мәктәбеБүгенбездә  педсовет утырышы  булды.Беренче  чирек  нәтиҗәләре  буенча  66 укучының  53енә  билге  чыкты. 5  укучы  бишле  билгеләренә  генә, 35  укучыбыз "4"ле, "5"ле  билгеләренә  тәмамлады. 

 Көзге  каникуллар тәмамланып, икенче  чиреккә  дә аяк  бастык. Бу  чирек- иң  кыскасы,ләкин  җаваплысы. Шулай  ук  шушы  атнадан  барлык  фәннәрдән район олимпиадалары  да  башланып  китә. Укучыларыбызга  укуларында, укытучыларыбызга - эшләрендә  зурдан - зур  уңышлар  телибез!!!

Казан  агропаркында оештырылган  бәйрәм  ярминкәсендә   безнең мәктәп тә  катнашты.Ярминкәдә  үзебездә  үстерелгән  яшелчәләр сатылды. Шулай  ук  салатлар, төрле  кайнатмаларны  да  шәһәр халкы     бик  теләп  алдылар.

.

Мәктәбебезнең     укучылары  район  күләмендә    үткәрелгән   математик  олимпиадада  катнаштылар.  2 нче  класстан  Төхфәтуллин  Әмир   III    урын  яулады, 3 нче  класстан  Хәсәнова  Илмира  сертификат  белән  бүләкләнде. Аларга  киләчәктә  дә  уңышлар  телибез.

 Кадерле  Дуслар ! Сезне чын күңелдән Халыклар бердәмлеге көне белән тәбрик итәбез!  Бу көн – илебез тарихына хөрмәт белдерү һәм аның данлыклы традицияләрен дәвам иттерүнең бер күркәм билгесе. Дәүләт күләмендәге бу бәйрәм 1612 елгы тарихи вакыйгаларга барып тоташа. Халыкара бердәмлек көне буларак, 2005 елдан билгеләп үтелә.Тарихтбеза эз калдырган бу көннәрдә безнең ата-бабаларыбыз – төрле милләт, дин һәм төрле катлам вәкилләре – бер булып, уртак Ватаныбызны чит илбасарлардан азат иткән. Төрле милләт кешеләренең иң югары максатларга ирешү өчен берләшүе, Ватанга карата чиксез мәхәббәте һәм ватанпәрвәрлеге илебезгә тарих сынауларын җиңеп чыгарга ярдәм иткән.

Егет һәм кызларыбыз район  күләмендә  үткәрелгән "Осенний  фьюжен"да катнашып, күңел  ачып  кайттылар.Бәйрәм  тантанасына  алар  махсус  , 70  нче  еллар  стилендә  киенеп, педагог- оештыручы  Миләүшә  Моратовна  белән  шул  чорда  модада  булган  көйләргә  бию  элементларын  өйрәнеп  бардылар.  Бәйрәм  төрле  кызыклы  уеннар, конкурслар белән үтте. Бәйрәм  ахырында дискотека  булды. Укучылар  күңелендә  әлеге  бәйрәм  озак  сакланыр.

Бүген  Арчаның  спорт комплексында кызлар  волейбол  командалы  районкүләм  ярышларда  катнашты. Кызларыбыз  спортның  әлеге  торен  аеруча  нык  ярата. Мәктәбебезнең кызлар  командасы  3  нче  призлы  урынга  лаек  булды.  Аларны  җиңүләре  белән  котлыйбыз, команданың трениры- физик  тәрбия  укытучысы  Төхфәтуллин  И.Р. ка  һәм  барлык кызларыбызга  алга таба  да  уңышлар  теләп  калабыз!!!