22 нче ноябрь - сүзлекләр һәм энциклопедияләр көне. Әлеге көн уңаеннан, укучылар белән мәгълүмати чарада үткәрелде. Балалар беренче белешмәләрнең кайчан барлыкка килгәнен белделәр, рус телендә язылган сүзлекләрнең авторы Владимир Иванович Дальның тормыш юлы белән таныштылар. Чара ахырында укучылар сүзлекләр турында видеоөзекләр карадылар һәм "Сүзне аңлат" уенын уйнадылар.

Гимназиянең 10 нчы сыйныф укучылары сыйныф җитәкчеләре Эльмира Вагизовна белән берлектә "Белем. Карьера" дип исемләнгән күргәзмәдә булып кайттылар.  Күргәзмә укучыларга һөнәри юнәлеш бирү максатыннан оештырылды. Төрле уку йортларыннан килгән вәкилләр үзләре белән таныштырдылар, уку шартлары, һөнәрләр турында сөйләделәр.

21 нче ноябрь көнне үткәрелгән “Россия - минем горизонтларым” сыйныфтан тыш эшчәнлек курсы кысаларында укучылар белән “Уңайлы Россия: транспорт” темасына сөйләшү уздырылды. Дәреснең максатлары:
- укучыларны транспорт өлкәсе белән бәйле булган һөнәрләрнең төрлелеге белән таныштыру;
- һөнәр сайлау процессына әзерләү.

Әлеге көннең үз тарихы бар: ул Бала хокуклары конвенциясе кебек мөһим документ кабул ителү белән бәйле. Шул уңайдан, гимназия китапханәсендә "Китап геройлары хокукка ия" дип исемләнгән чара үткәрелде. Укучылар әлеге көннең тарихы белән таныштылар, сорауларга җаваплар эзләделәр.

Гимназия базасында эшләп килүче каратэ түгәрәгенә йөрүче укучыбыз Жданов Алмаз "Кубок России по Кёкусин" бәйгесендә II урынны яулады. Алмазны һәм тренеры Илсур Илгизовичны зур җиңүләре белән котлыйбыз, алга таба уңышлар телибез!

1945 елның 20 нче ноябрендә Германиянең Нюрнберг шәһәрендә легендар процесс- Гитлер Германиясенең элеккеге җитәкчеләре төркеме өстендә суд башлана. Суд процессы Нюрнбергта хакимнәр суды бинасында 11 айга якын дәвам итә. Бу дата ватандашларыбызның батырлыгы, Нюрнберг процессы карарларының бөтен кешелек язмышы өчен әһәмияте турында искә төшерә.
Әлеге истәлекле көн уңаеннан, тәрбия эшләре буенча директор киңәшчесе Гөлчәчәк Әсхатовна 8В һәм 11 нчы сыйныф укучылары белән интерактив дәрес үткәрде. Укучылар катлаулы суд процессы белән таныштылар, үзләрен кызыксындырган сорауларга җаваплар таптылар.

Хөрмәтле гимназиябез укучылары, әти-әниләр, укытучылар! Шушы исем астында традиция буенча гимназиябездә Ватан геройлары көне уңаеннан махсус хәрби операциядә катнашучы батырларыбызга ярдәм акциясе башлыйбыз.
Чын йөрәге белән булышасы килгәннәрдән:
- җылы киемнәр (перчатка, бияләйләр, оекбашлар, носкилар, баш киемнәре, балаклавалар);
- эчке киемнәр;
- дымлы тастымал- сөлгеләр (влажные салфетки, полотенца);
- озак саклана торган ризыклар (тушенка, сгущенка, кәнфитләр, кофе, чәй, печенье);
- медикаментлар (вируска, ОРВИга каршы, томау төшкәннән, мазьзлар, бинтлар, марлялар, лейкопластырьлар);
- күңел җылысы салынган хатлар сорыйбыз.
Акция 27 нче ноябрьгә кадәр дәвам итә. Барысы да батырларыбыз хакына!

Гимназиябезнең 9Б сыйныфы укучысы Мәхмутова Камилә "Глаголица" XI Бөтендөнья әдәби бәйгедә "Проза на татарском языке" номинациясендә җиңүче дипломына лаек булды!
Әлеге конкурс ике ай дәвам итте. Камилә үзенең татарча язган детектив әсәрен жюри әгъзаларына тәкъдим итте. Финалга үтеп, биш көн "Глаголица" лагеренда ял итте, төрле танылган язучылар белән очрашты, күп кенә бүләкләр белән бүләкләнде.
Без Камиләне һәм җитәкчесе Гөлназ Мазитовнаны чын күңелдән зур җиңүләре белән котлыйбыз! Киләчәктә дә иҗади уңышлар теләп калабыз! Горурланабыз!

Гимназиядә дүшәмбе иртәсе Рәсәй һәм Татарстан гимннарын башкарудан башланып китте. Гимн җырлаганнан соң "Мөһим сөйләшүләр" дәресләр циклы уздырылды. Укучылар белән "Ясалма интеллект һәм кеше" темасына сөйләшү алып барылды.
Дәрес барышында укучылар "ясалма интеллект" төшенчәсе белән таныштылар, аны куллану өлкәләре турында фикер алыштылар, презентация һәм видеоөзекләр карадылар.

Гимназиянең 8 нче һәм 10 нчы сыйныф укучылары белән "Цифровая гигиена" темасына конструктив диалог үткәрелде. Төп максат- балаларны, яшүсмерләрне дезинформация, онлайн- мошенниклык һәм интернет- агрессия күренешләренең тискәре йогынтысыннан саклап калу.
Чара ачык дискуссия форматында узды. Спикер Нигъматуллин Камил Наилевич укучыларга социаль челтәрләрдә куркынычсызлык кагыйдәләре, шәхси мәгълүматны ничек сакларга кирәклеге турында сөйләде, күп кенә мисаллар китерде.