6 декабрь -патриот  Артем Айдиновны искә алу көне уңаеннан Форпост отряды 7 нче классларда чара үткәрде. Әңгәмә барышында укучыларны тәртип саклау хәрәкәте әйдәп баручысы Артем Айдиновның тормыш юлы, батырлыгы хакында сөйләнде Укучыларны Айдинов исемендәге музей белән таныштырып , отряд членнары укучыларга памяткалар өләште.

     Бүген табигать фәннәре атналыгының соңгы көнендә укучыларның индивидуаль проектлары буенча эшчәнлеге оештырылды. "Волонтеры могут все" экологик проектлар конкурсына проект эшләре тәкъдим ителде. Химия укытучысы Фатхрахманова Л.Ш., биология укытучылары Самигуллина Ч.М., Хадиева Р.Р. укучыларга  белемгә омтылышларының зур булуын , куйган максатларына ирешүләрен теләделәр. 

Бүген атналык кысаларында һәм 1 декабрь-Бөтендөнья СПИДка каршы көрәш көне уңаеннан 8-11 класслар өчен Стоп Вич  СПИД бердәм дәресе үткәрелде.Уучылар экологик үзаңлы булуның сәламәтлекнең нигезе    икәненә төшенделәр.5 класс укучыларын  "Табигать фәннәре"нә кабул итү тантанасы узды. Укучыларга төрле биремнәр, конкурслар тәкъдим ителде. География һәм биология фәннәре буенча белемнәр барланды. Укучыларга белем үрләрен яулау юлында зур уңышлар телибез!

   Бүген табигать фәннәре атналыгы кысаларында Халык санын исәпкә алу буенча видеоәңгәмә узды. Чарада 8-11 класс укучылары катнашты. "Үсеш ноктасы" проекты  кысаларында 7 нче һәм 10 нчы   классларда биологиядән цифрлы лаборатория белән таныштыру максатыннан "Практик биология" ачык түгәрәк занятиесе үткәрелде.Цифрлы лаборатория ярдәмендә 8 классларда лаборатор эш үткәрелде.

Бүген, табигать фәннәре атналыгы кысаларында 8 класс укучыларын "Яшь химик"ларга кабул итү тантанасы булды Укучыларны бу дәрәҗәле исемгә 11 класс укучылары кабул итте.Чара төрле уеннар, химик тәҗрибәләр белән бергә үрелеп барды.Укучылар тантаналы рәвештә ант кабул иттеләр, һәм алар хөрмәтенә бик матур "Фейерверк" тәҗрибәсе күрсәтелде.

Атналык кысаларында 6 нчы классларда "Где логика?" интеллектуаль уены үткәрелде.Укучыларыбыз география фәненнән район олимпиадасында катнашты. Шулай ук химия фәненнән   9 нчы класста ачык түгәрәк занятиесе узды.Чаралар укучыларыбызга бик кирәкле информацияләргә бай иде.

  Сәламәт яшәү күнекмәләрен пропагандалау максатыннан  һәм "Самостоятельные дети" акциясе кысаларында мәктәбебездә"Сәламәт бала-сәламәт әни" акциясе булып узды. Әниләребез сау-сәламәт булып, озак бәхетле гомер итсеннәр!

  Табигать фәннәре атналыгы дәвам итә.  Бүген мәктәп фойесында укучылар өчен информацион почмак эшләде: укучылар  видеоәңгәмә барышында "Географик диктант-2021" һәм "Экологик диктант-2021" сораулары белән якыннан таныштылар. Мәктәп директоры Шаймарданова Рәзилә Габделнуровна, биология фәне укытучылары Самигуллина Чулпан Миннуловна һәм Хадиева Рузилә Рафиковна "Үсеш ноктасы" үзәкләре булган мәктәпләр өчен үткәрелгән республика семинарында катнаштылар. Биология укытучылары 11 класс укучылары белән цифрлы лаборатория ярдәмендә дәрестән тыш эшчәнлек кысаларында  "Сулыш ешлыгын билгеләргә өйрәнү" лаборатор эше үткәрделәр. 

Бүген мәктәбебездә табигать фәннәре атналыгы старт алды Атна дәвамында химия, биология, география фәннәре буенча кызыклы очрашулар. ачык дәресләр һәм түгәрәк занятиеләре,  цифрлы лаборатория белән танышу һәм башка күңелле вакыйгалар сезне көтә!

Бүген атналык кысаларында "Географик диктант-2021" һәм "Экологик диктант-2021 " үткәрелде.

    Бүген , мәктәптә, барлык классларда "Юл хәрәкәте иминлеге көне" уңаеннан тәрбия сәгатьләре  булып узды.  Укучылар юл йөрү кагыйдәләрен тагын бер тапкыр исләренә төшереп, яктылык кайтаргыч элементларның кирәклеге хакында сөйләштеләр. Шулай ук атналык кысаларында һәр класста укучыларның өс киемнәрендә яктылык кайтаргыч элементларның булуы тикшерелгән иде. Юлларда исән имин йөрергә язсын!