Яңа  уку  елы  башында  2нче  класс  укучысы  Төхфәтуллин  Әмир  Республика  көненә  багышланган  "Без  булдырабыз! Без  бергә"  Республика  балалар  открыткалары  конкурсында  I нче  урынны  яулавы  белән  сөендерде. Ул  28 нче  августта  Казан Аренада  узган  җиңүчеләрне  бүләкләү  тантанасында  катнашты.Әмиргә  алга  таба  да  уңышлар  телибез.

Менә тагын җәйләр узып сагынып көтеп алган 1 – сентябрь – Белем бәйрәменә җыелдык . Бу көнне һәрберебез дулкынланып, шатланып каршы ала: беренче тапкыр мәктәпкә баручы да, өлкән сыйныфларда укучы да, әти-әниләр дә. Балаларны да, өлкәннәрне дә шушы көтеп алынган ямьле бәйрәм белән тәбрик итәбез.Җәйнең үтеп китүе бераз моңсу булса да, бүген без моңаймыйбыз. Чөнки  Белем бәйрәме – иң күңелле  бәйрәм. Бу көнне 1 нче сыйныфка килүчеләр аеруча зур түземсезлек белән көтеп алалар. Мәктәбебез  бусагасын  тәүге  адымнары  белән  6  укучы атлап  керде. Яңа  уку  елы белән, дуслар!!!

Бүген  район  күләмендә  укытучылар  сабантуе  үткәрелде. Габдулла Тукай иҗатына  багышлнган  "Г. Тукай  - безнең  йөрәкләрдә"  бәйгесендә катнашып   7  класс укучысы  Исмәгыйлев  Раил сәнгатьле  сөйләү  номинациясендә  3 нче  урынга, фортепиано  түгәрәге  җитәкчесе  Исмәгыйлева  Айгөл  Әгъләм  кызы вокал  номинациясендә  1 нче  урынга  лаек  булдылар. 

 Бүген   Арча  шәһәрендә мәктәп  ярминкәләре үткәрелде. Мәктәп  бакчасында  җәй  буе  үстерелгән җиләк-җимеш, яшелчә сатылды.Һава  торышы  нинди  булуга  карамастан күңелләрдә   чын  бәйрәм рухы  иде.

Бүген район мәгариф  хезмәткәрләренең  август киңәшмәсе  үткәрелде. Безнең мәктәп музей  эшчәнлеге  күргәзмәсе  әзерләде.

Бүген мәктәпкүләм өмә  үткәрелде. Укытучылар, техник  хезмәткәрләр, укучылар  белән берлектә шактый эш башкарылды: мәктәп коймасы төзекләндерелеп  буялды, территория  җыештырылды..

Бүген мәктәбебездә Татарстан Республикасы Дәүләт Советы депутаты Ринат Зиннур улы Закиров авыл халкы белән очрашты.

Бүген мәктәптә “Баланы мәктәпкә әзерләргә булыш! “ акциясе кысаларында зур бәйрәм уздырылды. Бәйрәмдә  Буратино һәм аның дуслары катнашты.  “Бердәм Россия” партиясенең җирле башкарма комитеты җитәкчесе Тәлгать Таһир  улы Җәләлетдинов  һәм  "Арча  хәбәрләре" газетасының   баш  мөхәррире   Исрафил Рәхмәтулла  улы  Насыйбуллин быел 1 класска укырга баручы 10 балага мәктәп сумкасы һәм уку әсбаплары бүләк иттеләр.  Бәйрәмдә  Түбән Аты, Югары Аты, Утар Аты, Субаш Аты  мәктәпләреннән дә балалар, әти-әниләр, укытучылар катнашты. Алар бергәләп җырладылар, биеделәр, күңел ачтылар. Безнең нәни дусларыбызны сөендергәннәре өчен район җитәкчеләренә, мәктәп коллективы һәм әти-әниләр исеменнән зур рәхмәтебезне белдерәбез. Мәктәп бусагасын тәүге тапкыр атлап кергән укучыларыбызга ак юллар теләп калабыз.

Чәчәкләр -бакча  күрке.