Мәктәбебездә тимурчылык эше оешкан төстә алып барыла. Тимурчылар өлкәннәребезгә һәрдаим ярдәм итәләр. Кыш көне әби-бабайларызның йорт-тирәләрен кардан чистарталар,сукмаклар ачалар,калган эшләрендә ярдәм итәләр.

13 гыйнварда Россия матбугаты көне билгеләп үтелә. Нәкъ менә бу көнне 1703 елда Петр I указы буенча "Ведомости" газетасының беренче саны дөнья күргән.Безнең мәктәптә "Журналистика" түгәрәге эшләп килә. Әлеге түгәрәккә йөрүче укучыларыбыз төрле темага шигырьләр,хикәяләр,әкиятләр иҗат итәләр. Аларның иҗат җимешләре мәктәбебездә чыга торган "Көмеш каләм" гәзитендә урын ала.Шулай ук районыбызның  "Кайбыч таңнары" гәзитендә дә һәрдаим басыла.

Мәктәбебез укучылары Кайбыч боз сараена барып,тимераякта шуып ,сәламәтлекләрен ныгыту белән беррәттән,рәхәтләнеп ял итеп тә кайттылар.

Кышкы каникул вакытында сыйныф җитәкчеләре укучыларның өйләренә йөриләр.Укучыларның яллары ничек узуы белән кызыксыналар,ата-аналар белән аралашалар.

Укучыларның кышкы каникуллары дәвам итә.Каникул вакытында укучылар,ата-аналары белән бергәлектә ялларын күңелле һәм файдалы оештыралар.Казан шәһәренә экскурсиягә баралар,бергәләшеп чана,чаңгы шуалар,кышкы табигатьнең матурлыгына сокланалар.

Мәктәбебездә кышкы лагерь эшли.9 нчы сыйныф укучылары имтиханнарга әзерләнү белән беррәттән,ялларын күңелле һәм файдалы да оештыралар. Сыйныф җитәкчесе,ата-аналар белән бергәлектә алар Казан шәһәренә экскурсиягә барып рәхәтләнеп ял итеп кайттылар.

Бүген мәктәбебездә чираттагы педагогик киңәшмә узды.Киңәшмәдә "Укучыларда проблемаларны чишә белү компетентлыгын булдыру" темасына доклад укылды,2 нче чирек нәтиҗәләре белән таныштырылды,булган проблемалар,төрлеләр хакында сүз алып барылды.

Бүген мәктәбебездә 2 сменада Яңа ел бәйрәмнәре узды.Укучылар чараларда актив катнаштылар,тәмле бүләкләргә ия булдылар,җырладылар,биеделәр,уеннарда катнаштылар,яңа елга багышлап төшерелгән видеороликлар тәкъдим иттеләр.Бәйрәм бик күңелле булды.

Яңа елга әзерлек эшләре бара.Шулай ук мәктәбебез "Иң яхшы бизәлгән мәгариф учреждениясе" конкурсында да катнаша.Мәктәбебезгә уңышлар теләп калабыз.