Татарстанда 2023 ел «Милли мәдәниятләр һәм гореф-гадәтләр елы» дип игълан ителде.
Халкыбызнын йола, гореф-гадәт һәм бәйрәмнәрен өйрәнү зур әхәмияткә ия.
Татар халкы һәрвакыт үзенең йолаларына тугры булды, чөнки алар безгә бабаларыбыздан мирас булып калганнар. Мирас ул - буыннан-буынга күчеп килә торган байлык.Безне, төп бурычыбыз йола һәм гореф-гадәтләрнең алыштыргысыз тәрбияви чара булуын балаларга җиткерү.
Без дә яшь буынга, мәктәп укучыларыбызга төрле халык уеннары турында сөйләп, бергәләшеп " Түбәтәй", "Без, без, без идек", " Буяу сатыш" кебек күңелле уеннар уйнап, рәхәтләнеп ял иттек.
Бүгенге көндә бәйрәмнәребезне йола, гореф-гадәтләребезне онытмыйбыз икән, димәк милләт яши, милләт яшәгәч тел яши, ягьни тормыш дәвам итә.

Ел да 15 майда – табигатьнең иң гүзәл вакытында Халыкара гаилә көнен билгеләп үтәбез. Бүген шушы уңайдан мәктәбебездә ике ишле гаилә арасында бәйге үткәрелде. Алар үзләренең сәләтләрен, осталыкларын, җитезлекләрен, төпле фикер йөртүләрен күрсәттеләр.
Гаилә кешенең таяныр ноктасы, һәркем өчен кадерле урын. Ул кешене шәхес буларак формалаштыра, рухи һәм әхлакый тәрбия бирә, иң матур гореф-гадәтләрне сакларга һәм үстерергә ярдәм итә. Үз йортында бәхетле булган гына бәхетле. Кеше яшәешенең асылын шушы гап-гади сүзләр ача да сала. Гаилә бәйрәме дә бәхетле булуның һәм үзара аңлашып яшәүнең кыйммәтен тагын бер мәртәбә искәртү өчен тәгаенләнә. Көнозын дөнья куып арган адәм баласы гаилә ышыгында аз гына булса да ял итә, рухи көч һәм дәрман җыя.
Гаилә һәр кешегә кирәкле җылы учак ул. Гаилә никадәр нык булса, аннан килгән җылылык та шулкадәр көчле була. Шунысы куаныч, безнең җирлектә дә пар канатлы ныклы гаиләләр бихисап күп. Ә гаиләдә бала туу – һәркем өчен сөенечле вакыйга. Бала туу аның нигезен ныгыта, ямь өсти.
Чыннан да, гаилә тормышы – исәпсез-хисапсыз хезмәт, сикәлтәле гомер юлы. Шул юллардан гомер буе бер-берсен аңлап, бер-берсенә ярдәм итеп, бер-берсенә юл куеп яшәүче гаиләләр – һәр кешедә соклану уята. Бәйрәм уңаеннан һәр гаиләгә исән-сау булып, сәламәтлек белән яшәүләре насыйп булсын. Йортларыбызда тынычлык, татулык, үзара аңлашу булсын, яңа туган сабыйлар бәхетеннән дөньялар гөрләп торсын!

Ел саен бөтен ил буенча "Язгы игелек атнасы" акциясе уза. Безнең мәктәп укучылары да читтә калмады. Шушы акция кысаларында, мәктәбебезнең яшь волонтерлары, әлеге чараның "Өстәл уеннары" юнәлешендә актив катнаштылар, бер-береңә карата мәрхәмәтле, хөрмәтле булу кебек сыйфатларны үзләштерделәр.

Туган җиргә мәхәббәт, соклану хисе, сакчыл караш, табигатьне
сакларга омтылыш, экологик культура тәрбияләү максатыннан, әйләнә-
тирә дәресендә башлангыч сыйныф укучылары белән экскурсиягә
чыктык. Авылыбызның матур табигате һәр балада соклану хисләре тудыра.
Укучылар шомырт, алмагач агачларындагы, терек һәм терек булмаган
табигатьәге үзгәрешләрне күзәттеләр. Саф һавада бергәләп сәяхәт итү
күңелләрне күтәрде.

Еллар узган саен без Бөек Җиңүнең олуг әһәмиятен, рухи дәвамчанлыгын ачыграк аңлый барабыз. Бу изге көндә без сугышта каһарманнарча көрәшкән, хезмәттә тиңдәшсез фидакарьлек күрсәткән, Ватанын өзелеп сөйгән данлы буын вәкиленә чиксез рәхмәтебезне белдерәбез.
9 май - ул өлкән буынның кан-күз яшьләре, ачлык-ялангачлык аша табылган, үтә кыйммәткә төшкән Җиңү көне. Бу сагышлы бәйрәм, яшь аралаш сөенә торган көн. Без, бүгенге буын, Бөек Җиңү көнен якынайткан ватандашларыбызны һичкайчан онытмаска, һәлак булганнарны данга күмәргә, исәннәр турында һәрчак кайгыртырга тиеш.
Күпме кайгы-хәсрәт кичергән җиребезгә бүтән беркайчан да сугыш афәте килмәсен иде. Балаларыбыз һәм оныкларыбыз сугышның үзәк өзгеч фаҗигасен беркайчан да белмәсен, ә аналарыбыз, хатын-кызларыбыз, апа-сеңелләребез беркайчан да якыннарын югалту кайгысыннан күз яшьләрен түкмәсен иде! Сезнең һәркайсыгызга саулык, сәламәтлек, иминлек, гаиләләрегезгә, җиребезгә тынычлык телибез.

Акция "Окна Победы" Окна Победы - это возможность сказать слова благодарности нашим прадедам за их великий подвиг и самопожертвование.

Сугыш елларында халыкның батырларча эшләре турында сөйләгәндә, аеруча хатын-кызларның хезмәт батырлыгы турында әйтәсе килә. Аларның хезмәте Ватаныбызның героик елъязмасына алтын хәрефләр белән язылган. Тыл Ветераннарыбыз Асыя апа белән Фәүзия апаны бәйрәм белән котладык.

Укучыларга антитеррорның кеше тормышы өчен нинди куркыныч янавын
һәм аларны белергә кирәклекне аңлату; укучыларның сәламәтлеген саклау,
куркынычсызлык техникасы кагыйдәләрен дөрес үтәү күнекмәләрен
үстерү; укучыларда әхлак сыйфатлары тәрбияләү максатыннан "Дөнья -
терроризмга каршы" дигән темага әңгәмә үтте.
Соңгы вакытта экстремизм, террорчылык актлары турында массакүләм
мәгълүмат чаралары аша еш ишетергә туры килә. Очраклы булмаган бу
вакыйгалар һәркемнән икеләтә уяулыкны, игътибарлылыкны һәм саклыкны
таләп итә.
Бердәм төстә терроризмга каршы оештырылган көрәштә һәрбер мәктәп
баласы түбәндәге кагыйдәләрне үтәргә бурычлы.
Заложник (тоткын) булсагыз нишләргә? Укучыларга файдалы
киңәшләр.
Һәрвакыт уяу булырга.Таныш булмаган кешеләр, аларның
үз-үзләрен дөрес тотмау күренешен күрсәгез әти-
әниләргә, укытучыларга, тәртип саклау органнарына
хәбәр итегез.
Сумка, пакет, чемодан, портфель күрсәгез кулыгызга алырга
кирәкми.
Үз көчегез белән күңелегезгә сәер булып тоелган
әйберләрне зарарсызландырырга тырышмагыз. Бу бик
куркыныч!
Тиз генә куркыныч зонадан чыгып китү ягын карагыз.
Террористик акт башкарылган очракта, Сезгә зыян
килмәсә, башкаларга булышырга.
Кеше гомере бер генә бирелә. Үзебезнең тормышыбызны да,
башкаларныкын да саклыйк! Елмаеп, шатланып яшик!

Җиңү көненең төп символларының берсе – Георгий тасмасы, тынычлык өчен көрәшкән солдатларыбызның батырлыгы һәм истәлеге билгесе. Георгий тасмасы беренче тапкыр императрица Екатерина II идарә иткәндә барлыкка килә. Екатерина II сугышчыларның батырлыгы ​ билгесе итеп Изге Георгий орденын раслый. Өч кара һәм ике кызгылт-сары полосалы тасма орденның бер өлеше булып тора. Бүген Георгий тасмасы хәрби дан символларына тиң, шуңа күрә аны ничек дөрес итеп тагарга ​ икәнен дә белү мөһим. Совет солдатларының батырлыгы киләчәк буыннарның йөрәгендә мәңгегә калганлыгын күрсәтеп, ​ тасма күкрәкнең сул ягына тагып йөртелергә тиеш. ​ ​ ​ ​ Георгий тасмасы - ул хәтер ясагы. Тынычлыкны яклап сугышканда югалган солдатларны искә алу, ветераннарга хөрмәт символы, Бөек Ватан сугышында җиңү белән горурлану һәм үз гомерләре бәрабәренә сугыш кырында тынычлыкны саклап сугышкан солдатларга рәхмәт әйтү билгесе дә булып тора.
​ ​ ​ ​ Бөек Җиңүнең 78 еллыгы уңаеннан безнең мәктәп укчылары да, “Георгий тасмасы” акциясендә катнашып, авылдашларыбызга тасмалар тараттылар һәм аны ничек тагарга кирәклеген аңлаттылар.
​ ​ ​ ​ Хәтерлибез! Горурланабыз! Хөрмәт итәбез!

Бүген 4 нче май көнне Мөһим сөйләшүдә Рәсәйнең Дәүләт Флагы белән бергә Җиңү Байрагын күтәрдек. Укучылар гимн җырлады. Бөек Җиңүнең 78 еллыгын бәйрәме алдыннан әзерлек эшләре дәвам итә. Тәрәзәләр бизәлә.