12 июнь - Россиядә көненә багышланган чарада балалар файдалы мәгълүмәт алдылар.

Шахмат белән шашка  уенын кемнәрдер спорт төренә  кертергә теләмиләр. Ничек кенә әле алар спорт уены  түгел? Бүген безнең балаларыбыз шахмат уйный-уйный футбол уйнаганнан да катырак тирләделәр.

25нче майдан 19нчы майга кадәр Республикабыз күләмендә "Гражданнарның сәламәтлеген тәмәке төтене тәэсиреннән саклыйк" дигән айлык дәвам итә. Шул уңайдан безнең мәктәп лагеренда да төрле чаралар булды. Балалар тәмәкенең никадәрле зыянлы икәнен төшенделеләр һәм беребез дә үскәч тәмәке тартмаячакбыз дип вәгъдә бирделәр.

   Ниһаять, без көткән көн дә килеп җитте. Без бүген яраткан Сабабызда экскурсиядә. Күпме генә әти-әниләребезгә ияреп монда килгән булсак та, Сабабызны әле без бөтенләй белмибез икән бит. Ике сәгать эчендә районыбыз музейларында да, китапханәдә дә, яраткан "Саба дулкыннары" телерадиокомпаниясе студиясендә дә булырга өлгердек. Бүгенге көн безнең өчен бик күңелле һәм файдалы узды.

   Без бүген, иртәгә  авылда буласы Сабантуйга әзерләнү максатыннан Сабантуй мәйданына экскурсиягә бардык. Мөмкин булган барлык уеннарны да уйнап карадык. Шундый күңелле булды. Болай булгач чын Сабантуйда бүләкләрнең кәттәләрен отабыз инде!

Без бүген балалар белән кабат балыкка бардык. Әмма, балык тотар өчен генә түгел, ә иң зур балык тотучыны ачыклар өчен.  Иң зур балык тотучыны ачыклау җиңел булмады, шәулай да Равнатның зур балыклары күбрәк булды һәм җиңүче исемен дә аңа бирергә туры килде. Афәрин, Равнат!

   Ике отряд арасында "Күңелле стартлар" уены булып узды. Әлеге уенны балалар бик яратып кабул итте. Жюрига бик  авыр булды. Көчләр тигез иде. Һәм чыннан да соңгы уеннан соң очколарның тигез икәнлеге ачыкланды.

   Асфальтка рәсем ясыйбыз дигәч, балалар барысы да "Сәламәтлек"  һәм "Тынычлык"  темасын сайлаганнар булып чыкты. Менә нинди олы йөрәкле безнең кечкенә балаларыбыз!