Карлы-буранлы кыш азагында, безнең яраткан шагыйребез Муса Җәлил туган. Ул 1906 нче елның 15 нче февралендә элекке Оренбург  губернасы Мостафа  авылында туа. Кечкенә Муса сәләтле, тырыш була. Укырга да тиз өйрәнә.М. Җәлил балалар өчен кызыклы шигырьләр яза. Кайбер шигырьләренә көй языла. Ул балаларны укырга, эшне яратырга, табигатьне сакларга өйрәтә. М.Җәлил дигәндә - татар халкын, ә татар халкы дигәндә, М.Җәлилне күз алдына китерәләр. Аның шәхесен һәм батырлыгын бөтен дөнья белә. Димәк, ул – чын мәгънәсендә халкыбызның бөек шәхесе, горурлыгы.  Без бүген Муса Җәлилнең туган көне уңаеннан “Муса Җәлил- халык улы”кичәсе үткәрдек.  Балалар аның җырларын, шигырьләрен матур итеп башкардылар.

Әйтче, Муса, шундый батырлыкны

Кай җиреңдә саклап йөреттең?

Кемнән алдың мондый горурлыкны?

Нинди ялкыннарда чыныктың?

Җиңәр өчен шундый дошманнарны

Корычтан булгандыр беләгең.

Сөйләр өчен палач битенә төкереп

Куш булгандыр синең йөрәгең.

Арабыздан үзе югалса да,

Юк суытмас һични бу эзне.

Көрәштәге Муса, солдат Муса,

Йөрәктәге Муса ул безнең.

15 февраль-татар халкының бөек улы, герой-шагыйрь Муса Җәлилнең туган көне. Җәлил батырлыгы һәм иҗаты тарихка үлемсез җырлары белән теркәлгән. Февраль аенда бакчабызда Җәлилгэ һәм җәлилчеләрнең якты истәлегенә багышланган чаралар оештырыла, бүген  шагыйрьнең тормыш юлы һәм иҗатына багышланган викторина һәм шигырь сөйләүчеләр конкурсы уткәрелде. Балалар аның әсәрләре буенча рәсемнәр ясадылар. Иҗатына багышланган презентацияләр карадылар.

Каның белән язган шигырьләрең

Тетрәп укый сине бөтен җир,

Буыннардан – буыннарга килер

Мәңге үлмәс, Муса, синең җыр!

Бу көннәрдә бакчабызда  “Сәламәт яшәү рәвеше” исеме астында төрле чаралар үткәрелде. Балаларга төрле эшчәнлектә балаларда үз сәламәтлекләренә карата игътибарлылык, сак караш тәрбияләү, физик культура, спорт белән шөгыльләнергә кирәклеге буенча өңгәмәләр, күңел ачу, ярышлар оештырылды. Балалар белән очрашуга теннис буенча тренер Фархуд Усманович килде. Ул алар белән бик матур әҗгәмә корды. Соңыннан балалар белән спорт ярышы үткәрелде. Әле алда тагы да очрашулар дәвам итәчәк. 

Россия күләмендә  үтүче "Сәламәт балалар - сәламәт гаиләдә" акциясендә актив катнашып,  “Сәламәт яшәү рәвеше” темасына гаиләләр белән төрле формада сәламәт яшәү рәвешен  чагылдыручы күргәзмә оештырдык. Алар арасында Гиззатуллин Зөлфәт һәм Тазиева Ясминәләрнең презентацияләре, Гафурова Мәрьямның кул эше, Зунунов Салихның  плакаты аеруча эчтәлекле, игътибарга лаеклы дип табылды. Барлык катнашучы гаиләләргә рәхмәтебезне җиткерәбез.

Зурлар төркемендә тәрбияләнүче  Ханов Ринас  “Мәктәпкәчә яшьтәгеләрнең эзләнү- тәҗрибә проект эше” Бөтенроссия  “”Радуга открытий”  конкурсында “Су белән эксперименталь- тәҗрибә эшчәнлеге ” проекты белән катнашты. Аның бу тәҗрибә- проект эшен шулай ук жюри югары бәяләгән һәм Ринас берьюлы ике бүләккә- катнашканлыкка сетификат, җиңүче Дипломына лаек булды. Яшь буынны проект эшчәнлегенә өйрәткәне өчен тәрбиячеләр Ханова Г.Р ., балаларны һәм педагогларны оештырганы өчен бакча мөдире Мубаракшина А.М. һәм  өлкән тәрбиячесе  Халитова Ф.Р. гга  Рәхмәт хатлары килде.  Ринасны уңышы белән котлыйбыз. Ул инде берничә конкурста катнашып урыннар яулады. Алга таба да актив бул, кызыксынучанлыгың һәм талантың артсын дигән теләктә калабыз.

Мәктәпкә әзерлек төркемендә тәрбияләнүче  Гиззатуллин Зөлфәт  “Мәктәпкәчә яшьтәгеләрнең эзләнү- тәҗрибә проект эше” Бөтенроссия  “”Радуга открытий”  конкурсында “Табигатьтә су” проекты белән катнашты. Аның бу тәҗрибә- проект эшен жюри югары бәяләгән һәм Зөлфәт  берьюлы ике бүләккә- катнашканлыкка сетификат, җиңүче Дипломына лаек булды. Яшь буынны проект эшчәнлегенә өйрәткәне өчен тәрбиячеләр Ханипова Л.А. һәм Солтанова М.Р. , балаларны һәм педагогларны оештырганы өчен бакча мөдире Мубаракшина А.М. га Рәхмәт хатлары килде.  Зөлфәтне тәүге тәҗрибә- проектының уңышка ирешүе белән котлыйбыз һәм алга таба да бу җиңүе яңа ачышлар ясарга этәргеч булсын дигән теләктә калабыз.

Балалар бүген иртәдән үзләренең физик тәрбия эшчәнлеген шул девиз астында башладылар. Иртәнге гимнастика  февраль ае буе ай ритмик музыка астында күңелле күнегүләр, аэробик күнегүләр ясау белән оештырыла. Инде Олимпиада көненә барлык төркемнәр дә комплексларны өйрәнеп беттеләр һәм “Олимпиадага бездән сәлам” спорт- күңел ачу чарасында да башкардылар. Шулай ук кичәдә  төрле спорт ярышлары, уеннар уйнадылар, Сочи, андагы  ярыш төрләре турында презентацияләр карадылар. Әти- әниләргә балаларны спортка тарту, сәламәт яшәү рәвеше турында папка – ширмалар ясап куелды. Педагогическая копилка бүлегенә  физик тәрбия- сәламәтлекне саклау буенча бакчабызның эш тәҗрибәсе буенча ясалган презентация  куелды.

Бакчабызның рус теле тәрбиячесе Валимухаметова Ләйлә Рафаэловна югары кв. категория алды. Ул  балаларга рус телен заманча технологияләр, УМК, парциаль программалар кулланып өйрәтә. Эш тәҗрибәсе белән һәрдаим коллегеалар белән уртаклаша, бөтенроссия, республика, районда үткәрелгән конкурсларда актив катнаша, урыннар яулый. Ләйлә Рафаэловнаны югары кв. категория алуы белән чын күңелдән котлыйбыз, алга таба да иҗади уңышлар телибез.

Хөрмәтле әти- әниләр! "Кабак" җырына төшерелгән клипны карау өчен үзебезнең сайттагы сул як колонкадагы "Медиатека" бүлегенә керегез, аннан соң видеотекага. "Педагогическая копилка" да җәйге, кышкы сюжетлар карый аласыз. Презентация бүлегендә үткән темаларга презентацияләрне балалар белән теманы кабатлау өчен карарга тәкъдим итәбез. Әгәр клипны үзегезгә яздырып алырга теләсәгез, Флюзия Рафаиловнага мөрәҗәгать итегез.