Бүген кисеп ябыштыру эшчәнлегендә туган ягыбыз кошлары белән таныштык. Шуларның берсе песнәк турында табышмаклар әйтештек.Уеннар уйнадык. Песнәк турында белемнәребезне арттыргач, төсле кәгазьдән кисеп ябыштырдык.

Чәчәк орлыгы җыябыз. Безнең балалар бакчасында белем бирү,хезмәт тәрбиясе белән бәйләнеп бара.

Беренче октябрь өлкәннәр көне.Шушы уңайдан хезмәттәшебез Нуруллина Фәнзиләне бәйрәм белән котлау өчен өйләренә кунакка бардык.Безне ягымлы, ачык йөз белән каршы алдылар. Балалар җырлар җырладылар, шигырьләр сөйләделәр.Фәнзилә апаның керфекләре чыланды. Күңелгә җылы булып китте,киләсе елларда да шулай очрашырга насыйп булсын, мине олылап искә алып килгәнегез өчен бик зур рәхмәт, - диде ул.Без аны шушы зур бәйрәм белән котлыйбыз. Аңа рух ныклыгы, күңел көрлеге, кайгы-хәсрәтсез имин көннәр, хәерле гомер, алдагы көннәрен дә якыннарының, туганнарының игелеген күреп, хөрмәтен тоеп узсын дигән теләктә калабыз. Балаларда өлкәннәргә карата ихтирам, игътибарлык тәрбияләү өчен, менә дигән чара. 

Бу атнаның йомгаклау чарасы буларак "Көзге муллык" күргәзмәсе уздырдык.Балалар бакчасында үткәрелгән күргәзмәләрдә әти-әниләрдә актив катнашып киләләр. Бу күргәзмә дә катнашкан әти-әниләргә рәхмәтебезне белдеребез.

Милләтләр кросында катнаштык.Көзге матур көндә спорт белән шөгыльләнү балаларга бик ошады.

Бүген без дә агач утырту акциясендә катнаштык. Агачлар утырту - изге гамәл, дип, юкка гына әйтмиләр. Әйләнә-тирәдә күпме генә агач булмасын,  ул бер кайчан да артык булмый. Тирә-якны яшелләндерү юнәлешендә үткәрелүче бу чара дәвамлы булсын.

Танып белү эшчәнлегендә «Башак» Украин халык әкиятен өстәл театры итеп сәхнәләштердек. Балалар бик теләп катнашты. Үз рольләрен оста итеп башкардылар.

 Дини бәйрәмнәрнең берсе – Корбан бәйрәме. Бу бәйрәм уңаеннан безнең “Тюльпан” балалар бакчасында да корбан ашы уткәрелде. Авылыбыз абыстае Надия абыстай балаларга вәгазь сөйләде. Балаларыбыз  төрле догаларны яттан башкардылар.  Корбан итеннэн пешерелгән аш  белэн сыйландылар.  Бу бәйрәм аша кешелеклелек, ярдәмчеллек кебек унай сыйфатлар тәрбияләүне максат итеп куйдык.

Балаларда математикага кызыксыну уяту максатыннан бүген безгә кунакка  "Бараш" килде.Ул узе белән күчтәнәчләр дә алып килгән иде. Без аларны санадык,озын,кыска, тар,киң икәнлекләрен чагыштырдык.