21 февраль көнне мәктәптә " Туган тел" көне  үткәрелде. 5нче сыйныфтан Таҗетдинов Р. " Ярдәм сорап", 6нчы сыйныфтан Хаҗиәхмәтова И. " Ике дөнья - ике елга", 7нче сыйныфтан Нәҗмиева А. " Ашыгыйк", 9нчы сыйныфтан Халикова Ф. " Бәхет", 10 нчы сыйныфтан Гыйльметдинова Г. " Гомернең моңсу бер чорында" шигырьләрен сөйләде. 5нче сыйныф укучылары Гатина А. һәм Тимергалиева А. үзләренең матур җырларын җырладылар. Бәйрәм "Туган тел" җыры белән тәмамланды.

Казан Бөек Ватан сугышы музеенда   фронтовик шагыйрь Фатих Кәримнең кызы Ләйлә Кәримова белән очрашуда булдык. Ләйлә ханым үзенең әтисе турындагы хәтирәләр белән уртаклашты, укучылар кызыксындырган сорауларын бирделәр.

Тугангамы февраль аенда

Холкым минем шуңа охшашлы.

Җанга сыйган болыт, давыл, буран,

Яшен, яңгыр һәм дә кояшы.

                                             Ф.Яруллин

Һәр елны безнең мәктәп укучылары Фәнис Яруллин белән, аны туган көне белән котлап, очрашуга бара иделәр. Кызганыч быел Фәнис абый туган көненә кадәр яши алмады... Әмма без бу матур гадәтне туктатып калдырмадык. 21 укучы Нурсөя апа белән очрашып, хәл-әхвәлен белешеп, Фәнис абый истәлегенә аның бүлмәсендә шигырь бәйрәме үткәреп кайтты. 8 нче сыйныф укучысы Галиев Алмаз башта Фәнис абый рухына дип көръән сүрәләре укыды, аннары укучылар Фәнис абыйның шигырьләрен яттан сөйләде. Нурсөя апа Фәнис абый турындагы истәлекләр белән уртаклашты. Кызлар чиккән кулъяулыкны башкалары яныны беркетеп куйдылар. Нурсөя апа Фәнис абыйның 51 нче китабын бүләк итте.

15 февраль конне зона арасында Ядегәрдә үткәрелгән шахмат ярышында мәктәп укучылары Ахметзянова Г., Ахметзянов И. һәм Мифтахов Р. яшьтәшләре арасында 2нче урыннарны алып кайттылар. Аларны шушы җиңүләре белән котлыйбыз.

15 февраль конне 5-7 сыйныфлар арасында " Йолдызлы сәгать" уены оештырылды. Уенда һәр сыйныфтан 3әр укучы катнашты. 4 турдан торган ярышта 6нчы сыйныфтан Сабирова А. җиңүче булды. Иң куп йолдыз җыеп 1 урынны да 6нчы сыйныфлар алды. Тамашачылар да актив катнашты. Һәрбер җавап биргэн укучыга истэлек бүләкләре бирелде.  

14 февраль көнне 3 нче сыйныф укучылары " Математика - фәннәр патшасы " дип исемләнгән тамаша күрсәтте. Алар шигырьләр сөйләде, җырлар җырлады, саннар турында әкият куйды.

Кукмара Манзарас мәктәбенең 7-8 нче сыйныф укучылары безнең мәктәпкә очрашуга килделәр. Очрашуны мәктәп директоры Хаҗиев Гомәр Хашим улы оештырды һәм алып барды. Алар Хәтер группасының эшчәнлеге, Кар десанты егетләренең Мясной бордагы хезмәтләре, Хәтер китаплары, музей белән таныштылыр.Соңыннан әңгәмә чәй табыны артында дәвам итте.  Кемнең безнең эшләр белән танышасы килә, РӘХИМ ИТЕГЕЗ!

10 февраль көнне 8- 11 класс укучылары өчен " Күңелле математиклар клубы" дип аталган кичә үтте. Укучылар 2 командага буленеп көч сынашты. Һәр ярышның җиңүчесе булган кебек " Пифагорчылар" аз гына өстенлек белән "Прогрессия"не  җиңделәр.

Бүген мәктәптә студентлар белән очрашу кичәсе булды. Кичәне 11 нче сыйныф укучылары оештырган иде. Очрашуга килгән студентлар үзләре укый торган уку йортлары, андагы таләпләр һәм кагыйдәләр, мәктәптәге билге баллар системасы белән алышуы, һәр калдырылган лекция өчен билгеле бер тәртиптә " җавап" тотарга кирәклеге турында сөйләделәр. КГЭУ студенты  Ибрагимов Радик : " Үз алдыгызга максат куегыз, шул максатыгызга ирешү өчен бар көчегезне биреп укыгыз, тырышыгыз. Алдыңда син менәсе үрләр биек булганда гына,  ирешкән уңышыңның тәме була икән",- дип үз киңәшен бирде.

Икенче бүлектә студентлар арасында " Акыллы студент" интеллектуаль уены  оештырылды. 5 турдан торган әлеге уенда Иң акыллы исеменә Хабриева Сельвина лаек булды, аңа истәлекле бүләк тапшырылды.

8 февраль кәнне математика темасына караган "Музыкаль тәнәфес" үткәрелде. 7 сыйныф укучылары Хасанова И., Гатауллина З., 5 сыйныф укучылары Гатина А., Тимергалиева А. җырласалар, 6 сыйныф кызлары Ахметзянова Г. һәм Хазиахметова И. шигырь сөйләделәр.