15 апрельдә “Пирамида” күңел ачу үзәгендә “Илһам” бөтенроссия яшь язучылар конкурсының йомгаклау кичәсе үтте. Мәктәбебезнең 7 класс укучысы Романова Алия (җитәкчесе Г. Б. Мостафина) “Проза”  номинациясендә I дәрәҗә диплом һәм премия алу өчен сертификат белән бүләкләнде.  Җиңүчеләрне ТР мәгариф һәм фән министры Энгель Фәттахов бүләкләде. Алиягә иҗади уңышлар телибез, безне тагын да матур әсәрләре белән сөендерер дип ышанабыз.  

15 нче апрель көнне, Ташкичү мәктәбендә, волейбол буенча зона ярышлары булып узды. Әлеге ярышта Носы мәктәбенең волейбол командасы да катнашты. Егетләр бу ярышта үз көчләрен сынап карадылар. Аларга алга таба да уңышлар теләп калабыз!

Укучыларыбыз "Молодежное движение" математика конкурсыннан 1,2 һәм 3 дәрәҗәдәге дипломнарга ия булдылар. Уңышлар телибез.

Лена  Ильясовна  9 класс укучылары белән    космонавтика көненә багышланган дәрес – конференция үткәрде. Укучылар  космик пространствоны өйрәнүдә физика фәненең уңышлары турында фикер алыштылар.  Космик техниканы булдыру һәм сынау өлкәсендә татар инженерларының  да өлешләре  турында сөйләштеләр.  Дәрес  әйләнә – тирәлектә баручы күренешләрне  аңлауга  этәргеч бирде.  

9 нчы апрель көнне, Түбән Аты төп гомуми белем бирү мәктәбендә, педагог - оештыручылар семинары булды. Әлеге семинар, Бөек Җиңүнең 70 еллыгы кысаларында ”Сугыш кайтавазы” дип исемләнгән кичә белән башланып китте. Очрашуның икенче өлешендә юл йөрү кагыйдәләренә багышланган ”Светофор-шоу” күрсәттеләр. Укучыларның чыгышлары һәркемнең күңеленә хуш килде.

Г. Тукай исемендәге Арча педагогия көллиятендә укучыларның һәм студентларның  VIII муниципаль фәнни-практик конференциясе булды. Анда безнең укучыларыбыз да катнашып уңышлы чыгыш ясады. Латыйпова Чулпан (җитәкчесе Л. И. Григорьева) II дәрәҗә диплом, Усманов Азат (җитәкчесе Э. В. Абдуллина) III дәрәҗә диплом белән бүләкләнделәр. Загидуллина Инзилә (җитәкчесе Г. Б. Мостафина) “Экологик культура” номинациясендә җиңү яулады.