1 Май – Яз һәм хезмәт бәйрәме.  1889 елда 11 Интернационалның Париж конгрессында 1 Май көнен Халыкара эшчеләр бердәмлеге көне дип игълан итәләр.                                                                                                                                      

Бәйрәм тарих төсмерен саклап калып, бүген дә бөтен кешелек дөньясы өчен элеккеге кебек үк хезмәт ияләре бәйрәме, тынычлык, үзара татулык бәйрәме булып кала. Ни генә булмасын, 1 Май – чын-чынлап яз килүен белдерә. Нәкъ менә бу айда алмагачлар, шомыртлар ап-ак чәчкәгә күмелә. Бар җиһан гүя әкияти дөньяны хәтерләтә!

Яз һәм хезмәт бәйрәме белән!

Май аенда туган көннәре булган Загидуллина Халисә Хаммат кызы, Ибатуллина Илзирә Сөләйман кызы, Каюмова Ләйлә Рөстәм кызы, Зайнуллина Рәзилә Валентин кызы. Сезне туган көннәрегез белән чын күңелдән котлыйбыз. Сезгә зур уңышлар, бәхет, шатлыклар телибез.

Котлап сезне туган көнегез белән, 

Якты кояш сипсен җылысын.

Сезнең өчен алып килсен  һәр көн

Бәхетләрнең иң - иң олысын.

Якты өмет, олы шатлыклар

Һәрчак сезгә юлдаш булсыннар.

Уңышлардан килгән куанычлар,

Күңелегез күген бизәп торсыннар.

Бүген бакчабызда үткән гомуми әти-әниләр җыелышы “Мәктәпкәчә яшьтәге балаларда сәламәт яшәү рәвешенә гадәт формалаштыру” дигән темага астында үтте. Җыелышның максаты сәламәтлекнең әһәмиятен аңлатуга, сәламәт яшәү рәвеше тәрбияләү өчен шартлар тудыруга, үз сәламәтлегеңә һәм якын кешеләреңнең сәламәтлегенә сакчыл караш тәрбияләүгә юнәлтелгән иде.                                                                                                   

Әти-әниләр җыелышына ГИБДД   инспекторы   И.Д.Насыйбуллин килде. Балалар катнашында юл-транспорт травматизмын кисәтү турында чыгыш ясады, үзенең киңәшләрен әйтте  һәм әти-әниләрне кызыксындырган сорауларга аңлаешлы җаваплар бирде. Әти-әниләргә “Безопасность на дороге” дигән  памяткалар таратты.                                                                

24 апреля 2014 года  дети старшей группы детского сада «Эллуки» (воспитательница Курбанова Н.Х.) участвовали на конкурсе «Дети рисуют музей» и за участие на конкурсе были награждены подарками.

-          Расим абый! Син, тормыш баскычлары аша күтәрелеп, 50 яшеңне тутырдың.Язгы ташулар аккан, табигать яшәргән, кояш җылысы моң уяткан, күңелне юаткан көннәрнең бер мизгелендә тугансың.Апрель ае ул – җанны җылыткан, йөрәктәге хисләрне дәрьяга әверелдергән вакыт. Күңелең көндә кояшлы, көн дә аяз булсын.

Гомер – тауга менеп төшү.

Тау түбәсе – кыядыр.

Кыя тик кыю кошларга –

Бөркетләргә оядыр.

50 яшь – Син кыяда:

Күзеңнең очлы чагы,

Болытларга атылырга

Канатың көчле чагы.

Бәйрәмең торсын җим булып –

Бер алтын бөртек булып!

Ходай бирсен: озак еллар

Яшәргә Бөркет булып!

Дөньяда төрле һөнәр ияләре бар: тегүче, буяучы, рәссам, хат ташучы, сатучы, чәчтараш, төзүче, укытучы, тәбрияче, дизайнер һ.б. Татар халкы: "Эше барның ашы бар." - дигән бит. Шуңа күрә балаларда кечкенәдән хезмәткә хөрмәт тәрбияләргә, төрле һөнәр ияләренә карата кызыксынучанлык үстерергә, һөнәр осталарының матур эшләренә соклану, горурлык хисләре тәрбияләргә кирәк. Бу атна "Әти-әни һөнәре" дигән тема астында үтте.Тәрбиячеләр балалар белән "Сез нинди һөнәрләрне беләсез", "Әти-әниләрегез нинди һөнәр ияләре", "Зур үскәч, синең кем буласың килә" дигән темаларга әңгәмәләр үткәрделәр. Мультимедияле презентацияләр карадылар, хезмәт турында мәкальләр өйрәнделәр. Йомгаклау чарасы итеп, әти-әниләр белән берлектә, рәсем күргәзмәсе оештырылды.Актив катнашкан әти-әниләргә, балаларга зур рәхмәтебезне белдерәбез!

Балалар иҗат үзәге, Бөтенроссия ирекле янгын сакчылыгы җәмгыяте гомумироссия иҗтимагый оешмасының ТР бүлеге, Саба муниципаль районы буенча янгыннар күзәтчелек бүлеге республикакүләм "Янгын куркынычсызлыгы" дигән конкурс игълан иткән иде. Безнең "Әллүки" балалар бакчасының мәктәпкә әзерлек төркеме балалары бу конкурста бик теләп катнаштылар. Һәм актив катнашканнары өчен сертификатлар белән бүләкләнделәр: Исмагилова Иделия, Гасимова Нәргизә, Сабирова Зилә, Галимзянова Лиана, Аухадиева Алинә. Аларны котлыйбыз!

Мәктәпкә әзерлек төркемендә тәрбияләнүче Зайнуллин Фердидандны  республикакүләм  "Янгын куркынычсызлыгы" конкурсында "Иң яхшы рәсем" номинациясендә 2 урын алуы белән котлыйбыз. Әфәрин!