Көзге каникуллар алдыннан гимназия укучылары белән куркынычсызлык кагыйдәләре буенча сыйныф сәгатьләре, инструктажлар үткәрелде.
ЮХИДИ профилактика бүлегенең әйдәп баручы белгече Хәйруллина Сәгдия Салиховна 1 нче сыйныф укучылары белән юл йөрү кагыйдәләре буенча агитацион - профилактик чара уздырды. Юл хәрәкәте куркынычсызлыгы нигезләрен ныгыту өчен һәр сыйныфка юл йөрү кагыйдәләре турында кызыклы китаплар бүләк ителде.

17 нче октябрь көнне үткәрелгән “Россия - минем горизонтларым” сыйныфтан тыш эшчәнлек курсы кысаларында укучылар белән "Аграр Россия: азык- төлек сәнәгате һәм җәмәгать туклануы" дигән темага сөйләшү алып барылды. Һөнәри юнәлеш бирү дәресендә укучылар төрле юнәлешләр белән таныштылар:
- селекция һәм генетика;
- үсемлекчелек һәм бакчачылык;
- терлекчелек һәм азык промышленносте.

16 нчы октябрь көнне гимназиябездә физика укытучылары өчен онлайн формада республика күләмендә стажировка үткәрелде.
Стажировканың темасы "Интеграция учебных предметов "Химия", "Биология" и "География" в школьном физическом образовании" дип аталды. Укытучыларның һәр чыгышы файдалы, аңлаешлы һәм практик яктан яңа идеяләргә бай булды. Әлеге чараны оештырган өчен Лилия Газинуровна, Ләйсән Ринатовна, Индира Рифкатовна һәм Гөлфинә Әсхатовнага зур рәхмәтләребезне белдерәбез!

Казан (Идел буе) федераль университетыннан килгән вәкилләр гимназиянең 10 нчы сыйныф укучылары белән "Spell battle" дигән фонетик уен үткәрделәр. Уен дустанә, позитив һәм җылы атмосферада үтте. Җиңүчеләр диплом һәм истәлекле бүләкләр белән бүләкләнделәр!

Гимназиядә дүшәмбе иртәсе Рәсәй һәм Татарстан гимннарын башкарудан башланып китте. Гимн җырлаганнан соң "Мөһим сөйләшүләр" дәресләр циклы уздырылды. Укучылар белән "Зур булу нәрсәне аңлата?" дигән кызыклы темага сөйләшү алып барылды. Дәреснең максатлары:
- укучыларда олыгаю турында күзаллау формалаштыру;
- "җаваплылык" төшенчәсе белән таныштыру.

Гимназия тарихында икенче тапкыр “Алдынгылар хәрәкәте” нең беренчел бүлек советы рәисен сайлау узды. Сайлауда 5 - 11 нче сыйныфлар һәм укытучылар катнашты.
370 сайлаучының тавышлары түбәндәгечә бирелгән:
1. Валеева Алимә - 187;
2. Афзалова Аделя - 173;
3. Бозылган бюллетеньнәр - 10.
Нәтиҗәдә, күпчелек тавыш белән 8Б сыйныф укучысы Валеева Алимә җиңде! Алимәгә җаваплы вазифасында уңышлар телибез!
Гимназия укучыларын "Алдынгылар хәрәкәте" нең төрле юнәлешләрендә актив катнашырга, бердәм команда булырга чакырып калабыз! Хәрәкәттә бул! Беренче бул!

Видеога сылтама: https://vk.com/club216931602?z=video-216931602_456239326%2F516ac38c3e298e875f%2Fpl_wall_-216931602

"Сабантуй" журналының 100 еллыгы уңаеннан, журналда хезмәт иткән һәм бүгенге көндә дә эшчәнлек алып баручы шәхесләрдән торган "Сабантуй" ның 100 йөзе" дип аталган күргәзмә оештырылды. Әлеге күргәзмә ачылышында гимназиябезнең "Хәят" инструменталь ансамбле дә катнашты. Укучыларыбыз һәм җитәкчеләре Марат Рафаэлевич чараны милли моңнар белән бизәделәр. Афәрин, укучылар!

Видеога сылтама: https://vk.com/club216931602?z=video-216931602_456239324%2F26abf98406a621f7fd%2Fpl_wall_-216931602

10 нчы октябрь көнне үткәрелгән “Россия - минем горизонтларым” сыйныфтан тыш эшчәнлек курсы кысаларында дөрес һәм кирәкле профессия сайлау формуласы турында сөйләшү алып барылды. Укучылар диагностика үттеләр, видеоөзекләр карадылар.
Шулай ук 8 - 10 нчы сыйныф укучылары Казан милли тикшеренү технология университеты (КНИТУ) вәкилләре белән очраштылар. Алар әлеге уку йортының максатлары һәм юнәлешләре белән таныштылар.

Һөнәри юнәлеш бирү кысаларында 7А сыйныфы укучылары белән "Цифр дәресе" үткәрелде. "Цифр дәресе" проекты- цифрлы күнекмәләргә өйрәтү һәм программалаштыру буенча гадәти булмаган дәресләр сериясе. Дәреснең темасы "Ясалма интеллект: промпт-инжиниринг" дип аталды. Дәрес барышында укучылар актив эшчәнлек алып бардылар, үзләрен кызыксындырган сорауларга җаваплар таптылар, практик биремнәр эшләделәр, IT- сферасында перспектив юнәлешләр белән таныштылар.
Әлеге дәрес укучылар өчен кызыклы һәм файдалы булды. Очрашуны оештырган өчен тәрбия эшләре буенча директор киңәшчесе Гөлчәчәк Әсхатовнага зур рәхмәт!

Атна дәвамында гимназиябездә “Алдынгылар хәрәкәте” нең беренчел бүлек советы рәисен сайлау буенча чаралар үткәрелде.
Төп кандидатлар исемлеге:
1. Афзалова Аделя Айнуровна - 8Б сыйныфы укучысы;
2. Валеева Алимә Тагировна - 8Б сыйныфы укучысы.
Агитация барышында барлык кандидатлар үзләренең эш программасын тәкъдим итттеләр, сайлау алды программасы белән листовкалар тараттылар, кандидатлар дебатында катнаштылар. Без үз чиратыбызда барлык кандидатларга да сайлауларда уңышлар телибез! Лаеклы кандидатны бергәләп сайлыйк!

Видеога сылтама: https://vk.com/club216931602?z=video-216931602_456239325%2F04a9e48cc37752d305%2Fpl_wall_-216931602