Бәрле елгасына экскурсиягә барачагыбызны белгәч,  ничек шатланганыбызны белсәгез иде?!  Эле ничек бит, ҖӘЯҮ. Күптән ерак юлга җәяүләп барган юк. Җәяү сүзен ишеткәч азрак кәефсезләндек. Алсу апабыз безнең кәефне күтәрер өчен юл буе табигатьне күзәтергә өйрәтте. Ник алай да, ник болай? Ә ерак юл сизелмәде дә. Рәхмәт Алсу апабыз, әле кайчан табигатьнең һәр могҗизасын шулай күзәтер идек тә, кайчан ҖӘЯҮЛЕ ПОХОДка чыгар идек, Бәрледә үзебез ясаган көймәләр йөздерер идек?!

Юлда йөрү кагыйдәләрен белү өчен юл билгеләре турында даими кабатлап торырга кирәк. Безнең авылыбызның Үзәк урамында юл билгеләре куелган. Без бүген Үзәк урам буйлап сәяхәттә булып кайттык. Андагы юл билгеләренең нәрсә аңлатканын белү өчен һәр отрядка күп көч түгәргә туры килде. Шулай да Алсу апабызга сер бирмәдек. Барлык юл билгеләрен дә төгәл атап күрсәттек. Рәсемнәр ясадык, төрле уеннар уйнадык. 

 Тиешле күләмдә терлек азыгы җыеп тапшыруда Мөрәле мәктәбе коллективы да читтә калмады. Терлекләребез витаминлы азыклар белән туклансын да, сау гына булсыннар. 

Укучыларыбыз шахмат - шашка уйннары серләренә  дәрестән тыш эшчәнлек кысаларында төшенделәр инде. Бүген үз мөмкинлекләрен твгын бер кат сынап карарга булдылар. Ярышлардан барысы да канәгатъ калды. Әле матур уен өчен белгәннәр генә җитми икән, тырышырга кирәк, - дигән нәтиҗәгә килделәр. 

Кайда гына яшәсәк тә, нинди генә телдә сөйләшсәк тә, без бербөтен күпмилләтле ­Россия халкын тәшкил итәбез. Барыбызның да Ватаны бер. Бу бәйрәм дә туган илебезгә мәхәббәт, горурлык хисләрен арттырсын иде. Шуны максатны күздә тотып районыбыз җитәкчеләре укучы балалар өчен Сабантуй бәйрәме үткәрде. Оештыручыларыбызга олы рәхмәтебеәне белдерәбез.

Табигатькә куз салсаң,  андагы үлән төрләренең күплегенә шаккатасың. Ә менә без әле дару үләннәренең барысын да белеп бетермибез икән. Алсу апабыз безгә бүген мәктәп территориясендә үскән дару уләннәре белән таныштырды һәм аларның шифасы турында аңлатты.

Тәрбияча апабаз Гарапова Г.М. "Әкиятләр иленә" сәяхәткә кка гына алып кермәгән икән. Андагы могҗиза, андагы тылсым, андагы кызыклы вакыйгалар бихисап. Викторинада барлык укучылар да теләп катнаштык. 

Бу көн тагын да могҗизалырак итеп үткәрелде. Авыл уртасындагы чишмәбезгә барып ярдәм итеп кайттык. Авыл клубында нинди генә яңа биремле уеннар өйрәнмәдек. Посадкага барып нарат күркүләренә күзәтү ясадык. Бер генә минутыбыз да бүген бушка үтмәде. Ә пешекче апаларыбызның тәмле сыйлары телеңне йотарлык. Рәхмәт сезгә, лагерьны оештыручылар. 

Җәйге көннәрнең төрлечә булуы беркемгә дә комачауламый. Әле кояш чыга, әле яңгыр явуга карамастан, укучыларыбызның кәефләре күтәренке. Тәрбияче апалары нинди генә яңа уеннар, мавыктыргыч экскурсияләр оештырмый. Бездә бик күңелле.

Көтеп алынган лагерь үзенең ишекләрен ачты. Без янәдән шатланып мәктәп бусагасын атлап кердек. Тәрбияче апаларыбыз инде күптән биредә, безне көтә. Йөзләрендә елмаю. Могҗизалы көн булырга охшаган. Без бүген үз отрядларыбызны булдырдык.