Язгы каникулда  мәктәбебез укытучылары 9, 11 нче сыйныф укучыларын чыгарылыш имтиханнарына әзерлиләр. 9 нчы сыйныф укучылар Акбирова В.Ф. җитәкчелегендә рус теленнән ОГЭга тырышып әзерләнәләр. Һәр биремне игътибар белән өйрәнәләр, сочинение  язуга булган таләпләрне үзләштерәләр.

24 март көнне Курсабаш мәктәбендә "Кошлар" акциясе дәвам итә. География-биология укытучысы Сәләхиев А.Ф. җитәкчелегендә мәктәп каршындагы каеннарга сыерчык оялары эленде.

Бүген 24 март көнне безнең мәктәптә “Технические чудеса” түгәрәге үтте. Укучылар Башаров Фәннүр Шайдуллович җитәкчелегендә лобзик пычкысы белән кисү өчен орнаментның эскизын ясадылар, лобзик пычкысы белән кискәндә борылу аламнары өйрәнделәр, бизәкләп кисеп куна тактасы ясадылар.

19  март көнне  мәктәбебездә  зур  бәйрәм  “Кошлар –безнең  дусларыбыз”  акциясенең  йомгаклау  өлеше  булды.  Беренче  өлешендә  укучылар  кошлар  турында  үзләре  иҗат  иткән  шигырьләрне  сөйләделәр .  Күңелле  җырлар  башкардылар.   Соңыннан  география  укытучысы  Саляхиев  А.Ф.  пешергән  “Карга  боткасы”н ашап  сыйландык .  Канатлы  дусларыбыз  - кошларга  да    авыз иттердек. 

6  нче  март  көнне  мәктәптә  8 март   Халыкара   Хатын-кызлар  көненә  багышланган   “Озын  толым “  бәйгесе  үтте.   Бәйгедә  2-8 класс  кызлары  катнашты.  Бәйрәм   җыр-бию  белән   үрелеп  барды.   Без дә  барлык    Гүзәл  затларыбызны   бәйрәм  белән  котлыйбыз.. Исәнлек,  саулык  ак  бәхетләр   телибез.    Бәйрәм   белән   Сезне!

 5  нче  март көнне  без укучылар  белән  тыл  ветераннарына  Бөек Җиңүнең -70 еллыгы медальләрен тапшыру  тантанасында  катнаштык.  Аларның сугыш елларында күрсәткән батырлыклары хакында безнең онытырга хакыбыз юк. Шул Бөек батырлык алдында без баш ияргә бурычлыбыз. Менә бүгенге чара да шул максаттан чыгып оештырылды. 

IX сыйныф  укучысы   Юсупова  Ризәләне астрономия  фәненән Республика олимпиадасында  җиңүче булуы, Россия  Федерациясе  буенча  региональ  этапта  призер, татар  теле, рус  теле,   рус  әдәбиятыннан   Республика  олимпиадасында   призер  булуы  белән  чын  күңелдән  котлыйбыз!

     Ризәләнең әтисе  Юсупов  Зәфәр  Закировичка,  әнисе  Юсупова  Райлә  Ильгизовнага, укытучыларына  олы рәхмәтебезне  белдерәбез.