Җәйге лагерьда 6нчы көн "Сәламәт яшәү рәвеше"  иленә сәяхәт дип аталды.  Иртәнге аштан соң "Безгә киләчәгебез кадерле" темасына наркоманиягә каршы чара узды. Укучыларга әлеге яман гадәт  турында мәгьлүмат бирелде. Аннан соң "Имән" чишмәсенә экскурсия оештырылды. Икенче иртәнге ашны ашаганнан соң “Сәламәт яшәү рәвеше иленә” сәяхәт”   : тукталышлы спорт уеннары белән 2 төркем арасында ярыш узды. Соңыннан  “Көчлеләр, җитезләр, кыюлар”  дигән спортсменнар турында  видеофильм карау оештырылды.

Лагерьның 3нче көне "Универсиадага әзерләнәбез" дип аталды. Иртәнге гимнастика белән башланган көн спортка кагылышлы чаралар белән дәвам итте. "Сәламәт бала-өметле киләчәк" темасына узган әңгәмәдән соң балалар татар халык уеннары уйнап ял итеп алдылар. Икенче иртәнге аштан соң "Күңелле стартлар" да һәркем үзенең җитезлеген сынап карады. Ял минутларында "Дуслар булыйк" дигән җыр өйрәнелде. Төшке аштан соң рәсем бәйгесе узды.

Бүген-лагерьның икенче көне. "Дуслык" аланында дип исемләнгән бу көн бик күңелле узды. Иртәнге зарядкадан соң  "Син бу агачларны беләсеңме?" интеллектуаль  бәйгесендә "Күбәләк" отряды  тапкыррак  булды. Аннан соң 2 отряд та "Авылымның иң матур урыны" темасына аппликация  ясады. Балаларның туган якларына мәхәббәте, иҗадилыгы   бу эшләрендә бик яхшы чагылды. Икенче иртәнге аштан соң Нысы елгасы буендагы сәяхәт тә бик файдалы һәм истә калырлык узды. Елга буйлап йөреп кайтканнан соң  көндезге аш бик тәмле булды. Соңыннан "Судагы балыклар" видеоязмасын карау оештырылды.  "Дуслык" аланында ял итү һәркемгә ошады!

Бүген 1 июнь- җәйге каникулның беренче көне. Мәктәбебездә 35 балага исәпләнгән ял һәм сәламәтләндерү лагере үз эшчәнлеген башлап җибәрде. 18 көн дәвамында "Дуслык"  лагеренда төрле кызыклы бәйгеләр, спорт ярышлары, экскурсияләр һ.б. планлаштырыла. Бүгенге көн "Әйдәгез, танышабыз!" дип исемләнде. "Нарат" боз сараенда булып кайтканнан соң,  укучылар 2 отрядка бүленде, исем, җыр, девиз сайланды. Оештыру әгьзалары билгеләнде. Һәр укучы кызыклы формада үзе белән таныштырды.   Шулай итеп лагерьның беренче көне  узып та китте.

Бүген чыгарылыш класс укучылары имтиханнар бирә башлады. Биология фәне буенча БДИда мәктәбебездән 5 укучы катнашты.

Саба районы яшьләр һәм спорт бүлеге тарафыннан уздырылган "Здорово живешь"  буклетлар бәйгесендә  "Дорогой добрых дел" номинациясендә 6 класс укучысы Шайхеразиева Зөлфинә 2нче урын алды һәм 26нчы майда балалар иҗат үзәгендә оештырылган бүләкләү тантанасында катнашты. Җитәкчесе- Сәйфиева Р.В.

Бүген- Соңгы кыңгырау бәйрәме. Моңсу да. шатлыклы да булган бу бәйрәмне  чыгарылыш класс укучылары  да, әти-әниләр дә, укытучылар да зур дулкынлану белән көтеп алды.Мәктәбебезне 11 укучы тәмамлый. Аларның һәркайсы коллективыбызга якын һәм кадерле. Класс җитәкчеләре Ибушева Фирая Наилевна белән бергәләп бу класс мәктәп һәм район күләмендә уздырылган чараларда һәрвакыт актив булды. Бүгенге бәйрәмгә дә бик яхшы әзерләнде алар. Соңгы кыңгырау бәйрәмен мәктәбебез директоры Роберт Рашитович ачып җибәргәннән соң сүз хөрмәтле кунакларыбыз : Саба МТС генераль директоры Миннебаев И.Р.,Саба суд приставлары хезмәте җитәкчесе Гайнетдинова Л.Н., балалар иҗат үзәге методисты Ханафиева А.М. бирелде. Авылыбызның имам -хатибы Рәис абый чыгарылыш класс  укучыларына хәер-фатиха бирде. Тәбрикләүләрне авыл җирлеге башлыгы Фәкыя Хәсәновна, күмәк хуҗалык җитәкчесе Ленар Мөстәкыймович дәвам итте. Укыту эшләре буенча директор урынбасары Рәсимә Рафиковна бу уку елы нәтиҗәләре белән таныштырды, гел "5"ле билгеләренә укучыларга  Мактау грамоталары, 11 класс  укучыларына Рәхмәт хатлары тапшырды. Җыр-биюләр белән үрелгән бәйрәмдә беренче укытучылар Илүсә Габделмәҗитовна, Гүзәлия Рамилевна, әти-әниләр, класс җитәкчесе Фирая Наилевна укучыларга иң изге теләкләрен җиткерделәр.

Кайчан гына күбәләктәй

Ашкынып килдегез мәктәпкә.

 Җиз кыңгырау дәште Сезне һәркөн

Яналыклар тулы дәрескә.

 Инде менә бүген кошлар кебек,

 Иркен киңлекләргә очасыз.

 Хәерле юл,Сезгә! Куллар болгап

Сезне менә озатып калабыз.

Эшләрегез һәрчак уңай булсын,

Изге хисләр  безнең йөрәктә.

 Хәерле юл Сезгә,Унберенчеләр-

 Калабыз без шушы теләктә!

Бүген Яшел Үзән   районы Осиново гимназиясендә КПФУ тарафыннан уздырылган  "Минем авылым" 1нче республика иҗади һәм эзләнү эшләре бәйгесендә 2 класс укучысы Гафиятова Илзия 1нче урынга лаек булды. Укытучы-Шайхеразиева Ф.В. Илзияне һәм Физәлия Вакифовнаны әлеге җиңү белән котлыйбыз, алга таба да иҗади уңышлар телибез.

ТР Мәгариф һәм фән министрлыгы һәм наркотиклар әйләнешен контрольгә алу федераль хезмәте Идарәсе тарафыннан уздырылган "Белергә хакым бар" Интернет-дәресе методик эшкәртмәләр бәйгесендә мәктәпнең тәрбия эшләре буенча директор урынбасары Измайлова Г.М. катнашты. Бүген Казан шәһәре мәгариф хезмәткәрләре йортында әлеге бәйге җиңүчеләрен тәбрикләү тантанасы узды. Гүзәлия Мансуровна Диплом белән бүләкләнде. Котлыйбыз!

15 май көнне район балалар иҗаты үзәге тарафыннан Пионериянең 90 еллыгына багышлап уздырылган слетта безнең мәктәп укучылары да актив катнашты. "Беренче пионер отрядлары" дигән  чыгышта алар пионер оешмасының тарихы турында сөйләделәр. Табигать  кочагында узган бу күңелле бәйрәмдә мәктәбебезнең "Ай" балалар оешмасы "Вместе мы-одна страна" республика фестивалендә 3 урын  алган өчен Диплом белән , район чараларында актив катнашкан өчен Мактау грамотасы белән бүләкләнде.