Бүген 8нче сыйныфта файдалы һәм кызыклы тәрбия сәгате булып үтте. Укучылар командаларга бүленеп "Хәтер альбомы" төзү белән шөгыльләнделәр.Әлеге альбом өчен алар үзләренең төрле яшьтә төшкән карточкаларын кулландылар.Фантазия бик бай укучыларның,бик кызык һәм истәлекле килеп чыкты әлеге альбом.

Бүген Билгесез солдат көне билгеләнеп үтте.Шушы уңайдан "Чәчәкләр салыйк,билгесез солдатлар каберенә" дип исемләнгән радиотапшыру оештырылды.Әлеге тапшыруда укучылар шигырьләр, җырлар тыңладылар.5-7нче сыйныф укучылары авылыбыздагы һәйкәл-обелискка венок салдылар,бер минутлык тынлык белән сугыш кырларында үлеп калучыларны искә алдылар. 

Бүген кышкы суга батучыларны коткару һәм аларга беренче ярдәм күрсәтү күнекмәләрен өйрәтү максатыннан, Зарипова Э.Р. белән очрашу оештырылды. Очрашу барышында укучылар практик күнекмәләр алдылар.Кичә укучылар өчен файдалы үтте.

Чаллы шәһәрендә узган " Бәхет йолдызы" конкурсында катнашып , "Бәхетле балачак" бию  коллективы  (җитәкчесе Аухадиева Н.А.) II дәрәҗәдәге дипломга лаек булдылар. Молодцы, укучылар! Сезгә алда да зур үрләр яулап алуыгызны теләп калабыз.

"Әниләр көне" уңаеннан мәктәбебездә "Әниләрнең  җылы кочагы"дип аталган кичә-тамаша оештырылды.Кичә чәй табыны артында узды.Укучылар әниләренә булган ярату һисләрен  матур җырлар,дәртле биюләр ,әкият-тамашалар аша җиткерделәр.Кичә укучыларның үзләренә дә,әниләргә дә,укытучыларга да бик ошады.

13 ноябрьдән 13 декабрьгә кадәр мәктәбебездә "Кышкы чорда сулыкларда иминлек"айлыгы бара.Бүген укучыларның иминлеген саклау максатыннан, кышкы сулыкларда,боз өсләрендә үз-үзеңне тоту кагыйдәләре белән таныштырдык.

21,22 нче ноябрь көннәрендә Завод- Нырты, Лесхоз  урта мәктәбендә эшләүче коллегаларыбыз белән бергә "Татарстан Республикасында укыту сыйфатын камилләштерү" проекты кысаларында "Фикерләү культурасын үстерү" программасы буенча укуларда булып,белемнәребезне үстереп кайттык. 

"21 ноябрь-тәмәке тартуга каршы көрәш көне" уңаеннан укучыларга никотинның кеше организмына китергән зыяны турында видеофильм карау оештырылды.Әлеге чара үтемле һәм файдалы булды.

Бүген атналык кысаларында"Белемгә уен аша" интеллектуаль бәйге булып үтте.Әлеге бәйгедә "Белем капчыклары" һәм "Акыл ияләре" командалары көч сынашты.Төрле фәннәр буенча алынган турларда укучылар белемнәрен тирәнәйттеләр.Укучылар активлык күрсәтеп,"Дуслык" җиңүе белән тәмамланды.

Бүген "Чишмәкәй" балалар берлеге һәм Мәктәп балалар Думасы членнары "Саба дулкыннары" тапшыруында кунакта булып кайттылар. Укучылар мәктәп тормышы яңалыклары,җиңүләре турында горурланып сөйләделәр.Матур җырлар, сәнгатьле укылган шигырьләр,башкарылган эшләр радио тыңлаучыларыбызга ошагандыр,мөгаен.