Бүген Балтач мәдәният йортында "Ак калфак" татар хатын-кызлар республика иҗтимагый оешмасы вәкилләре белән очрашу үткәрелде. Күргәзмәгә безнең бакчадан да кулдан бизәлгән татар милли киемендәге курчаклар тәкъдим ителде. 

I кечкенәләр төркемендә озак еллар тәрбияче булып эшләүче Фазлыева Гөлфәния Тәлгать кызы яңа милли почмак булдырды. Балаларга халкыбызның гореф-гадәтләрен, йолаларын өйрәтүдә зур ярдәмлек бу. 

Шимбә ялында бакча коллективы белән Казан шәһәренә бардык. Истәлекле урыннарда, сәүдә үзәкләрендә булып, ял итеп кайттык. 

Тукай айлыгы башлану уңаеннан бакчабызда чаралар планы эшләнде. Шул план нигезендә, бүген тәрбиячеләр балаларны Габдулла Тукайның тормышы, иҗаты белән таныштырдылар һәм шагыйрьнең балалар өчен язган әсәрләрен, җырларын искә төшерделәр. 

Мәктәпкә хәзерлек һзм зурлар төркемендә тәрбияләнүче балалар театр көне уңаеннан нәниләр һәм уртанчылар төркеме балаларына "Шалкән" әкиятен курчаклар белән сәхнәләштереп күрсәттеләр. 

Яз килә! Яз килә!

Сыерчыклар килә.

Гөрләшеп, сайрашып,

Җырчы кошлар килә.

Иркәли язгы кояш,

Барсы елмая, көлә.

Һәммәбезгә саулык, ак бәхетләр теләп,

Нәүрүз бәйрәме килә.

Уртанчылар төркемендә тәрбияләнүче балаларның әтиләре төркемгә үсентеләр утырту өчен тартмалар ясап бирделәр. Барлык хезмәткәрләр һәм балалар исеменнән аларга зур рәхмәтебезне белдерәбез һәм җәй көне шушы тартмаларда үскән чәчәкләр белән бакчабызны бизәп, аларны сөендерербез.

Уртанчылар төркеме балалары тәрбиячеләре Зөлфия Нургаян кызы белән суган утырттылар.  Тәрбиячеләре балаларга суганның файдалы якларын, аны тәрбияләп үстерү серләренә өйрәтә.

Мәктәпкә хәзерлек төркеме балалары рус теле шөгылен көтеп алалар. Тәрбиячеләре Гөлфия Хәйдәровна аларны төрле җирләргә сәяхәткә "алып бара", "Город и транспорт" темасын узганда алар үзләре төзүчеләр булып карадылар, төсле кәгазьдән ябыштырып күп этажлы йортлар "төзеделәр".