Уеннар – халык иҗаты җимеше ул. Аларны да халык уйлап чагарган. Нинди генә уенны алма, аның эчтәлегендә кешеләрнең әүвәлге чорлардагы шөгыльләре, тормыш-көнкүреше чагылыш таба.
Халкыбызның милли мирасы булган халык уеннарын яшь буынга тапшыру максатыннан, бүген мәктәбебездә «Ачык авыз” исемле халык уенын бик яратып уйнадык. Халкыбызның гореф-гадәтләре, йолалары, тормыш-көнкүреше чагылыш тапкан бу уеннар балаларда өлгерлек, тапкырлык, күмәклек, ярдәмләшү, шулай ук кешелеклелек, шәфкатьлелек, сабырлык кебек күркәм сыйфатлар тәрбияли. Халык уеннары – җитезлеккә, көчкә,

1 март дөньякүләм "Гражданнар оборонасы" көне уңаеннан мәктәбебездә тормыш иминлеге нигезләре фәне буенча олы класс укучылары белән ачык дәрес үткәрелде. Укучыларга кыскача тарихы һәм гадәттән тыш хәлләр килеп чыккан очракта башкарылырга тиешле эшләр белән таныштырылды.

Бүген Арчаның 6 нчы мәктәбендә "Татарстанда туган телләр һәм халыклар бердәмлеге елы" уңаеннан "Туган телеңне өйрән һәм ярат" дип исемләнгән шигырь сөйләүчеләр бәйгесе булды.  Безнең мәктәптән сәнгать укытучысы Бикчәнтәева Нурзилә Рафаэль кызы уңышлы чыгыш ясап 3 урынга лаек булды. Ул Х.Туфанның "Чәчәкләр китерегез Тукайга" шигырен сөйләде.

Бүген, 23  февраль - Ватанны саклаучылар көне уңаеннан, тыл ветераны Фәттахов Зиннәт улын бәйрәм белән котладык.

23 нче февраль - Ватанны саклаучылар көне уңаеннан "Күңелле стартлар" дип аталган спорт- мәдәни кичә булды.  Әтиләр командасы белән укучылар командасы төрле бәйгеләрдә көч сынашты. Укучылар тарафыннан әзерләнгән концерт та тәкъдим иттек. Әлеге чарада үзара дуслык, татулык, бердәмлек кебек сыйфатлар тәрбияләнде

2021 нче ел Татарстан республикасында Туган тел һәм халыклар бердәмлеге елы дип игълан ителде. Шушы бәйрәм хөрмәтенә Яшь Гвардия Татарстан Республикасының барлык районнарында квиз уенын үткәрергә булды. Безнең укучыларыбыз да әлеге чарада бик теләп катнашты. Укучыларыбыз Татарстан тарихы буенча сорауларга да, табышмакларга да җаваплар таба алдылар.

Бүген без укучылар белән “Цифрлы дәрес”Бөтенрәсәй белем бирү акциясендә катнашып, “Цифрлы дөньяда хосусыйлык” темасына дәрес үткәрдек. Укучыларны “шәхси мәгълүматлар”, “хосусыйлык” һәм “конфиденциальлек” төшенчәләре белән таныштырдык. Мәгълүмат куркынычсызлыгы турында сөйләүче видеороликны карап, Интернет челтәрендә һәм реаль тормышта үз-үзеңне тотуның теоретик белемнәрен һәм гамәли күнекмәләрен формалаштыру өстендә эш алып бардык.