16 нчы февраль көнне Арча стадионында Ф.Гәрәфиев истәлегенә чаңгы ярышы үтте. Әлеге ярышта Арча, Балтач, Кукмара районнарыннан, Киров өлкәсеннән килгән чаңгычылар көч сынашты. Мәктәбебез командасы әлеге ярышта 2 нче урынны яулады. (Тренер - Мингазов М.В.) Ярышта катнашучы барлык укучыларны җиңүләре белән котлыйбыз!

Герой-шагыйрь Муса Җәлилнең тууына 113 ел тулуга багышлап мәктәптә батырлык темасына класс сәгатьләре, әңгәмәләр, М.Җәлил иҗаты  буенча викториналар үткәрелде. Томыш юлын һәм иҗатын чагылдырган күргәзмә эшләде.

14 нче февраль көнне мәктәптә Совет гаскәрләренең Әфганстаннан чыгарылуына 30 ел тулуга багышланган "Язмыштан без җиңел юл өмет итмәдек" дигән әдәби-музыкаль кичә үтте. Әлеге кичәдә Алан авылында яшәүче, Әфганстанда хәрби бурычын үтәгән Садыйков Фәнис Турис улы да катнашты. Әфган сугышы, әлеге сугышта искиткеч күп корбаннар булуы,  Интернационалист сугышчыларны искә алу көне турында тарих һәм җәмгыять белеме укытучысы Шәфигуллин Н.Ф. чыгышы тыңланды. Әфганстан вакыйгаларын чагылдырган документаль фильм күрсәтелде. Шулай ук  әфганчы-авылдашлар турында стенд эшләнде, презентация әзерләнде. Очрашуга килгән әфганчы-ветеранга укучылар һәм килгән кунаклар катнашында чыгышлар тәкъдим ителде. Укучылар әфганчы-ветеранга үзләрен кызыксындырган сорауларын бирделәр.

В рамках недели английского языка был проведен вечер, посвященный Дню Святого Валентина. Ребята узнали много интересного о том, как празднуется этот день в разных странах, о его истории, символах и украшениях.

В рамках недели английского языка проведен конкурс стенгазет.

Бәйрәмнәр якынлаша. Шул уңайдан укучыларыбыз технология дәресләрендә әти-әниләргә бүләкләр әзерли башлады.

Укучыларга патриотик тәрбия бирү максатыннан һәм “Ватанны саклаучылар көне” уңаеннан  армия хезмәтендә хәрби бурычын үтәүче райондашларыбызга укучылар котлау хатлары яздылар һәм рәсемнәр ясадылар. Тиздән әлеге котлаулар илебезне саклаучы райондашларыбызга барып ирешәчәк. 

Әлифба бәйрәме – балачак иленең иң зур бәйрәмнәренең берсе. Әле кайчан гына 1 нче сентябрьне  гаилә белән көтеп алган, тәүге мәртәбә мәктәп бусагасын атлап кергән нәни балалар бүген белем дөньясындагы беренче җиңүләрен бәйрәм иттеләр. 1-3 нче класс укучылары катнашында узган  бу бәйрәм һәркемнең күңелендә озак сакланыр.

      Класс җитәкчесе - 2019 конкурсынын зона этабында мәктәбебезнен рус теле укытучысы, 5нче сыйныф җитәкчесе Гимадиева Г. Н. катнашты.