Гаилә көне уңаеннан "Гаилә - җәмгыятьнең нигезе" темасы астында дәрес үткәрелде. Җәмгыять белеме укытучысы Хамидуллина А.И. укучылар белән "Гаилә бәхете нәрсәдә" дигән сорауга фикер алышты. Бүген индустриаль җәмгыятьтә гаилә кыйммәтләре кимүенең сәбәпләре ачыкланды. 

Мәктәбебезнең укучылар командасы район күләмендә үткәреләгән "Куркынычсыз тәгәрмәч" конкурсында катнаштылар. Алар юл кагыйдәләре буенча алган белемнәрен ныгыттылар, агитбригада белән чыгыш ясадылар, велосипедта төрле  фигурали күнегүләр  башкардылар. Район күләмендә 4 нче урынны алдылар һәм кызыксындыру бүләгенә ия булдылар. Котлыйбыз! 

6, 7 нче сыйныф укучылары рус теленнән, 8 нче сыйныф укучылары тарих фәненнән республика контроль эшләре үткәрелде. Район мәгариф бүлеге методисты

Зиядиева Л.Р. укучылар эшенең объективлыгын тикшерүдә катнашты. 

9 май илебезгә шатлык алып килгән көн. Һәр кешенең йөзендә елмаю, күзләрендә яшь булган. Бу яшьләр-шатлык һәм кайгы яшьләре. Кайгы яшьләре, чөнки миллионлаган кеше бу сугышта һәлак булган, якыннарын югалткан. Шатлык яшьләре, чөнки бу бит яшәргә тырышып-тырмашып, озак көттереп килгән Җиңү көне. Быел без Җинүнең 72 еллыгын билгеләп үтәбез. Кешелек дөньясы сугышлардан ачы сабак алып, җир йөзендә мәңге тынычлык, бәхет өчен көрәшергә тиеш. Сугышлар беркайчанда булмасын иде.

"Җиңү бакчасы"  акциясе  Россия буенча  киң колач ала. Акция кысаларында мәктәп территориясенә җиләк - җимеш агачлары утыртуны максат итеп куйдык. Бүген ветеран укытучыбыз Зиннатуллина Сания апа  укучыларыбыз белән  алмагач утыртуда катнашты. Тыныч тормышта үскән алмагачыбызның җимешләрен татып карау барыбызга да язса иде. 

Мәктәбебез укучылары "Үлемсез полк" акциясендә катнашу өчен, бабаларының портретларын барлады, аларны яңартты, әби - бабайлары сөйләгән хатирәләрне искә төшерде. Безнең тыныч тормышыбыз өчен аяусыз көрәшкән якыннарыбызны онытырга безнең хакыбыз юк. Алар һәрчак безнең янәшәдә. 

Балаларны яклау көне уңаеннанн мәктәбебездә төрле ситуацияләрне үз эченә алган зур чара үткәрелде. Укучылар үзләренең мөмкинлекләрен төрле станцияләрдә сынап карадылар. Ахырдан чарага йомгак ясалды.

Юл йөрү кагыйдәләрен даими искә төшери беркемгә дә комачау итми. Юлда йөргәндә һәрдаим уяу булырга кирәк. Башлангыч сыйныф укучылары юлда йөрү кагыйдәләрен өйрәнү, искә төшерү буенча дәрестән тыш эшчәнлек кысаларында практика үтәләр. 

Шимбә өмәсендә мәктәп укучылары һәм барлык хәзмәткәрләр  дә актив катнашты.