Безнең бакча балалары бик тырышлар. Тырышып рәсемнәр ясыйлар, конкурсларда катнашалар. Уртанчылар һәм зурлар/мәктәпкә әзерлек төркеме балалары бөтен Россия буенча үткәрелгән "Осень по земле шагает"  конкурсында катнашып, таныклык белән бүләкләнделәр. 

Кыш айларында салкын тиюләр күбәя. Салкын тиюдән  саклану өчен шәфкать туташы Әлфия апабыз үзенең киңәшен бирде. Компьютерда утырмаска, саф һава суларга, чанада шуарга, суган -сарымсак ашарга кирәклеген аңлатты. 

Табигатебез үзенең хозурлыгы, матурлыгы белән безне сихри әкияти дөньяга алып кереп безне таң калдыра. Шул уңайдан безнең балалар бакчасында "Кышкы матурлык" дип исемләнгән рәсемнәр конкурсы үткәрелде. Балалар кышкы матурлыкны рәсемнәрдә чагылдырды. 

Уртанчылар төркемендә "Юлда йөрү кагыйдәләрен беләсеңме?"дигән темага рәсемнәр конкурсы үткәрелде.

Зурлар - мәктәпкә әзерлек төркеме "Юлда йөрергә өйрәнәбез" проекты кысаларында  юл кагыйдәләре, билгеләре белән танышуларын дәвам итәләр. 

Әй, рәхәт тә соң  урамда! Кыш бабайның чеметүеннән курыкмыйбыз, саф һавада рәхәтләнеп уйныйбыз.

Яңа ел белән,туганнар!

Яңа ел белән, дуслар!

Яңа ел белән, күршеләр!

Яңа ел белән!!!

Кадерле дуслар! Сезне барыгызны да Яңа 2014 нче ел белән чын күңелдән котлыйбыз! Сезгә тазалык-тынычлык, бәхет-шатлык, эшегездә зур уңышлар теләп калабыз! Ат елында аттай кешнәп, җир җимертеп эшләргә язсын! Күгебез аяз, илләребез тыныч булсын!

Бигрәк юмарт булып чыкты әле Кыш бабай. Бәйрәмнәребез дәвам итә. Бүген беренче һәм икенче кечкенәләр төркемендә Яңа ел бәйрәме булып узды. "Кыш бабайның югалган бияләе" дип исемләнгән бәйрәм иртәсендә балалар Кыш бабайга үзләренең һөнәрләрен күрсәттеләр. Куян кызы әкиятен сәхнәләштерделәр. 

Зурлар-мәктәпкә әзерлек төркемендә дә балалар яратып көтеп алган "Яңа ел маҗаралары" булды. Яңа елда нинди генә маҗаралар булмый. 

Җепшетте, яңгыр ява дип тормады, Кыш бабабыз иң кечкенәләрнең икенче төркеменә кунакка килде. Балалар үзләренең һөнәрләрен Кыш бабайга күрсәттеләр.