Драма кружогына йөрүче балалар Таҗи Гыйззәтнең " Кыю кызлар" спектаклен сәхнәләштерде. 6 мартта район күләмендә уздырылучы конкурста катнашачаклар. Уңышлар сезгә! 

27 февраль көнне Саба гимназиясендә уткәрелгән Ә. Каримуллин исемендәге фәнни - гамәли конференциядә 11 сыйныф укучыларыбыз Гилметдинова Гөлия, Марданова Азалия, Халиков Айназ уңышлы чыгыш ясадылар.

Буген 6 сыйныфлар " Минем спорт сөюче гаиләм " дигән кичә үткәрделәр. Анда әти- әниләр чакырылган иде. Кичә тәмәке тарту, наркомания, эчкечелеккә каршы сөйләшүдән башланды. Аннары укучылар әти- әниләре белән төрле спорт уеннары уйнады. Кичә укучыларга да, килгән кунакларга да бик ошады.

Бүген мәктәптә 1941 нче елда туганнар белән " Урланган балачак" исемле кичә үткәрелде. Кичәне 7 нче сыйныф кызлары " Урланган балачак " дип аталган  әдәби- музыкаль композиция белән башлап җибәрде. Үзенең 40 ел гомерен  мәктәптә балалар тәрбияләүгә багышлаган, пенсионер укытучы Саляхова Рәсимә Харисовна ятимлектә үткән балачагы турында сөйләгәндә  еламый мөмкин түгел иде. Музей җитәкчесе Якупова Зөлхәбирә Мортаза кызы "Хәтер" группасының эшчәнлеге турында сөйләгәнне дә балалар бер сулышта тыңлады. 

15 февральдә Нырьяда уздырылган район җыелма командасына сайлап алу ярышында үз үлчәү авырлыкларында Галиев Н. - 1, Хакимзянов Р. -1, Залялетдинов Ф. - 1, Хазиев И. - 1, Мамадҗанов И. - 3, Саляхов С. - 3, Шайхутдинов Р. - 2 урыннарны алдылар.

16 февраль көнне хәрби патриотик айлык кысаларында " Аҗаган " уены оештырылды. Анда укучылар турникта тартылу, автомат сүтеп кору, аркан тартышу, противогаз кию, медицина белемнәрен һәм I ярдәм күрсәтү буенча көч сынаштылар. 1-5 сыйныфлар 1, 5 км, 6-11 сыйныфлар 3 км марштан сон, сугышта һәлак булган бабаларыбызга рәхмәтләрен 1 минут тынлык белән белдерделәр.

 Бүген мәктәптә  якташ язучыбыз, үзенең 50 яшьлек юбилеен  билгеләп  үткән Рифә Рахман белән  очрашу кичәсе булып узды.  Беренче булып , отрядлары  аның исемен йөртүче 7 нче сыйныф укучылары  Рифә апаларыннан  үзләрен кызыксындырган сорауларга җавап алдылар, аннан соң Рифә Фәтхрахман кызы талантлы балалар белән мастер- класс үкәрде, ахырдан очрашуга бөтен мәктәп кушылып, ул залда дәвам итте. Очрашу онытылмас мизгелләр калдырды.  

4 сыйныфларда 6нчы февраль көнне татар теле һәм математика, 7 февраль көнне рус теле һәм әйләнә - тирә дөнья дәресләреннән мониторинг  үткәрелде.  Балаларның барысы да уңышлы эшләгәннәрдер дип ышанып калабыз.

4 нче сыйныф укучысы Хаммадиев Ирек Кукмара муниципаль районы Дусай авылында үткәрелгән Заһретдин Фахретдинов исемендәге җыр фестиваленнән Гран-При белән кайтты. Котлыйбыз сине Ирек! Афәрин! Укытучысы Гилметдинова Зөлфия Шарифулла кызы белән тагы да зур үрләр яулавын теләп калабыз!

Волейболчы егетләр: Халиков Айназ, Хабибуллин Рамил, Галиев Алмаз, Галиев Нияз,  Хабриев Нияз  Мамадышта уздырылган ярыштан 3 нче урынны алып кайтты.Молодцы!