6 февральдә Аксу урта мәктәбендә "Балаларны тәрбияләүдә ата-ананың роле" темасы астында  чираттагы ата-аналар җыелышы булды . Җыелышта шул темага Гөбәйдуллина И.И. чыгыш ясады . ЕГЭ,ОГЭ, 4 сыйныфларны тестлаштыру мәсьәләләре турында җиткерелде . ГТО нормаларын үтәү ,укучыларның тормыш  куркынычсызлыгы  кагыйдәләре турында аңлатылды. 

Авылыбыз культура йортында бик зур тантана булды . Анда мәктәбебезнең иң күп матур әдәби китап укучыларны зурладылар . Авыл китапханәсеннән иң күп китап алып укучыларга Фәридә апалары грамоталар һәм бүләкләр тапшырды . Укучылар үзләре шигырьләр сөйләделәр . Соңыннан Буадан  махсус килгән Эльвира апалары белән кызыклы уеннар уйнадылар :  шарлардан төрле сыннар ясадылар . Бәйрәм бик кызык һәм күңелле булды . 

Мәктәбебездә "Укучыларны ЕГЭны уңышлы бирүгә әзерләү " темасына семинар булып үтте . Семинарда 11нче сыйныфта Рус теле буенча мәктәп укучылары өчен ачык дәрес үткәрелде . Беренче квалификацион категорияле рус теле укытучысы Хайбуллин И.У. укучыларны ЕГЭга әзерләү тәҗрибәсе белән уртаклашты . Дәрес сочинение -рассуждение язарга өйрәнү рәвешендә оештырылды .Соңыннан дәрескә үзанализ һәм анализ ясалды . 

Хәрби- патриотик айлык кысаларында мәктәбебездә “Бер адым да артка чигенмә!” дип аталган батырлык  дәресе уздырылды. Дәрестә урта һәм өлкән сыйныф укучылары Сталинград өчен барган сугыш хроникасын һәм аның тарихи әһәмиятен күзалладылар. Дәресне тарих укытучысы Камалиева Г.З. уздырды.

  1941 нче елның 8 сентябереннән 1944 елның 27 январенә  чаклы ( 872 көн) барган Ленинград блокадасы тәмамлану көнне мәктәпнең тарих укытучылары . Камалиева Г.З. һәм Хәйруллин Т.Д . укучылар өчен ачык тәрбия сәгате үткәрделәр . Алар вакыйгалар хронологиясен , халык татыган ачы язмыш турында сөйләделәр .

Методик семинар кысаларында 22  гыйнварда 7 нче сыйныфта "Татар әдәбиты" фәне буенча ачык дәрес үткәрелде . Дәресне 1 квалификацион категорияле татар теле һәм әдәбияты укытучысы Гобәйдуллина Илсөяр Ильдус кызы үткәрде .

Бүген юлларда машина йөртүчеләр һәм җәяүлеләр гаебе белән бик күп  һәлакәт булып тора . Алар арасында кызганычка каршы укучы балалар да була . Япь-яшь гомерләр өзелә .Шуны исәпкә алып ,укучыларга юл кагыйдәләре һәм аларны төгәл үтәргә кирәклеген һәрдаим искә төшерелеп  тора . Сыйныф сәгатьләре, төрле чаралар үтә . Районыбыз территориясендә дә шундый фаҗигаләр булуын ишеткәч , мәктәп күләмендә линейкага җыелдык. Укучыларга Буада булган юл һәлакәтләре һәм шунда һәлак булган һәм имгәнгән укучылар турында җиткердек . Авыл юлларыда , олы юлларда бигерәк тә буранлы кыш көнәрендә нинди кагыйдәләрне үтәргә кирәклеге тагын  бер кат яңартылды .

19 январьда 9  нчы һәм 11 нче сыйныф укучыларының ата-аналар җыелышы булды . Төп тема ОГЭ һәм ЕГЭ мәсьәләләре булды . 1 нче яртыеллык нәтиҗәләренә анализ ясалды . Имтиханнар өлкәсендәге кайбер үзгәрешләр ,яңа күрсәтмәләр , тәкъдимнәр җиткерелде .