Балаларның сәламәтлеген физик яктан ныгыту һәм үстерү өчен хәрәкәтләнү активлыгының төрле формалары кулланыла. Саф һавада үткәрелгән физкультура шөгыльләре сулыш алу, мускул һәм башка мөһим организм системаларының үсешенә булышлык итә.

Зурлар төркемендә тәрбияләнүче балалар бакчаның тәҗрибә участогындагы яшелчәләргә, чәчәкләргә, бакча территориясендәге агач үсентеләренә су сиптеләр.

Зурлар төркеме балалары белән Беренче кыңгырау бәйрәмендә катнаштык.

Балалар  "Җәй" темасына  саф һавада төсле буяулар белән рәсем ясадылар. Саф һавада рәсем ясау балалар өчен иң кызыклы шөгыльләрнең берсе. Балалар иҗат белән шөгыльләнә, тирә-юньне танып белергә өйрәнә.

22 нче август- Россия флагы көне. Шул уңайдан балалар бакчасында тәрбияләнүчеләр дә бу бәйрәмнән читтә калмадылар. Кечкенәдән үз Ватаныңа тугрылык хисләре тәрбияләү, Дәүләт символларын танып-белү максатыннан бәйрәм котлавы уздырылды, флаглар белән флешмоб узды.

Кечнәләр төркемендә тәрбияләнүчеләр буягыч китаплардагы рәсемнәрне буядылар, төсләрне танып- белүдә , карандашны дөрес тотуда күнектеләр.

Балалар белән иртәнге гимнастика саф һавада үтә. Саф һавада үткәрелгән гимнастика кан - тамырлары, сулыш алу, мускул һәм башка мөһим организм системаларының үсешенә булышлык итә.

Балалар белән сәнгатькә мәхәббәт тәрбияләү максатыннан акбур белән сүрәтләр төшердек. Ясаган рәсемнәрдә - җәй бизәкләре һәм, әлбәттә барысында да нур сибүче кояш!                 

Көннәр җылына башлауга без иртәнге гимнастиканы саф һавада үткәрәбез. Иртәнге гимнастиканың максаты системалы күнегүләр юлы белән йөрәк-кан юлларын һәм сулыш аппаратын ныгыту, чыдамлылык тәрбияләү һәм физик чыныктыру.