклы сорауларга җавап бирделәр, сәяхәткә кирәкле җиһазларны сайладылар, радиограмманы чиштеләр. Тормышчан ситуацияләрне мимика һәм жест ярдәмендә күрсәттеләр. "Восход" һәм "Союз" командалары сынатмадылар, бәйгедә дуслык җиңде. Уенны физика укытучысы Л.Ә.Вәлиева үткәрде.
-
Бөек Җиңүнең 70 еллыгын каршылап...
07.04.2015
Бөек Җиңүнең 70 еллыгын каршылап, мәктәп күләмендә күп төрле чаралар үткәрелә. Бүген 1-4 нче сыйныфлар өчен оештыручы-педагог Л.З.Гафурова "Җиңү бәйрәме" дип исемләнгән видеоролик күрсәтте. Укучылар белән әңгәмә оештырды. Укучылар бик кызыксынып карадылар, әңгәмәдә актив катнаштылар.
-
Тимурчылар һәрвакыт хезмәттә!
03.04.2015
Мәктәптә тимурчылык эше бер дә туктап тормый. Укучылар ярдәмгә мохтаҗ кешеләргә баралар, хәл -әхвәл сорашалар, йорт эшләренә булышалар. 7 нче Б сыйныфы ялгыз яшәүче Маһинур апага бардылар, йорт эшләренә ярдэм иттелэр, ишек алдындагы бозны чаптылар. Әбекәй укучыларга, әти-әниләренә чиксез рәхмәтләрен белдерделәр. "Бер рәхмәт мең бәладан коткарыр" дигән халык. Дирекция исеменнән дә укучыларга, сыйныф җитәкчеләре Әлфия Галинуровнага рәхмәт белдерә.
-
Әкиятләр илендә!
03.04.2015
Мәктәп китапханәсендә укучылар белән әледән-әле кичәләр, китап укучылар конференцияләре үтеп тора. "Балалар китабы" көннәре уңаеннан, бүген Г. Х. Андерсенның әкиятләре турында әдәби кичә үткәрелде. 2,3,4 нче сыйныф укучылары Г.Х.Андерсенның әкиятләре буенча төзелгән викторина сорауларына җавап бирделәр, әкият геройлары турында фикер алыштылар. Оештыручы-педагог Ләйсән Зөфәровна белән китапханәче Гөлсинә апалары укучыларны чын-чынлап әкият иленә сәяхәткә чакырдылар. Әдәби кичәдә укучылар, 4 турда актив катнашып, югары нәтиҗәләргә ирештеләр. Нәтиҗәләр түбәндәгечә:
I урын - Хаҗиева Айлия , Гараева Айзилә - 3 кл.
II урын - Мусина Илсинә - 4 кл.
III урын - Фатыйхова Миләүшә - 4 кл.
Җиңүчеләргә Дипломнар тапшырылды.
-
Кошлар көне!
01.04.2015
1 нче апрель - Кошлар көне! Кошлар җир йөзендә иң күп таралган тереклек ияләре. Җирдә барлыгы 100 миллиард чамасы кош яши. Татарстанда җәй көннәрендә 200ләп, кышын 40 төрдән артык кош очратырга мөмкин. Кошлар һавада очарга җайлашкан. Шуңа да аларны кырыс антарктида да, биек тау кыяларында да, диңгез өсләрендә дә очратырга мөмкин. Кошлар көне уңаеннан, биология укытучысы Хәбибуллина Энҗе Әнәсовна "Кошларның җирдәге практик әһәмияте" темасына чара үткәрде. Укучылар кошлар турында күп мәгълүматлар алдылар, интеллектуаль уенда катнаштылар.
-
Волейбол ярышында укытучыларыбызның зур җиңүе!
01.04.2015
31 нче март көнне Сәләтле балалар мәктәбе базасында мәгариф хезмәткәрләре волейбол ярышының финал этабы узды. Ярышта үз зоналарында 1-2нче урынны алган сигез команда үзара көч сынаштылар. Гомуми нәтиҗәләр буенча, Сәләтле балалар мәктәбе 4нче, Тимершык урта мәктәбе 3 нче, К.С.Байкиев исемендәге Икшермә кадет интернат-мәктәбе 2 нче һәм Югары Симет урта мәктәбе 1 нче урынны яуладылар.Командаларга мәгариф идарәсе җитәкчесе И.Ф.Шакиров грамота һәм акчалата бүләк тапшырды. Булдырдыгыз, афәрин!!!