Физика елы уңаеннан, Зөфәр абыйлары. лагерьда ял итүче балаларны физика серләренә төшендерү максатыннан, КВН үткәрде. Физика фәнен әлеге балаларның берсе дә әлегә укымаса да, алар үзләренең инде бу фәнне күптән үзләштерә башлаганнарын аңладылар һәм әлеге фәннең ни дәрәҗәдә кызыклы, файдалы, кирәкле икәнлегенә төшенделәр.

Җәйнең иң матур мизгелләренең берсе, әлбәттә, балык тоту. Без  дә бүген балалар белән  балыкка барырга булдык. Һәм ялгышмаганбыз, көне дә бик матур булды, балыгы да салган саен эләгеп кенә торды.  Су буеннан балаларны алып кайтып китүе бик кыен булды.  Без бик рәхәтләнеп  ял да иттек, тәмле итеп уха  пешереп ашарлык  балыклы да булып  кайтып  киттек. Саф һавада балык тотканнн соң төшке аш  та бик тәмле булды.

Балаларны Халыкара  яклау көне уңаеннан мәктәбебездә Сабантуй булды. Сабантуе уку алдынгыларын котлау  белән башланып китте. Бәйрәмгә  авылыбыз  кибете дә килгән иде. Кибет хуҗасы Зөфәр абыйлары, балалар өчен, махсус  татлы мамык ясый торган аппарат та сатып алган. Балалар бик куандылар. Бәйрәмдә бик күп яңа уен төрләре дә кертелгән иде. Бүләкләре дә бик матур иде. Укучылар да, килгән кунаклар да бик канәгать булып  таралдылар.

Җәйнең беренче көнендә, Балаларны Халыкара яклау көнендә мәктәбебездә  җәйге ял лагеры ачылып китте. Балалар беренче көнне үк Сабантуй бәйрәмендә катнашып, бик күп бүләкләр оттылар. Балаларны бәйрәм белән котлап,  сау-сәламәт ял итүләрен теләп калыйк.

    22 май көнне безнең  мәктәптә “Соңгы кыңгырау” бәйрәме булып узды. 9, 11 нче сыйныф укучылары  бик матур чыгыш  зерләгәннәр иде. Быелгы уку елында  безнең мәктәбебез олимпиада нәтиҗәләре буенча кабат беренче урында. Һәм әлеге уңышларның төп сәбәпчеләре дә, күбесе, 9, 11нче сыйныф укучылары арасыннан. Без  алар белән бик горурланабыз. Алда әле аларны бик зур сынаулар көтә. Без аларга нык сәламәтлек,  түземлелек, имтиханнар тапшырганда зур уңышлар юлдаш булсын иде дип теләп калабыз.

13  мая 2015 года в 16.00 в районном доме культуры  прошла торжественная церемония награждения учащихся -  интеллектуалов нашего района.  На церемонию были приглашены учащиеся 4-11 классов победители и призеры предметных олимпиад, их родители и педагоги. И наша школа заняла I место за высокие показатели обучающихся в муниципальном и региональном этапах Всероссийских и республиканских олимпиад. Молодцы!!!!

Бүген “Бердәм экологик дәрес” үткәрелде. Әлеге дәрес балаларга экологик тәрбия һәм белем бирү, аларда табигатькә, тереклек ияләренә аңлы,сакчыл караш, кешелеклелек, киң күңеллелек сыйфатлары тәрбияләү, туган якка, аның табигатенә мәхәббәт уяту максатыннан оештырылды.

Быелгы  Бөек  Җиңүнең  70 еллыгы уңаеннан әзерләнгән  укучыларның чыгышы беркемне  дә  битараф калдырмагандыр. 2 сыйныф укучысы Зиганшина Адилә “Вәхшәт” шигырен сөйләгән вакытта  тыл ветераны әби – бабайларының  күзләре  яшь тамчылары белән капланды. Әлеге шигырьне тыңлаган  вакытта фашист илбасарларының явызлыгы, кансызлыгы, мәрхәмәтсезлеге  ветераннарның  гына түгел, тыныч халыкның  да  йөрәгенә кайнар  ядрә  булып кереп урнашты.     Ә 8нче сыйныф укучыларының берсеннән – берсе дәртле  биюләре  халыкны кабат тыныч тормышка алып кайтты.

   Хөрмәтле , сугыш һәм тылл ветераннары,  Сезгә  озын гомер, аяз күк йөзе телибез. Тагын бик күп мәртәбәләр Җиңү язын бергәләшеп каршыларга насыйп булса иде.  

8нче май көнне Курсабаш урта мәктәбе укучылары Бөек Җиңүнең 70 еллыгы уңаеннан Билгесез солдат һәйкәле, якташыбыз Зәки Хабибуллин бюсты һәм сугыш кырында үлеп калганнар, хәбәрсез югалганнар исемлеге урнаштырылган обелискка венок куйдылар.

   Венокларны куяр алдыннан, мәктәбебезнең хәрби әзерлек дәресләре укытучысы Башаров Фәннүр Шайдуллович әлеге сугышның мәрхәмәтсезлеге турында укучыларның исләренә кабат төшереп узды, һәм сугыш корбаннарын бер минут тынлык белән искә алып уздылар.

20 - 23нче апрель көннәрендә башкалабыз Казанда татар теле  һәм әдәбияты буенча III Халыкара олимпиада булып узды.

    Курсабаш урта гомумбелем бирү мәктәбенең IX сыйныф укучысы Нигъмәтҗанова Гөлинә (укытучысы Зиганшина Рузалия Зиннур кызы) III урын алып кайтты. Гөлинәне бу  зур җиңүе белән кайнар котлыйбыз. Әлеге олимпиадада барлыгы 11000 егет - кыз катнашып, шуларның 500-е Казанда чыгыш ясады. Шушы 500 катнашучы  арасында Казахстан, Үзбәкстан, Әзербәйҗан, Таҗикстан, Япония, Төркия, Кытай, Бельгия, Канада, Финляндиядән килүчеләр дә бар.Ә безне иң куандырганы, алар арасында безнең Гөлинәбез дә бар. Бар гынамы? Ә III, призлы урын! Афәрин, Гөлинә! Без синең белән горурланабыз. Сиңа алга таба да  зур уңышлар юлдаш булсын!