Бүген бакчабызда чыгарылыш кичәсе узды. Балаларны озатырга кечкенә дуслары да, уенчыклары да килде. Әти-әниләр, килгән кунаклар балаларның һәрбер чыгышын олылап алкышларга күмделәр, бакча хезмәткәрләренә зур рәхмәтләрен белдерделәр. Сөенечле, моңсу мизгелләр күп булды бәйрәмдә. Балаларның туган телебездә шигырь сөйләве, җырлавы, әти-әниләре белән вальс әйләнүләре һәркемнең күңеленә хуш килде. Балалар үзләрен зирәк, уңган итеп таныттылар. "Портфелеңне җый", "Сүзләр төзе", "Югалган санны тап" кебек уеннарда катнашып, беренче имтихан тоттылар. Балаларга дипломнар, бүләкләр тапшырылды. Иң күңеллесе төсле шарларны зәңгәр күккә очыру булды. Сезне тылсымлы белем дөньясы көтә. Ак юллар сезгә, балалар!

Мәктәпкә әзерлек төркемендә тәрбияләнүчеләр Заһидуллин Булат "Вокал соло", Хөсәенов Гадел һәм Корбанова Зифа "Конферанс" номинацияләре буенча яшьләр фестивале эстрада иҗатының муниципаль этабында катнашып җиңү яуладылар һәм диплом белән бүләкләнделәр. Афәрин, балалар! Иҗат уңышлары һәрчак юлдаш булсын үзегезгә.

Воспитанники подготовительной группы Загидуллин Булат в номинации "Вокал-соло", Хусаенов Гадель и Корбанова Зифа в номинации "Конферансье" участвовали в муниципальном этабе молодежного фестиваля эстрадного искусства "Созвездие - Йолдызлык - 2018"  и награждались дипломами. Молодцы, ребята! Поздравляем!