Чыршы ботагы белән

Мин бизәдем бүлмәмне,

Хуш исле чыршы исе

Күңелләрне бизәде. 

Балалар белән "Кыш бабайда кунакта" дип аталган күңел ачу иртәсе узды. 

Салкын чорда кошларга ярдәм итү максатыннан балалар бакчасында "Кошларны ашатыгыз" акциясен башлап җибәрдек. Балалар җимлекләргә кошлар өчен яратып ашый торган ризыкларны салдылар.

9 нчы январь- Кар бабай туган көне уңаеннан балалар белән традицион булмаган ысул кулланып мамык түгәрәкләре ярдәмендә Кар бабайлар ябештердек.

Авыл мәдәният хезмәткәрләре балаларны Яңа ел белән котлап, күчтәнәчләр тапшырдылар. Күңелле бәйрәм тамашасы бүләк иттеләр.

Зурлар төркемендә "Хуш киләсең, Яңа ел!" дип исемләнгән бәйрәм иртәсе үтте. Балалар сөенеп әкият геройларын каршы алдылар, уйнап-көлеп күңел ачтылар, Кыш бабай белән Кар кызына үзләренең шигырьләрен бүләк иттеләр.

Кечкенәләр төркемендә "Яна ел килде безгә"  дип исемләнгән бәйрәм иртәсе үтте. Балалар бәйрәмебезгә килгән әкият геройлары белән биеп, уйнап, җырлап күңел ачтылар.

Метрәй башлангыч мәктәбе базасында тәрбиячеләр өчен семинар-практикум үтте. Анда ачык шөгыль, мастер-класслар, чыгышлар һәм эшлекле уеннар күрсәтелде.

Бакчада Яңа елга багышланган фотозона  почмагы ясадык. Әти-әниләр,балалар фотозонада фотога бик теләп төшәләр.

Шәүкәт Галиев шигырьләрен яттан сөйләү буенча"Шәвәли дуслары" региональ конкурсында катнашып Гайрова  Эльза II урынга лаек булды. Эльзага алда да иҗади уңышлар телибез.