Бәйге дәвам итә. Бу уенчыкларны бүген Гаянова Диләрә,Фахретдинова Эльмира, Ахатова Рәсүлә,Ахатова Тәгъзимәләр ясап алып килделәр. 

Безнең бакчабызда яңа ел алдыыннан бәйгеләр уздыру матур традициягә әйләнеп бара.Быел әти-әниләр белән бүлмә бизәү өчен елка уенчыклары ясау бәйгесе игълан иттек. Бу яңалыкны беренчеләрдән булып Нуруллиннар гаиләсе кабул итеп алды, хәтта яңа ел турында шигырь чыгарып матур итеп әти-әниләргә һәм балаларга тәкъдим итте.Башлангыч яхшы булгач, бәйге кызганнан кыза барды .Уенчыкларның ниндиләре генә юк! Зариповлар гаиләсе бик матур пингвиннар,Галимуллина Сөмбелләр  очып баручы курчак, Ахатовлар конфетлы елка ясап алып килделәр,ә без тәрбиячеләр үз чиратыбызда балаларга кыш һәм Яңа ел лэпбуклары ясадык .

Мәктәпкә әзерлек төркеме белән математика эшчәнлегендә яшь пешекчеләр булдык.Печенье пешерү өчен он үлчәп алырга, геометрик фигуралар формасында кисәргә һәм пешеп чыгу өчен вакыт аралыгын билгеләргә өйрәндек. 

 Кыш җитүгә кошларга җимлекләр ясый башлыйбыз. Бу эштә әти-әниләр дә катнаша. Шул җимлекләрне агачларга элеп, кыш буе кошларны ашатабыз, җимлекләрне чистартабыз.

Урам хәрәкәте кагыйдәләрен үтәүнең әһәмиятен искәртү, балаларны игътибарлы булырга өйрәтүне дәвам итү, юл билгеләре, юл йөрү кагыйдәләре турында өйрәнгәннәрне системага салу, белемнәрен тирәнәйтү һәм тормышта кулланырга өйрәтү максатыннан бакчабызда  атналык  узды.Шушы вакыт аралыгында күп кенә эшләр эшләнде.Балалар әкиятләр һәм шигырьләр, җырлар уеннар аша  белемннәрен ныгыттылар. Әти –әниләр белән берлектә күргәзмә һәм әңгәмәләр үткәрелде.Йомгаклау чарасы итеп “Юлларда имин булыйк”  дигән театральләшкән тамаша куйдык.  Кичәдә ЮХДИ хезмәткәре Закиров  Динар Рамилевич та катнашты. Ул  юл йөрү кагыйдәләренең иң мөхим өлешләрен ныклап, күрсәтмә әсбаплар ярдәмендә балаларга аңлаешлы иттереп  аңлатты.

Тюльпан" балалар бакчасында  "Математик күзаллауны формалаштыру" эшчәнлегенә игътибар зур.Шөгыльләр уен формасында, әкият образлары  белән берлектә кызыклы һәм мавыктыргыч итеп уздырыла.Бүгенге  эшчәнлегебездә  смешариклар белән берлектә чыршы  урманында  сигез саны турында күзаллауны һәм предметлар белән чагыштырып карауны өйрәндек. Балалар бик кызыксынып кабул иттеләр

Бүген бездә Явлаштау урта мәктәбеннән башлангыч сыйныф укытучылары Хазиева Р.  Шаймуллина Л.Г булды.Аларның максаты, мәктәпкә керүче балалар белән очрашу һәм мәктәптә белем алуны дәвам итү өчен кирәк булган белемнәрнең үтәлеше белән танышу иде.  Максатыбызны тормышка ашыру юнәлешендә тәрбиячеләр Рахимуллина А.С  иртәнге гимнастика, Яруллина Э.И. «Осень. Овощи и фрукты» дигән темага рус теле эшчәнлеге күрсәттеләр.Укытучыларыбыз эшчәнлектән канәгать калдылар.  Бала мәктәпкә укырга кергәнче, мәктәп белән бакча арасында һәр вакыт ныклы элемтә булырга тиеш дигән нәтиҗә ясадык.

Татар халкының милли мәдәни үзенчәлекләрен саклау һәм яклау максатыннан, балаларны декоратив-гамәли сәнгатнең гүзәл төре-татар чигеше белән таныштырдык. Рәсем эшчәнлгендә матур итеп читекләр буядык.