Бүген 6 нчы сыйныф укучылары башлангыч сыйныфлар өчен "Мин ЮИДны сайлыйм" дип исемләнгән флешмоб үткәрде. Юлларда исән имин йөрик!

Бүген мәктәптә 1-11 класс укучыларының өс киемнәрендә яктылык кайтаргыч элементларның булуы тикшерелде. Яктылык кайтаргыч элементларның булуы баланың гомерен саклап кала икәнлеге тагын бер кат аңлатылды. Юлларда имин йөрик!  

9 ноябрь көнне 6-11 клсслар арасында профориентация юнәлешен үзбилгеләү максатында  анкета алу һәм тест эшләү үткәрелде. Укучыларга төрле методикалар буенча опросниклар тәкъдим ителде.

         Ахыргы көнне лагерьга йөргән балаларга тәмле күчтәнәчләр бирелде. Көзге каникул чорында вакытны файдалы һәм кызыклы уздырырга мөмкинлек биргән лагерьдан укучылар бик  канәгать калдылар. Куркынычсызлык кагыйдәләрен аңлатып балалар ялга озатылды. Укытучыларга чиксез рәхмәтләрен әйтеп,өйләренә таралыштылар.

 "Күбәләкләр" мәктәп яны лагереның алтынчы көне балалар өчен аеруча да мавыктыргыч булды. Күңелле уеннар,төрле халык җыр-биюләренә багышланган музыкаль биремнәр,тәрбияви мультфильмнар карау оештырылды.Көн файдалы һәм кызыклы үтте.

Бүген дә көнебез күңелле көйләр астында зарядка ясаудан башланып китте.Иртәнге аштан соң 4 ноябрь - "Халыклар бердәмлеге көне" унаеннан чара уздырылды.Саф һавада күңелле уеннар уйнаганнан соң,көнебезне табигатькә багышлап дәвам иттек."Табигать- чиксез хәзинә" дип аталган уен уйнадык.Төшке аштан соң "Джунгли чакыра" уенында көч сынаштык.Көнебез күңелле һәм файдалы үтте.

 Лагерьның дүртенче көне дә күңелле чаралары белән утеп китте. Иртәбез зарядкадан башланды.Аннан укучыларны әдәплелек дөнҗясына сәяхәткә чакырдык.Балалар белән мәктәптә,транспортта,кунакта,юлда үз-үзеңне дөрес тоту кагыйдәләрен уеннар аша искә төшердек.Киемнәрдә яктыргыч кайтаргычэлеиентлар булуы турында сөйләнде. Ә көн азагында эдәплелек, дуслык темасы буенча рәсем конкурсы узды.

Бүген лагерьда иртәнге зарядкадан башланган көнебез тулысы белән сәламәтлеккә багышланды."Сәламәтлек иленә сәяхәт" темасына тәрбия сәгате үткәрелде."Мойдодыр" мультфильмы карау.Спортзалда "Күңелле стартлар" балаларның сәламәтлеген ныгытты. Көннең икенче яртысында спорт төрләре буенча рәсемнәр ясадылар.  

Лагерьның икенче көне күңелле музыка астында иртәнге зарядкадан башланып китте. Көн дәвамында балалар уеннар уйнадылар, отрядларга бүленделәр,эш почмакларын ясап, аны якладылар.Көннең икенче яртысында күмәк биюләр оештырдылар.

Буген мәктәптә көзге мәктәп яны сәламәтләндерү лагеры эшли башлады.Лагерьның беренче көне тулысы белән көз фасылына багышланды. Балалар командаларга бүленеп 4 станция буенча үзләренең белемнәрен ныгыттылар,яңа мәгълүмат алдылар. 

  Көн дәвамында төрле уеннар,күңелле музыка,җыр-бию аша вакыт узганы сизелмәде.