Уртанчылар төркеме тәрбиячесе Гилмуллина Зөлфия Нургаян кызы "Ел тәрбиячесе - 2018" конкурсының муниципаль этабында чыгыш ясап III урынга лаек булды. Афәрин! Зөлфиягә алга таба да зур уңышлар телибез.

30 нчы январьда район мәдәният сараенда балалар бакчалары коллективларынын "Йолдызлык - 2018" фестиваленең сайлап алу туры үтте. Анда мәктәпкә хәзерлек төркемендә тәрбияләнүче балалар үзләренең сәләтле икәнлекләрен күрсәттеләр. Корбанова Зифа, Хөсәенов Гадел конферансье, Заһидуллин Булат вокал буенча чыгыш ясап кайттылар.

Кулга кулны бирешик,

Исемнәрне әйтешик,

Куллар кысып күрешик.

Киң итеп елмай миңа,

Мин дә елмаям сиңа.

Туры итеп караштык,

Менә шулай таныштык.

Төркемебезгә яңа бала

Юнысны кабул иттек.

Әкият герое Шапшак, балаларны үзе яши торган шапшаклар иленә чакырса, аның артыннан ук килгән Чистабикә, киресенчә, балаларны чиста, пөхтә булырга өйрәтте. Чөнки шундый балалар гына сау-сәламәт була, аларны кешеләр дә ярата, хөрмәт итә, - диде.

Казанда 2011 елда туган һәм аннан яшьрәк авыл кызлары арасында үткәрелгән шахмат ярышында Корбанова Зифа II урынга лаек булды, диплом белән бүләкләнде. Зифаны җиңүе белән котлыйбыз. Тагын да яңа уңышларга ирешүен телибез.

Мәктәпкә әзерлек төркемендә математика һәм рус теленнән әти-әниләр, башлангыч сыйныф укытучылары өчен ачык эшчәнлекләр күрсәтелде. Безнең бурыч: әти-әниләргә үз балаларының, укытучыларга булачак укучыларның төп фәннәрдән белемне ни дәрәҗәдә үзләштерүләрен күрсәтү иде. Балаларның гомуми үзешенә ирешү өчен игътибарны нәрсәгә бирергә кирәклеге азсызыкланды.

Нәниләр төркеменә яңа бала килде. Сәйдәш үзенең йомшак, тәмле булуы белән аерылып тора. Апаларга да, нәниләребезгә дә тиз ияләнә. Барыбызга да сау-сәламәт, авырмыйча йөрергә язсын.

Кышкы матур көннәрдә

Чаңгы алабыз кулга.

Кар-бураннар туздырып,

Китәбез чаңгы шуып.

Кошлардан калышмыйбыз,

Җилләргә тоттырмыйбыз.

Кышкы саф, чиста һаваны

Сулап һич җә туймыйбыз.

Менә шулай ял итәбез

Табигать кочагында.

Сәламәтлеккә файда -

Йөрегез сез чаңгыда!

Нәниләр төркеме балалары "Теремкәй" әкияте геройлары булып уйнап, "Яңа елны каршылау" бәйрәм иртәсендә катнашып күңел ачтылар. Кыш бабай белән Карчәчәк килеп бәйрәмне тагын да ямьләндерделәр, балаларны күчтәнәчләр белән сөендерделәр.

Дуслар, кунаклар белән бергәләп

Яңа елны каршыладык.

Ямьле чыршы тирәсендә

Әйләнеп җырладык.

Безнең сагынганны

Кыш бабабыз да белгән

Капчыгына күп итеп

Бүләкләр салып килгән.