"Җиңү бакчасы"  акциясе  Россия буенча  киң колач ала. Акция кысаларында мәктәп территориясенә җиләк - җимеш агачлары утыртуны максат итеп куйдык. Бүген ветеран укытучыбыз Зиннатуллина Сания апа  укучыларыбыз белән  алмагач утыртуда катнашты. Тыныч тормышта үскән алмагачыбызның җимешләрен татып карау барыбызга да язса иде. 

Мәктәбебез укучылары "Үлемсез полк" акциясендә катнашу өчен, бабаларының портретларын барлады, аларны яңартты, әби - бабайлары сөйләгән хатирәләрне искә төшерде. Безнең тыныч тормышыбыз өчен аяусыз көрәшкән якыннарыбызны онытырга безнең хакыбыз юк. Алар һәрчак безнең янәшәдә. 

Балаларны яклау көне уңаеннанн мәктәбебездә төрле ситуацияләрне үз эченә алган зур чара үткәрелде. Укучылар үзләренең мөмкинлекләрен төрле станцияләрдә сынап карадылар. Ахырдан чарага йомгак ясалды.

Юл йөрү кагыйдәләрен даими искә төшери беркемгә дә комачау итми. Юлда йөргәндә һәрдаим уяу булырга кирәк. Башлангыч сыйныф укучылары юлда йөрү кагыйдәләрен өйрәнү, искә төшерү буенча дәрестән тыш эшчәнлек кысаларында практика үтәләр. 

Шимбә өмәсендә мәктәп укучылары һәм барлык хәзмәткәрләр  дә актив катнашты. 

ОБЖ фәненнән үткәреләсе ачык дәрес Федоровское авылында урнашкан янгын сүндерү бүлегендә үткәрелде. Укучыларыбыз практик күнегүләр башкарды. 

Җылы яңгырлардан соң табигать яшеллеккә төрендә. Экологик чисталыкны саклау, тирә - юнебезне матурлау максатыннан мәктәп территориясен чүп - чардан арындыруда барлык сыйныф укучылары да актив катнашты. 

4 нче сыйныф укучылары әйләнә - тирә фәненнән чираттагы ВПР эшләре башкарды.  Ата-аналар да укучыларның эшләрен күзәтүдә катнашты. 

Нинди таныш, моңлы көй бу?

Тукай җыры - “Туган тел”.

Истән бер дә чыкмый торган

Халык көе - туган тел.

Әйе, сөекле Тукаебызны беркайчан да истән чыгармыйбыз. Аны яратабыз, зурлыйбыз. Шигырьләрен, әкиятләрен укып яшәргә өйрәнәбез. Менә бүген дә без сөекле шагыйребезнең туган көнен билгеләп үттек. 

3 нче сыйныф укучысы Әхмәтҗанов Ислам (җитәкчесе Хасанова М.М.)  Регионара  "Россия династиясе" конкурсында катнашып, Татарстан Республикасы Мәгариф һәм фән  министрлыгының 2 нче дәрәҗәдәге дипломы белән бүләкләнде. Алар 139 нчы мәктәптә үткәрелгән тантанада катнашып кайтты.