5 нче октябрь көнне илебездә укытучылар үзләренең профессиональ бәйрәмнәрен - Укытучылар көнен билгеләп үтәләр. Чын күңелебездән Кошман укытучылар коллективын әлеге матур бәйрәм белән тәбрик итәбез! Эшегездә һәм тормышыгызда зурдан-зур уңышлар, ныклы сәламәтлек, сабырлык, күңел тынычлыгы, гаилә бәхете теләп калабыз! Укытучы – дөньяны танып – белергә омтылучы, балаларның керсез пакь күңелләренә гыйлем орлыклары чәчүче һәм аларның тигез матур шытымнар бирүен сабыр гына көтүче Остаз, газизләрдән – газиз әниләр белән берүк дәрәҗәгә куярлык изге зат. Шулай ук балаларның нечкә саф күңеленә саклык белән генә кагылучы, аларга хаклык энҗеләрен тезүче оста киңәшче психолог та, уку барышында юл күрсәтүче маяк та, алай гына түгел, укытучы ул – ил- көндә барган һәр яңарыш, һәр борылыш, һәр үзгәрешне үз аңы аша үткәреп, алгарыш мәйданында җинү яулашкан каһарман шәхес тә!

Укытучы!

Синдәдер ул йөрәкләрнең иң олысы,

Синдәдер ул йөрәкләрнең иң җылысы,

Һәркөн сиңа ничә сабый карап тора,

Алар сине әниседәй якын күрә.

Еласалар, син аларны юатасың,

Боексалар, син аларны уйнатасың,

Сөйләшәсең күңелләрен аңлап кына,

Орышасың кайчагында җайлап кына.

Үз улыңдай, үз кызыңдай якын күреп,

Укытасың ничә буын балаларын.

Киткән чакта мәктәп белән саубуллашып.

Елый-елый озатасың син аларны.

Укытучы!

Кирәк чакта җитез дә син, тапкыр да син,

Кирәк чакта сабыр да син, батыр да син,

Бик җаваплы, авыр синең хезмәтең дә,

Тиешенчә күрсәң иде хөрмәтен дә.

Бүген мәктәбебез яшь армиячеләре,иҗади укучылар белән берлектә Федеровское авылында урнашкан картлар йортында булып,өлкәннәр белән аралашып,  аларга концерт программасы тәкъдим иттеләр.Укучыларыбыз өлкәннәрне бәйрәм белән котлап,иң изге теләкләр юлланган открыткалар бүләк иттеләр. Мондый очрашулар күңелләрне тетрәндерсә дә,өлкәннәр безнең килүгә бик шат булып калдылар. Бәйрәмегез белән,хөрмәтле өлкән буын кешеләре!

Октябрь башында һәр елны "Укытучыңны котла" акциясе уздырыла. Бу акция вакытында укытучыларыбыз ,ветеран укытучылар төрле оешмалардан ,үзләре укыткан укучылардан котлау открыткалары кабул итәләр.

Һәр елны октябрь аенда,өлкән буын кешеләрен хөрмәтләү йөзеннән,өлкәннәр декадасы уздырыла. Без дә бу чарадан артта калмыйбыз,һәрдаим өлкәннәргә булышып,хәл-әхвәл сорашып,кирәк эшләрендә ярдәм кулын сузабыз.Аларның безнең арада булуларына сөенәбез.Бәйрәм белән,сезне өлкәннәребез! Сезгә саулык-сәламәтлек,озын гомер юлдаш булсын!Бәхетле булыгыз!

30 сентябрь көнне районда "Көз нигъмәтләре-2018" ярминкәсе булып узды. Ярминкәдә һәр мәктәп бакчада үстергән уңышын матур композиция астында күрсәтте, төрле тәм-томнар,камыр ризыклары,кул эшләре һ.б. белән сәүдә итте. Ярминкә нәтиҗәләре буенча, мәктәбебез 3 нче урынга лаек булды. Молодцы,без булдырабыз!!! Ярминкәдә зур булышлык күрсәткән укытучыларга,мәктәп хезмәткәрләренә,укучыларга,ата-аналарга бик зур рәхмәт!

Бүген мәктәптә гомуми ата-аналар җыелышы узды. Җыелышта мәктәптәге тәртипләр,чисталык,туклану мәсьәләләре каралды. Узган уку елына нәтиҗә ясалды. Шулай ук ПДН ның өлкән инспекторы Кәлимуллина Ф.Н., ППМС тан Калашникова А.Ф. кызы да җыелышта чыгыш ясадылар.

Бүген мәктәбебезнең кайсыбер сыйныфлары укытучылар белән берлектә табигатькә имән чикләвеге җыярга бардык. Көн бик җилле булуга карамастан, күмәкләшеп эшләдек,табигать кочагында ял иттек. 

Бүгеннән мәктәбебез директоры итеп Гиниятуллин Фәнис Фәһим улы билгеләнде. Хәерле сәгатьтә,төкле аягыгыз белән!

Бүген "Салават күпере" спорт комплексында мәктәбебезнең 7 нче сыйныф укучылары яшь юнармиячеләр сафына   кабул ителделәр. Укучыларга уңышлар теләп калабыз!