Бүген дәресләрдән соң "Аҗаган" уены үткәрелде. Мәктәбебез укучылары 2 командага бүленеп,төрле ярышларда үзләрен сынадылар. Карга яшерелгән миналарны эзләделәр, еракка граната аттылар, вакытка противогаз киделәр,окоп казыдылар,учак яктылар һәм башка күп төрле ярыш төрләрендә ярыштылар алар. Барлык нәтиҗәләр буенча 1, 5,6,9 сыйныф укучыларыннан торган "Факел" командасы җиңүгә лаек булды. Молодцы,котлыйбыз укучылар!

Көннең яктылыгы кояшта, күкнең бар матурлыгы йолдызларында, кешелекнең бөтен гүзәллеге хатын-кызларда. Рөхсәт итегез сезне, кешелекнең бизәге булган гүзәл затны, шушы искиткеч матур яз бәйрәме- Халыкара хатын-кызлар көне белән тәбрик итәргә… Шушы гаҗәеп гүзәл бәйрәм көнендә елмаеп баккан кояштай һәрвакыт балкып яшәгез. Күңелегездән шатлык, тәнегездән саулык-сәламәтлек, йортыгыздан иминлек-бәракәт китмәсен! Бәйрәмегез котлы булсын!

Бүген мәктәбебездә "Без бергә" диеп аталган Россия халыклары фестивале конкурсының мәктәп туры уздырыла. Әлеге балалар халык иҗат фестиваленың максаты булып балаларның һәм яшүсмерләрнең нәфис-эстетик иҗатын үстерү тора. Халык мәдәниятенә,Россия халыклары традицияләренә карата хөрмәт тәрбияләү,этникара мөнәсәбәтләрне ныгыту,балаларда милли мәдәнияткә карата кызыксыну уяту,талантлы балаларны ачыклау һәм аларга ярдәм итү бурычын да күз алдында тота ул. Әлеге конкурска һәр сыйныф бик җитди әзерләнеп үзләренең номерларын тәкъдим иттеләр.

Барлык сыйныфларда да "Без бергә" фестиваленә әзерлек эшләре бара.Укучылар бик тырышып төрле милләт халыкларының шигырьләрен,җырларын,биюләрен  өйрәнәләр.

Бүген 1 нче сыйныф укучылары үзләренең беренче җиңүләрен бәйрәм иттеләр. Алар "Әлифба" китабы белән саубуллаштылар. Бәйрәмнең беренче өлеше "Әлифба бәйрәме" булса, икенче өлеше уку белән бәйле "Гаилә бәйрәме" булды. Ата-аналар балалар белән берлектә "Әлифба"ны үзләренең чорында ничек укыганлыкларын искә төшерделәр, күңелле, мавыктыргыч булган дәресләрдә булып үзләрен күрсәттеләр. Бәйрәм кичәсе күңелле уеннар белән үрелеп барды. Укучылар "Әлифба" китабын тәмамлауга кулларына таныклык алдылар. Укытучылары Багавиева Э.Р. белемнәре тагын да артсын өчен укучыларга, матур рәсемнәргә бай булган, эчтәлекле китап бүләк итте. Бәйрәм бик күңелле узды.

Бүген Кайбычның мәктәптән тыш эшләр үзәгендә "Казан каймасы: тарихта язылып бетмәгән еллар"...дип исемләнгән фәнни-гамәли конференция булып узды. Мәктәбебезнең 7 нче сыйныф укучысы Сабиров Сәйдәш "Казан каймасы-сак чиге" темасына чыгыш ясады һәм катнашу дипломына ия булды. Җитәкчесе Вильданова Л.Х. Котлыйбыз!

В школе продолжается метапредметная неделя.Учитель математики Насрутдинова А.А. провела внеклассное мероприятие в 6 классе по теме "Карта звездного мира",учитель химии и биологии Сабирова Г.Х. также провела внеклассное мероприятие в 8 классе "Химия в космосе".Учащиеся 7 класса написали сочинение по русскому языку на тему "Первый полет человека в космос"(учитель Садриева Р.З).

Мәктәбебез директоры  Хәмидуллин Ильмас Илдар улы юнармия вәкилләре белән берлектә Бөек Ватан сугышы ветераны Зиганшин Хәсән абыйны, мәктәбебезнең ветеран укытучыларын "Ватанны саклаучылар көне" белән котлап,открытка һәм бүләкләр тапшырдылар.

Сез булганга имин булып ата таңнар.

Тыныч-матур тормыш белән үтә айлар.

Бәйрәмегез котлы булсын ир-егетләр.

Мәңге тыныч, имин торсын җирләр-күкләр.

Кадерле Ватанны саклаучы ир-егетләребез һәм илебезнең булачак сакчылары!Ватанны саклаучылар көне – кыюлык, намус hәм батырлык көне белән котлыйбыз сезне.

Бу көчле рухлылык, чын ир-егетлəрнең батырлык, намус һəм абруй кебек сыйфатларга ия булуларын раслый торган бəйрəм. Ватанга һəм халыкка хезмəт итү - үз илен ихлас сөюче гражданнарның һəрвакыт төп максаты булды һəм шулай булып калачак та.

Хəрби хезмəткəрлəрнең бүгенге буыны һəм армия сафларын тулыландырырга əзерлəнүчелəр, илебезнең куркынычсызлыгы, туганнары һəм якыннарының тормышы өчен җаваплылык хисен югалтмасыннар иде.

Сезгә һәм гаиләләрегезгә тыныч күк йөзе, ныклы сәламәтлек, бәхет, муллык , һәр эшегездә уңышлар телибез.

Мәктәбебездә "Ватанны саклаучылар" көне алдыннан әтиләр һәм ир балалар белән бергә ярыш уздырылды. Әлеге ярышта 2 команда катнашты. Командалар үзләренә исем эзләделәр,стена газетасы чыгардылар, дартс аттылар, җитезлектә сынаштылар,тагын күп кенә башка ярыш төрләрендә үзләрен сынадылар. Барлык нәтиҗәләр буенча "Салют" командасы җиңүгә иреште. Котлыйбыз!