4 ноябрь-Халыклар бердәмлеге көне. Безнең халыкта бик мәртәбәле бер әйтем бар: бердәмлектә – көч. Әйе, бердәм булсак, бер-беребезгә авыр чакта ярдәм кулы сузсак, җәмгыятебездәге вакыйгаларга битарафлык күрсәтмәсәк, төрле дин, милләт халкына, аларның гореф-гадәтләренә хөрмәт белән карасак, шул чагында без – көчле халык. Иң әһәмиятлесе – кыйблабыз ачык, туры булсын.

Бүген мәктәптә "Мәктәп укытучыларының профессиональ компетентлыгын үстерү-хәзерге заман таләпләренә туры килгән укытуның сыйфатын күтәрүдә төп фактор" дигән темага педагогик киңәшмә узды. Киңәшмәдә 1 нче чиреккә йомгак ясалды, 7-8 сыйныфлардагы мониторинг нәтиҗәләре анализланды,1,5 сыйныф укучыларының адаптация узу чорына информация бирелде.

27 октябрь көнне Салават күпере спорт комплексында"Бердәм Россия","Бердәмлек көне" бәйрәмнәренә багышланган  көрәш ярышында Кошман мәктәбе командасы -2 нче урынга лаек булды! Аерым весларда җиңүчеләребез - Гирфанов Илсаф(3 урын), Саттаров Айназ(3 урын), Аллаяров Марс(2 урын), Саттаров Илсаф( 1 урын). Молодцы,укучылар! Афәрин!

27 нче октябрь көнне мәктәптә Комсомол оешуның  100 еллыгы уңаеннан чара булып узды. Әлеге чарада Кайбыч муниципаль районы башлыгы урынбасары Хәялиев Рәмис Рафис улы да катнашты.Укытучылар укучылар алдында элеккеге комсомолларны күрсәттеләр,җырын җырладылар. 1918 ел ,29 октябрь- Комсомол туган көн.Комсомол оешмасы сафларына кабул ителгәндә комсомолчылар В.И. Ленин  силуэты төшерелгән ал билетны кулларына алган булганнар. Бүген әлеге оешмалар юк инде. Мәктәбебездә яшь армиячеләр бүген кулларына таныклыклар алдылар. Аларга аны изге теләкләрен теләп,Хәялиев Р.Р. тапшырды.

Бүген Бөтендөнья татарча диктант-2018 акциясе узды. Бу акциядән без дә читтә калмадык. Мәктәп бинасында укытучылар,Кайбыч муниципальрайоны башлыгы урынбасары Хәялиев Рәмис Рафис улы,Кошман авыл җирлеге башлыгы Сафина Лилия Рәшит кызы, лаеклы ялга чыккан ветераныбыз,әти-әниләр,авылдашларыбыз,укучылар үзебезне сынар өчен,татарча диктант язып карадык.Нәтиҗәләре уңай булыр диеп ышанабыз.

Комсомол оешуга-100 ел уңаеннан уздырылган чара вакытында яшь армиячеләребез кулларына (удостоверение юнармейца)  таныклыклар алдылар.

Бүген мәктәбебез укучылары Кайбыч район үзәк хастаханәсеннән килгән медицина хезмәткәрләре тарафыннан медицина тикшеренүе уздылар.

“Татарча диктант” – татар телендә хатасыз язарга өйрәтү, әдәби татар телен кулланучылар даирәсен арттыру, орфографик һәм грамматик хаталарны тикшерү мәсьәләләренә игътибарны арттыручы белем бирү акциясе.

Татарча диктант язарга теләүчеләрне 27 октябрь көнне Кошман мәктәбендә көтеп калабыз. Башлана 13.00

Бүген без дәресләрдән соң табигать кочагында көзге уңыш бәйрәмен үткәрергә булдык.Мәктәбебез укучылары 2 командага бүленеп төрле конкурсларда ярыштылар. Алар арасында : "Кем җитезрәк"?, "Көзге букет","Көзге мода" ,концерт номеры һ.б. конкурслар бар иде. Конкурслар тәмамлангач укучылар учакта пешкән тәмле,кайнар бәрәңге белән сыйландылар. Табигать кочагында үткәрелгән әлеге бәйрәм укучылар күңеленә хуш килде.

Дөнья күләм Мәскәүдә узган "Кояшка юл" конкурсының  “ Эстрадный вокал” номинациясендә 3 нче дәрәҗәдәге лауреат исеме алган 8 нче сыйныф укучысы Хикматуллина Кадрияне чын күңелдән котлыйбыз! Афәрин! Алга таба да  уңышлары булуын телибез! Горурланабыз!Җитәкчесе(Кадырова А.С.)