8 Март балалар өчен әни бәйрәме. Кадерле кешеләребезне кунакка эндәшеп бәйрәм белән котладык. Матур җырларыбыз, дәртле биюләребез белән сөендердек. Үз кулларыбыз белән ясаган открыткалар ямь өстенә ямь өстәде.

Язның беренче бәйрәме

Сезгә бүләк, әниләр!

Чөнки тормышның яме

Сез ул, Әниләр!

Бакчабызның иң нәни балалары "Иң зур бәхет" дип исемләнгән бәйрәм иртәсендә үзләренең яраткан әниләрен язның беренче бәйрәме - 8 Март - халыкара хатын-кызлар көне белән котладылар. Әниләр балалар чыгышыннан бик канәгать калдылар. 

Балаларны үз исемен, әти-әнисенең, иптәшләренең исемнәрен хәтердә калдырырга, эндәшкәндә ачык, аңлаешлы итеп исеме белән эндәшергә өйрәтү.

Нәниләр төркемендә бәйрәм уңаеннан "Әтием - горурлыгым" дигән бәйрәм иртәсе узды. Балалар әтиләрен үзләренең җырлы-биюле уеннары, шигырьләре, җырлары белән куандырдылар. "Теремкәй" әкиятен уйнау бәйрәмне тагын да ямьләндерде.

Бүген уртанчылар һәм кечкенәләр төркемендә тәрбияләнүче балалар әтиләрен, бабайларын  "Ватанны саклаучылар" көне белән котладылар.

Бүген безнең бакчада

Шундый рәхәт, күңелле.

Чөнки кунак булып безгә

Әтиләребез килде.

Кадерле әтиләр! Сезне ихлас күңелдән Ватанны саклаучылар көне белән котлыйбыз. Бөтен халык бәйрәменә әверелгән бу көндә Ватанны яклау, аның гражданнарының иминлеген саклау, тыныч вакытта халыкка һөнәре белән хезмәт итүгә гомерләрен багышлаган әтиләребезне бик яратабыз!

Уртанчылар һәм кечкенәләр төркемендә тәрбияләнүче балалар бергәләшеп суган утырттылар.

15 нче февраль Муса Җәлилнең туган көне. Балаларда бөек шагыйребез, татар халкының герой улына ихтирам уяту максатыннан бүген нәниләр төркеме балалары белән әңгәмә үткәрелде.  Шагыйрьнең бай эчтәлекле шигырьләрен балалар күңел биреп, бик яратып тыңлыйлар.

Бүген коллектив белән чаңгы юлына чыктык. Кышкы табигатьнең матурлыгына, сафлыгына сокланып, рәхәтләнеп ял иттек.

Бүгенге көн нәниләр төркемендә "Кызлар көне" исеме белән билгеләп үтелде. Кызларыбыз без - әниләргә якын дус һәм булышчылар. Без сезгә сәламәтлек телибез!