20 нче март көнне, Носы төп гомуми белем мәктәбендә, 2 нче сыйныфларны карлыгач оешмасына,4 нче сыйныфларны варислар сафына алу кичәсе булып узды.Укучылар иптәшләре каршында тантаналы вәгъдә бирделәр.Алар киләчәктә дә шушы вәгъдәләренә тугъры калырлар һәм” яхшы карлыгач”,”яхшы варис” дигән исемнәренә тап төшермәсләр дип ышанып калабыз!

Татар телен, әдәбиятын, мәдәниятен саклау һәм үстерү, укучыларда әдәбиятка, сәнгатькә кызыксыну уяту, әдәби иҗатка сәләте булган яшьләрне ачыклау, барлау, яшь язучыларны таныту, осталыкларын үстерергә ярдәм итү максатыннан, 2014-2015 нче уку елында Татарстан Республикасы мәгариф һәм фән министрлыгы Татарстан Республикасы Язучылар союзы белән берлектә татар телендә иҗат итүче мәктәп укучылары арасында «Илһам» бөтенроссия яшь язучылар бәйгесен  уздырды.2015 елның 19 мартында Арча муниципаль районы базасында Арча, Әтнә, Балтач, Саба, Теләче муниципаль районы мәктәпләре укучылары өчен бәйгенең зона этабы үтте.Конкурста мәктәбебезнең 7 сыйныф укучысы Романова Алия үзенең  “Ялгыш” хикәясе белән катнашып, икенче турга узды. Алиягә иҗади уңышлар телибез. Әфәрин, Алия!

        Бөтендөнья күләмендә Халыкара Урманнар көнен билгеләп үтү юкка гына түгел. Әйләнә-тирә мохитны саклап, без үзебезнең, киләчәк буыннарның сәламәтлеген кайгыртабыз. Урман – күкрәк, тыныбыз, сулышыбыз ул, дип язып калдырган олуг шагыйребез Шәүкәт ага Галиев та.  Урманның кеше тормышындагы  әһәмиятен күрсәтү,табигатькә аңлы ,сакчыл караш , экологик культура тәрбияләү максатыннан башлангыч класс укучылары белән "Урман -зур байлык" темасына экологик сәгать  уздырылы. Укучыларга слайдлар презентациясе күрсәтелде, электрон викторина сорауларына җавап бирделәр. ”Шаулап үссен урманнар” темасына рәсемнәр ясадылар, табигатькә экскурсиягә чыктылар.

21 март – Халыкара урман көне. Шул уңайдан 6 класста “Урман көне” дип исемләнгән класс сәгате үтте. Класс җитәкчесе укучыларга  видеоролик, презентацияләр кулланып, урманнарның кеше тормышында, яшәешендә зур урын алып торуын төшендерде. Укучылар, урманнарны саклау, урманда үз-үзеңне тоту кагыйдәләре турында, сингапур структурасы элементлары файдаланып, фикерләре белән уртаклаштылар. Урман җәнлекләрен һәм урман үсемлекләрен саклау турында рәсемнәр ясадылар.  Класс сәгате “Урманнарны саклагыз” дигән шигырь уку белән тәмамланды.

18 нче март көнне, Пешәнгер башлангыч мәктәп-балалар бакчасында, балалар бакчасы тәрбиячеләренең республика семинары булып узды.Әлеге семинар “Федераль дәүләт белем бирү стандартларын тормышка ашыруда проект эшчәнлеге”дигән тема кысаларында үтте.Семинар барышында, тәрбияче-укытучылар тәҗрибә уртаклаштылар һәм яңача белем бирү стандартлары буенча фикер алыштылар.

И, Әлифбам, син тәүге фәннәрнең

Тәүге баскычы.

Син кадерле, син туган телемнең

Алтын ачкычы.

    17 мартта мәктәбебездә 1 класс укучылары үзләренең беренче җиңүләрен – Әлифбаны тәмамлауларын бәйрәм иттеләр. Бәйрәмдә алар үзләре алган белемнәрне, укый-яза белүләрен, җырга осталыкларын күрсәттеләр. Аларны беренче җиңүләре белән, әти-әниләр, мәктәп дирекциясе, класс җитәкчесе котладылар, бүләкләр тапшырдылар. Ә 1 класс укучылары алга таба тагын да тырышып укырга, яңа җиңүләргә ирешергә сүз бирделәр.  “Әлифба бәйрәме” бик күңелле, матур узды. 

14 мартта Шушмабаш авыл җирлеге Казанда язгы ярминкәдә катнашты. Ярминкәдә Носы мәктәбе коллективы да  үзләре әзерләгән продукцияне сатты.  

9 класс укучылары имтиханнарга әзерләнәләр.

11 нче март көнне Носы мәдәният йортында Сөләйман Латыйповның “Кодалар-кодачалар”спектакле куелды. Бу спектакльне оештыруда авыл үзешчәннәре белән беррәттән, мәктәп коллективы да актив катнашты. Алар үзләренең рольләрен бик оста уйнадылар. Авыл халкы аларны көчле алкышларга күмде.