Муниципальное бюджетное общеобразовательное учреждение «Гимназия №18 с татарским языком обучения - «Галэм» Приволжского района г. Казани
Визитная карточка
| Адрес: | Республика Татарстан, 420141, г. Казань, ул. Кул Гали, д. 13 |
| Телефон: | +7(843)-262-43-69 (приёмная); +7(843)-590-13-18 (охрана) |
| E-Mail: | g18.kzn@tatar.ru |
| Министерство: | Министерство образования и науки Республики Татарстан |
| Короткое название: | МБОУ "Гимназия №18 - "Галэм" |
| Руководитель: | Фасхутдинова Гульшат Абузаровна |
| Год основания учреждения: | 1999 |
| У нас учатся: | 905, из них иностранных граждан - 0 |
| У нас учат: | 61 |
Муниципальное бюджетное общеобразовательное учреждение «Гимназия №18 с татарским языком обучения - «Галэм» Приволжского района г. Казани - новости
Страницы: << 21 22 23 24 25 ( 26 ) 27 28 29 30 >>
-
"Что и требовалось доказать" уенында 07.11.2024

Гимназия активистлары ораторлык осталыгы буенча "Что и требовалось доказать" уенында катнаштылар. Уенда балаларның сөйләм теле никадәр бай булуы һәм төрле темаларга сүзләрне тиз сайлап ала белүләре, фикер алышуга әзерлекләре тикшерелде. Укучыларга әлеге чара бик ошады!
-
6 нчы ноябрь- Татарстан Республикасы Конституциясе кабул ителгән көн! 06.11.2024

6 нчы ноябрь- Татарстан Республикасы Конституциясе кабул ителгән көн! Гимназиядә әлеге датага багышланган чаралар үткәрелде. Тәрбия эшләре буенча директор киңәшчесе Гөлчәчәк Әсхатовна укучылар белән "Мин һәм минем республика Конституциясе" дип аталган мәгълүмат сәгате уздырды. Укучылар Конституцияне кабул итү тарихы белән таныштылар һәм дәүләт символларын исләренә төшерделәр. Шулай ук укучыларыбыз "Это всё мое родное" акциясенә кушылдылар.
Видеога сылтама: https://vk.com/club216931602?z=video-216931602_456239336%2F19bf8af6c27c9c869a%2Fpl_wall_-216931602
-
Әдәби кичә 06.11.2024

Гимназиябезнең 3А сыйныфы укучысы Шакирова Зилә Габдулла Тукай әдәби музеенда уздырылган "Гаилә җылысы" дип исемләнгән очрашуда катнашып кайтты. Әлеге матур очрашу Татарстанның атказанган артисты, композитор, шагыйрә Тәслимә Низами иҗатына багышланды. Зилә "Рәхмәт, әни! дигән шигыре белән чыгыш ясады. Афәрин!
-
"Галәм медиа" юнәлеше турында 05.11.2024

Гимназиянең тәрбия эшләре буенча директор киңәшчесе Гөлчәчәк Әсхатовна һәм “Алдынгылар хәрәкәте” нең беренчел бүлек советы рәисе Валеева Алимә "ШАЯН ТВ" каналында баручы "Шаян балалар" тапшыруында катнаштылар. Алар гимназиядә икенче ел актив эшләп килүче "Галәм медиа" юнәлешенең эшчәнлеге турында сөйләделәр.
Репортажларның төшерелүе, яңа идеяләрнең ничек барлыкка килүе, социаль челтәрләрдә видеоларның әһәмияте, укытучыларның фикерләре, киләчәккә планнар турында видеоны карап белә аласыз.Видеога сылтама: https://vk.com/club216931602?z=video-216931602_456239330%2Fdd59289ba0967d1bf1%2Fpl_wall_-216931602
-
"Гражданлык сәгате" проекты 05.11.2024

5 нче ноябрьдә Казан Кремлендә "Гражданлык сәгате" акциясе уздырылды. Акция кысаларында 14 яшькә җиткән гражданнарга тантаналы рәвештә паспортлар тапшырылды.
Чарада мәртәбәле кунаклар да катнашты: VIII чакырылыш Дәүләт Думасы депутаты Айрат Фәррахов, "Бердәм Россиянең Яшь гвардиясе" Татарстан төбәк штабы җитәкчесе Руслан Шиһабетдинов һәм "Алдынгылар хәрәкәте" нең Казан бүлекчәсе җитәкчесе Динар Бариев.
Мәртәбәле кунаклар тантаналы рәвештә барлыгы 15 балага паспорт тапшырдылар. Әлеге акциядә гимназиябезнең 7А сыйныфы укучысы Ногуманов Раил катнашты һәм Россия Федерациясе гражданы паспортын алды. Котлыйбыз! -
4 нче ноябрь- Халыклар бердәмлеге көне 04.11.2024

Халыклар бердәмлеге көне- тынычлык, иминлек, бәйсезлек өчен бердәмлек символын чагылдыра. Әлеге көн уңаеннан, гимназиядә укучылар белән төрле чаралар уздырылды.
Тәрбия эшләре буенча директор киңәшчесе Гөлчәчәк Әсхатовна "Тарих тәгәрмәче" дигән интеллектуаль уен һәм "Халык зирәклеге" дип исемләнгән чара үткәрде. Укучылар үзләренең белемнәрен сынадылар, Татарстан Республикасының милли, фольклор үзенчәлекләрен исләренә төшерделәр. Шулай ук балалар “Россия буйлап сәяхәт”, “Татарстан буйлап сәяхәт” дигән өстәл уеннары уйнадылар.
Татар теле һәм әдәбияты укытучысы Гөлназ Мәҗитовна "Россия халыклары мәдәнияте" темасына квиз үткәрде. Укучылар төрле кызыклы сорауларга җаваплар эзләделәр.
Ә китапханәче Зөлфия Рафаильевна "Халыклар бердәмлеге көне" нә карата күргәзмә оештырды.Видеога сылтама: https://vk.com/club216931602?z=video-216931602_456239332%2Ff918004be24c4b3be0%2Fpl_wall_-216931602
-
"Хәят" инструменталь ансамбле "ШАЯН ТВ" да кунакта! 03.11.2024

Гимназиябезнең "Хәят" инструменталь ансамбле җитәкчеләре Марат Рафаэлевич белән "ШАЯН ТВ" каналында кунакта булып кайттылар. Алар алып баручының кызыклы сорауларына җаваплар бирделәр һәм үзләренең милли моңнарга төрелгән чыгышларын тәкъдим иттеләр. Афәрин, укучылар!
Видеога сылтама: https://vk.com/club216931602?z=video-216931602_456239329%2F9f4c3a1e5b7253f6db%2Fpl_wall_-216931602
-
"Белем бирү оешмасын үстерүнең төп инновацион ресурсы буларак нәтиҗәле мәктәп командасы" өстәмә һөнәри квалификация күтәрү программасы буенча укыту 02.11.2024

31 нче октябрьдән 2 нче ноябрьгә кадәр республика күләмендә "Белем бирү оешмасын үстерүнең төп инновацион ресурсы буларак нәтиҗәле мәктәп командасы" өстәмә һөнәри квалификация күтәрү программасы буенча укытулар оештырылды. Гимназия директоры Гөлшат Әбүзәровна һәм директор урынбасарлары әлеге стажировкада катнаштылар.
Уку формасы төрле лекцияләр, мастер- класслар, эшлекле уеннар, тренинглар, модуль презентациясе, түгәрәк өстәлләр, индивидуаль консультацияләр аша оештырылды.
Төп нәтиҗә: сыйфатлы белем бирүне тәэмин итү өчен, мәктәпнең идарә командалары белем бирү процессына һәм идарәгә игътибар итәргә тиеш. Бу фән укытучыларының үсешен тәэмин итәчәк һәм уку процессын шактый яхшыртачак, шул рәвешле укучыларның югары казанышларына китерәчәк. -
"Что? Где? Когда?" интеллектуаль уен 02.11.2024

Гимназия укучылары шәһәр күләмендә үткәрелгән "Что? Где? Когда?" интеллектуаль уенда катнаштылар. Бәйге КАИ уку йорты бинасында уздырылды. Укучылар ике категориядә көч сынаштылар. Аларга киләсе этапларда уңышлар теләп калабыз! Балаларны әлеге бәйгегә әзерләгән өчен тарих һәм җәмгыять белеме укытучысы Эльмира Расыховнага рәхмәт!
-
"Татар кызы, Татар егете - 2024" бәйгесе 01.11.2024

1 нче ноябрь көнне "Татар кызы, Татар егете - 2024" шәһәр бәйгесенең район этабы уздырылды. Әлеге конкурсның төп максаты- балаларда милләтебезгә карата горурлык хисе тәрбияләү һәм татар милли йолаларына кызыксыну уяту.
Әлеге чарада уңган, зирәк, кыю егет- кызлар көч сынашты. Бәйге ике этаптан торды:
- "Үзем турында үзем";
- Бөек татар драматургларының әсәрләрен сәхнәләштерү.
Гимназиябезнең данын 9А сыйныфы укучысы Әминова Мәрьям яклады. Мәрьям үзен чын татар кызы буларак күрсәтте. Афәрин!
Мәрьямне бәйгегә әзерләгән өчен Фәния Наилевна һәм Гөлназ Зөфәровнага рәхмәт белдерәбез!!! Нәтиҗәләрне көтеп калабыз!Видеога сылтама: https://vk.com/club216931602?z=video-216931602_456239331%2Fa095c89710e2f5d64d%2Fpl_wall_-216931602










