Нәүрүз бәйрәмендә балалар Карга боткасыннан, төрле-төрле матур итеп бизәлгән йомыркалардан, тәмле коймактан авыз иттеләр.                                              

Бүген көн тиң төннәргә,                                                                                                                                                                                                                                                               Урын юк һич көнләргә,                                                                                                                                                                                                                                                               Без дә тиң, без дә тигез!                                                                                                                                                                                                                                                             Мөбәрәк Нәүрүз! - дибез.

 Хуш киләсең, гүзәл Нәүрүз! -                                                                                                                                                                                                                                                        Язгы яңа елыбыз,                                                                                                                                                                                                                                                                          Яңа елда туры булсын,                                                                                                                                                                                                                                                                  Нурлы булсын юлыбыз!

Бүген балалар бакчасы хезмәткәрләре белән хезмәтне саклау буенча укулар оештырылды. Укуларда презентация аша хезмәт кодексы статьялары, хезмәткәрләрнең вазифаи (должностные) инструкцияләре, янгын куркынычсызлыгы кагыйдәләре, бәхетсезлек очраклары булганда беренче ярдәм күрсәтү кебек сораулар каралды.

Хезмәтне саклау буенча укулардан соң хезмәткәрләр белән эвакуация /тренировка/ оештырылды. Персонал, марля бәйләвечләр кулланып,  бина эченнән балалар мәйданчыгына чыкты. Дежур администратор мөдиргә хезмәткәрләрнең бинадан исән-имин чыгуы  турында рапорт бирде.

15 марта в районном доме культуры прошёл первый дебют – кастинг районного фестиваля-конкурса семейных ансамблей «Остров талантов – 2015», который проводится  в рамках года литературы в России. Из нашего детского сада в отборочном  туре  фестиваля-конкурса  участвовали:  в номинации танцевальное творчество  - Валиева Лилия Илдаровна и её дочь Тимуршина Лиана; вокальное творчество – Динара и Диляра Хазиахметовы; Резеда и Ильзира Хамидуллины; театральное творчество – Гульсум и Диляра Нигматзяновы; выступление наших участников завершилось групповым эстрадным танцем «Весёлые шляпы» (Лилия+Лиана, Гузель+Алина, Динара+Диляра, Ландыш+Камиля, Резеда+Ильзира). Все творческие номера успешно прошли во второй дебют, который состоится 15 мая 2015 года! Молодцы!!! Желаем им успешного выступления на Гала-концерте!

Без зурлар төркеме балалары белән "Икмәк" комбинатына сәяхәт кылдык. Анда икмәк пешеру һәм кондитер цехларында булдык. Безнең максат икмәккә сак караш тәрбияләү, икмәкнең әһәмиятен аңлату, ипи үстерүдә катнашучыларның хезмәте турында белемнәрен ныгыту. Өстәлгә икмәк килсен өчен күпме көч, хезмәт, тир түгеп эшләргә кирәклеген балалар үз күзләре белән күреп шуңа инанып кайттылар.

Балалар бакчасына кайткач "Мәкальне әйтеп бетер" уенын уйнадык.

Икмәк - ил тоткасы.

Ипидән зур нәрсә юк.

Икмәкне әрәм- шәрәм итү зур гөнаһ.

Икмәк - тормыш нигезе.

8 март Халыкара хатын кызлар бәйрәме уңаеннан беренче кечкенәләр төркемендә "Мин әнине яратам"дигән күңел ачу чарасы үткәрелде.Балалар әниләрен ничек яратулары,булышулары,нәрсә бүләк итәргә теләүләре турында сөйләделәр,җырлар җырладылар.Бәйрәмгә кунак булып "Бичура"ның килүе балалар күңеленә аеруча хуш килде.Ул балалар белән төрле уеннар оештырды.Ахырдан алар бергәләп фотога төштеләр. Кичә бик күңелле булды.

Бөтенроссия күләмендә үткәрелгән "Мин рәсем ясарга яратам" конкурсында катнашып зурлар төркеменнән Канафиева Камилә, тәрбиячесе Шарипова Фәридә Миннисламовна зур җиңү яулап лауреат исеменә лаек булдылар һәм диплом белән бүләкләнделәр.

Март аенда туган көннәре булган хезмәттәшләребез  Миннуллина Резеда Рафаэловна, Назмутдинов Руслан Шамилевич, Широва Гөлнур Габделфартовна, Галиева Әлфия Тагировна, Гарифуллина Фәрхана Фальвановна, Хабибуллина Голчира Нотфулловна!!! Сезне туган көннәрегез белән котлыйбыз. Сезгә сәламәтлек, уңышлар телибез. Бәхетле һәм сөекле булыгыз! Балалар куанычы күреп яшәргә язсын. Тыныч тормыш, игелек, муллык телибез. 

Кояш сезгә назлап нурын сипсен,

Таң җилләре назлап сөйсеннәр.

Бәхет, шатлык сезгә юлдаш булсын,

Кайгы-хәсрәт ерак йөрсеннәр

Батырлык. Бу купшы сүз түгел,

Хәтерләрдән тиз җуела торган.

Мәгънә - асылында мәңгелеккә

Күңелләргә - җанга уела торган.

15 февральдә Россиядә ерак һәм якын чит ил территорияләрендә хәрби конфликтларны җайга салуда катнашкан сугышчы-интернационалистларны искә алу көне билгеләп үтелә. Шуларның иң фаҗигалесе, Әфган сугышы тәмамланганга  26 ел вакыт узды.  Бу сугышта солдат бурычын намус белән үтәгән райондаш егетләребез дә бар. Аларны искә алу, туган илгә мәхәббәт, патриотик хисләр тәрбияләү максатыннан зурлар төркеме балалары белән интернациональ бурычларын үтәгәндә, гомерләренең иң матур вакытында һәлак булган райондашларыбыз истәлегенә салынган монумент һәйкәл янына экскурсия оештырылды.

Әкрен генә җилләр исә,

Ел артыннан еллар үтә,

Ә халыкта тик бер теләк,

Гүя бердәм сулыш:

Мәрмәр һәйкәлләр каршында,

Яшьле күзләр карашында

 Катгый таләп:  Җирдә кабат                                                                                                                                                             Кабынмасын сугыш!