Яңа ел бәйрәме көнне төрле фәннәр буенча уздырылган олимпиадаларда актив катнашып җиңү яулаган укучылар бүләкләнде. Әлеге укучыларның алга таба тагын да зуррак уңышларга ирешүләрен телибез. Молодцы!

Гиппократ әйтүенчә “Сәламәтлек кешегә бер тапкыр һәм гомергә бирелә”. Аны кеше гомере буе сакларга һәм кайгыртырга тиеш. Бүген Сарай-Чокырча башлангыч мәктәбендә "Сәламәтлек-матурлык билгесе" дигән темага әңгәмә үткәрелде. Әңгәмәне авылыбыз фельдшеры Халилова Роза алып барды, балаларны кызыксындырган сорауларга җавапларны тормыштагы үрнәкләр аша аңлатты. Укучылар сәламәтлек һәм матурлык баскычларын яуларга өйрәнделәр.

Январь ае - сәламәтлек һәм спорт айлыгы уңаеннан 1-3 нче сыйныфларда “Сәламәтлек - зур байлык” дигән темага сыйныф сәгате уздырылды. Укучылар “Нәрсә ул сәламәт яшәү рәвеше? “дигән сорауга бик теләп җавап бирделәр. Тормыштан мисаллар китерделәр. Дәрес презентация белән үрелеп барды.Укучыларга  кешенең физик яктан гына түгел, рухи яктан да сәламәт булырга тиешлеге аңлатылды.

Татар халкы элек–электән хезмәт сөючәнлеге белән дан тоткан. Балаларны да кечкенәдән эшкә өйрәткәннәр, башкаларның хезмәтенә хөрмәт тәрбияләгәннәр. Чыннан да, үзенә бер шөгыль тапмаган, хезмәт куймаган кешегә яшәү кызык түгелдер ул. Һәр бала кечкенәдән нәрсә белән булса да кызыксына. Хезмәт сөйгән кеше генә тормышта үз урынын таба ала.

Яшь буында сәламәт тормыш рәвеше күнекмәләре булдыру максатыннан мәктәбебездә әңгәмәләр, төрле чаралар үткәрелә. Яшүсмерләргә дөрес тәрбия бирү, аларны физкультурага, спортка, сәламәтләндерү чараларына тарту һәрберебезнең бурычы булып тора. Сәламәт яшәү рәвеше булдыруда  отышлы ысул – физик күнегүләр. Физкультура, физик күнегүләр белән шөгыльләнү, үзеңнең организмыңны чыныктыру, зарядка ясау, күбрәк хәрәкәтләнүнең нинди зур әһәмияткә ия икәнен һәркем белә.8 нче сыйныф укучылары физик күнегүләрне теләп һәм яратып эшлиләр.

Арчаның №6 нчы мәктәбендә "Талантлар Университеты" проекты буенча укулар башланды. Әлеге укуларда мәктәбебездән тарих һәм җәмгыять белеме укытучысы Шәфигуллин Н.Ф., 8 нче класс укучысы Яруллин Дәниф катнаша.

Курса Почмак урта мәктәбендә уздырылган зонакүләм итекле хоккей ярышында мәктәбебез егетләр командасы 2 нче урын яулады. Укытучылары – Мингазов М.В.

Бүген мәктәптә ата-аналар җыелышы үтте. Укыту-тәрбия эшләре буенча директор урынбасары Вәлиева Н.Т. 2 нче чирек нәтиҗәләре белән таныштырды. "Укучыларда кешелеклелек сыйфатлары тәрбияләүдә гаиләнең роле" темасына Юнысова Р.К. чыгышы тыңланды. Арча гуманитар - техник техникум директоры Мамаделеева Р.Р. техникумда үзләштерергә мөмкин булган белгечлекләр, керү шартлары турында сөйләде. 9 нчы класста узган класс җыелышында ата-аналарга ТДИ бирү тәртибе аңлатылды, фән укытучылары имтиханнарны бәяләү нормалары, сынау имтиханнары нәтиҗәләре белән таныштырдылар. Калган классларда да класс җыелышлары үтте.