1954 елда Берләшкән Милләтләр Ассамблеясы бөтен илләргә Бөтендөнья балалар көнен билгеләп үтү турында тәкъдим белән чыга. Бу көн барлык илләрнең берләшүе һәм балаларның үзара аңлашу мөмкинлегеннән чыгып, бөтен дөньяда балаларның уңай шартларда тәрбияләнүен күздә тота.

Балалар бакчасында даими рәвештә хәрәкәтле уеннар уйнатыла. Бүген без балалар белән туплар белән уйнадык. Ыргытулы уеннар ярдәмендә балалар туп тәгәрәтеп уйнарга, бер-берсенә туп тапшырырга, гәүдәне уңга һәм сулга борырга, бер ноктага атып тидерергә өйрәнәләр.

Балаларның юл йөрү кагыйдәләре турында белемнәрен ныгыту, юл билгеләрен танырга һәм аера белергә өйрәтү, урамда йөргәндә игътибарлылык тәрбияләү максатыннан, балалар бакчасында "Уяу булыйк юлларда" дип исемләнгән интеллектуаль уен үткәрелде. ЮХИДИ хезмәткәрләре катнашында үткән бу бәйрәм бик эчтәлекле һәм күтәренке рухта үтте. ЮХИДИ хезмәткәрләре балаларга бүләкләр тапшырды.

Балалар бакчасында «Көз” белән очрашулар дәвам итә. Бүген  “Көзге бал” бәйрәме үткәрелде. Балалар җырлап-биеп күңел ачты, башлангыч мәктәп укучылары һәм укытучыларына матур тамаша күрсәтте. Көз кызы булып киенгән китапханәче Драндрова И., төлке булып- балалар бакчасы мөдире-Гибадеева Г., куян кызы-Тараканова Г. апаларының оста итеп уйнауларын, балаларның яфраклар тотып  биюләрен,  татар, рус телендәге җырларны башкаруларын һәркем сокланып карады.

                              Тәмле ашлар, салатлар,

Котлетлар һәм коймаклар,

Тел йотарлык пироглар,

Тагын бик күп ризыклар

Ашханәдә пешерәләр

Безнең пешекче апалар.

Рәхмәт сезгә чын күңелдән

Кайгы-хәсрәт күрмәгез.

Сезнең тәмле ризыкларны

Беркайчан онытмабыз.

Озак еллар бакчабызда пешекче булып эшләгән Раиса апабызны һөнәри бәйрәме белән котладык.Ул яшь пешекчебезгә үзенең киңәшләрен бирде, эш тәҗрибәсе белән уртаклашты. 

Балалар бакчасы могҗизалы әкиятләр дөньясына әйләнде."Көз,көз, көз, сине көттек без" проекты барышында балалар әти-әниләр белән бергә хыял- фантазияләрен җыеп, җиләк-җимеш һәм яшелчәләрдән кызыклы эшләнмәләр ясадылар.

В рамках празднования 25-летия Конституции Республики Татарстан в детском саду и в начальной школе учителями начальных классов и воспитателями детского сада проводятся беседы о истории возникновения Конституции Республики Татарстан.Изучили статьи Конституции Республики Татарстан.

 11 октября секретари  Первичных отделениий Кайбицкого местного отдела Всероссийской политической партии " Единая Россия" совершили экскурсию в г. Казань. Посетили региональный исполнительный комитет партии, национальный музей РТ. Заведующая нашего детского сада Г.Р.Гибадеева участвовала на этой экскурсии.

Бүген бакчабызда Өлкәннәр көне уңаеннан “Бер очрашу- үзе бер гомер” исеме астында бәйрәм үткәрелде. Бакчабызга озак еллар хезмәт куеп лаеклы ялга чыккан хезмәттәшләребез килде. Бәйрәм балалар һәм хезмәткәрләр чыгышы белән үрелеп барды. Ә балаларыбыз өчен икеләтә бәйрәм булды, чөнки алар тере баян тавышына кушылып җырладылар, биеделәр. Күңелле очрашу чәй табыны янында дәвам итте. 

Хөрмәтле тәрбиячеләребез һәм мәктәпкәчә белем бирү учреждениеләре хезмәткәрләре!

       Сезне чын күңелебездән һөнәри бәйрәмебез - Тәрбиячеләр һәм мәктәпкәчә белем бирү учреждениеләре хезмәткәрләре көне белән тәбрик итәбез!
Һөнәри осталыгыгыз, күңел сафлыгыгыз, сабырлыгыгыз, балаларга күрсәткән кайгыртучан һәм җылы мөгамәләгез өчен бик зур рәхмәт сезгә! Киләчәктә дә зур уңышлар, мәңге сүнмәс иҗат, балалар мәхәббәте юлдаш булсын! Сезгә һәм гаиләләрегезгә бәхет, шатлык, сәламәтлек, иминлек телибез!