15 нче май Халыкара гаилә көне уңаеннан кечкенәләр төркемендә "Нәсел җебем- шәҗәрәм" дип исемләнгән шәҗәрәләр күргәзмәсе оештырылды. Әлеге чара гаилә нигезен шәҗәрәләр аша барлау, нәсел тамырларын белү, балаларның сөйләм телен үстерү максатыннан үткәрелде.

"Тукайны укыйбыз" дип исемләнгән III Республикакүләм балалар иҗаты конкурсында катнашып "Рәсем" номинациясендә Аглиева Әминә

3 нче дәрәҗә дипломга лаек булды. Әминәгә иҗади уңышлар телибез!

Мин телим бары тик иминлек -

Суыма, күгемә, җиремә!

Тынычлык кошлары гөрләсен,

Яз җыры таралсын илемә!

XII  Республикакүләм "Радуга идей-2023" проектлар конкурсында катнашып тәрбиячеләребез Тимеркаева Г.Т., Шайхайдарова Г.Д.

II дәрәҗә дипломга ия булдылар.

Зурлар төркеме балалары белән "Җиңү тәрәзәләре" - "Окна Победы - 2023" акциясендә катнаштык.

3 нче май көнне ботен дөньяда "Кояш көне" билгеләп үтелә. Зурлар төркеме балалары белән "Кояш көненә" багышлап флэшмоб үткәрдек. Май кояшы һәрберебезгә ягымлы елмайсын, күңелләр шат булсын иде. Кояш көне белән!

Борынгыдан калган йола буенча, ел да май башында "Карга боткасы" уза. Балалар бәйрәм белән котлап, теләкләр әйтеп урам әйләнделәр. Һәр йорттан да күчтәнәчләрне мулдан бирделәр.

Салуз-Мухан төп гомуми белем бирү мәктәбендә "Балалар бакчасы һәм мәктәп дәвамчылыгы - булачак укучылар әзерләүдә хезмәттәшлек һәм партнерлык нигезе" дигән темага багышланган башлангыч сыйныф укытучылары һәм балалар бакчасы тәрбиячеләренең методик берләшмә утырышында катнаштык.

26 нчы апрель- Габдулла Тукайның туган көне уңаеннан мәдәният йортында "Тукай безнең күңелләрдә!" исемле әдәби-музыкаль кичә үтте. Балалар Г. Тукайның тормыш юлы белән таныштылар, аның шигырьләре буенча иҗат ителгән җырлар җырладылар, шигырьләрен яттан сөйләделәр.

25 нче апрель эколяталар көне уңаеннан зурлар төркемендә "Эколята" темасына рәсем конкурсы үтте. Балаларның элементар экологик белемнәрен формалаштыру, балаларга урманда үз-үзләрен тоту кагыйдәләрен өйрәтү.