Менә көтеп алган яңа ел бәйрәме дә килеп җитте. Безнең бакчабызда да яңа ел бәйрәме уздырдык. Бәйрәмебезне бакчабыз хезмәткәрләре көче белән әзерләнгән әкият тамаша белән башлап җибәрдек.Кыш бабай һәм Кар кызы ерак араларны узып балалар янына күчтәнәчләр төягән зур капчык белән килеп җиттеләр. Алар килгәч, бәйрәм тагын да кызды, инде балалар үзләре өйрәнеп килгән шигырьләрен сөйләп Кыш бабай һәм Кар кызыннан бүләкләр алдылар.

Яңа өметләр, изге теләкләр белән әтәч килеп керде. Әтәч булып киенгән Галимуллина Сөмбелебез бик матур итеп шигырь сөйләп әти- әниләргә, балаларга үзенең теләкләрен җиткерде.

Убырлы белән наян песи кыш бабайны китермәс өчен план коралар.

Яңа ел уенчыгы бәйгесе тәмам. Җиңүчеләр билгеле. Әлеге рәсемдә беренче урынны алган Исмаилова Сабина әнисе ясаган уенчыгы янында шатланып, беренчелекне без алдык дип куана.

Безнекеләр тырышып ясаган кар сыннары  белән танышыгыз. Кар сыннары әллә каян күренеп, тирә-юньгә ямь биреп тора.