Бүген, 26нчы июнь көнне, чыгарылыш сыйныф укучыларының Сабада "Чыгарылыш кичәсе" булып узды. Әлеге тантанада районыбыз башлыгы Рәис Нургалиевич һәм мәгариф бүлеге җитәкчесе Ильфат Фоатовичлар тарафыннан уку алдынгыларының иң-иңнәренә алтын медаль, акчалата бүләк, рәхмәт хаты һәм  матур гөлләр тапшырылды. Безнең мәктәптән өч укучының икесе алтын медаль,  акчалата бүләк, ә берсе аерым фәннәрне аеруча әйбәт үзләштергәне өчен мактау грамотасы, акчалата бүләкләргә ия булдылар. Әлеге укучылар Шәйморзин Илнар, Нәгыймов Искәндәр һәм Гыймадиев Әнәсләр иде. Без аларны әлеге бүләкләре белән кайнар котлыйбыз. Аларга алга таба, үзләре теләгән уку йортларына урнашып, бу тормышта үз урыннарын табып,  матур яшәүләрен теләп калабыз. Без сезнең белән горурланабыз, егетләр! Афәрин!

Бүген лагерьда, сугыш башланган көн буларак, укучылар белән әңгәмә уздырылды һәм асфальта "Без тынычлык телибез" темасына рәсем ясадылар.

Зәки Хәбибуллинның Туган авылында экскурсиядә

19 июнь көнне без Икшермәгә экскурсиягә бардык. Балалар  төрле иҗади эшләр күрделәр, самолёт белән идәрә итәргә өйрәнделәр.

Сәламәтлекне ничек сакларга? исеме астында түгәрәк өстәл янында Курсабаш авылы фельдшеры Нафикова Рушания апа  белән очраштык. Рушания апа балаларга бик кирәкле һәм файдалы киңәшләр бирде.

Һәр бала үзенең сәләтен күрсәтте. Балаларның төрле яктан осталыклары ачылды. Бер - берсен хөрмәт итеп алкышладылалар. 

Лагерьда бар яктан да сәләтле балалар йөри. Рәсем ясарга, җырларга да биергә дә, нәфис сүзгә дә бик оста алар.

           Бүген лагерьда "Геннис рекордлары" көне булып үтте. Балалар арасында төрле номинациядәге ярышлар уздырылды.

Курсабаш мәдәният йорты хезмәткәрләре белән очрашу булды. Укучыларны төрле мавыктыргыч программа белән каршы алдылар. Балалар вакытларын файдалы һәм бик кызыклы үткәрделәр.