Язгы каникулдан соң укучыларыбыз яңа көч белән мәктәбебезгә  ашыкты.   Укучыларны  һәм укытучыларны ишектән  үк 9 сыйныф укучылары каршы алдылар. Мәктәпкә бары тик аларның биремнәрен үтәгәч кенә керергә мөмкин булды. Ә биремнәр кызыклы һәм күптөрле иде. Мәктәбебездә 1 апрель – Көлке көне шулай башланды. Һәр кабинет ишегенә кызыклы рәсемнәр, сораулар эленгән иде.

9 нчы класс укучылары  1 апрель көне уңаеннан  “Көлкеле тамаша”  үткәрделәр. Һәр тәнәфестә укучылар өчен кызыклы уеннар үткәрелде. Биремнәрне үтәгән укучыларга смайликлар өләшенде. Көн ахырында шулар буенча мәктәбебезнең “Иң шаян укучы”сы билгеләнде. Бу исемгә 32 смайлик җыйган  Яруллина Эльмира лаек булды

25 март көнне Носы мәктәбе укытучылары Сингапур укуларының икенче этабында булып кайттылар. 

24 мартта Питрәч 2нче урта гомумбелем бирү мәктәбе базасында укучыларның Республика экологик фестивале үтте. Фестивальдә мәктәбебезнең 7 нче сыйныф укучылары Романова Алия һәм Латыйпова Чулпан (җитәкчеләре Г. Б. Мостафина һәм Л. И. Григорьева) катнашты. Алия “Носы су саклагычы һәм аның янындагы наратлыкның экологик хәле”; Чулпан “Туфракның составы” дигән фәнни – эзләнү эшләрен тәкъдим иттеләр. Кызлар уңышлы чыгыш ясап III дәрәҗә диплом белән бүләкләнделәр. Аларны җиңүләре белән котлыйбыз һәм киләчәктә дә уңышлар телибез. 

Мәктәбебездә каен бөресе җыйнау тулы көченә бара. Бу эштә башлангыч сыйныф укучылары да актив катнаша.  Алар  әти-әниләре ярдәмендә байтак күләмдә бөре җыйнады инде. Һәр башлангыч сыйныф укучысы 5  шырпы тартмасы бөре җыеп алып килергә тиеш иде. Укучылар бу йөкләмәне күпкә арттырып үтиләр, 10-15 әр шырпы тартмасы бөре алып килгән укучылар да бар.

21 нче март көнне, Носы гомуми белем мәктәбендә “Нәүрүз”бәйрәме үткәрелде.. Нәүрүз—яңа көн, язгы чәчү эшләре алдыннан үткәрелә торган халык бәйрәме. Безнең ата-бабаларыбыз элек Нәүрүз бәйрәм иткәннәр. Укучылар, яшьләр йорттан йортка кереп Нәүрүз әйтеп йөргәннәр. Хуҗаларга бәхет, уңышлар теләп йөргәннәр. Бу яшьләр өчен үзенә күрә күңел ачу булган. Салкын кышның китүе, ямьле яз килүенә шатлану. Такмакчыларга күчтәнәчләр биргәннәр, чәй эчергәннәр.Безнең бәйрәм дә күңелле җыр-биюләр белән үрелеп барды.Тәмле карга боткасы ашадык,такмак әйтеп, бәйрәм күрке булган карачкыны яндырдык.

Шаулашабыз, шаярабыз —

Тузаннар кала тузып.

Кайчак китәбез кызып,

Бөтен чикләрне узып.

      Башлангыч сыйныф укучылары тәнәфесләрдә буш вакытларын файдалы үткәрергә тырышалар. Шаярышып-шаулашып кына калмыйлар, өстәл уеннары уйнарга да вакыт табалар. Өстәл уеннары укучыларның иҗади сәләтләрен,  логик фикерләүләрен үстерә, дуслыкларын ныгыта.

20 марта на ледовом дворце Арча-Арена прошли соревнования по хоккею с шайбой. Наши юноши в одной команде с учащимися Шушмабашской школы приняли участие в этом мероприятии и заняли 3 место. Молодцы! Успехов и удачи вам в следующих соревнованиях!