Ап – ак булган бистә урамнары,

Кыш тигезли ак кар җәймәсен!

Резедә  ханым.   бүген бигрәк чибәр –

Бигрәк матур, күзләр тимәсен!

Ташламасын сине беркайчан да
Бәхет белән тулы елмаю.
Урап үтсен сине кайгы-хәсрәт
Юлларыңда булсын елмаю.

Бүген, 20нче февраль көнне мәктәбебездә балалар бакчасы тәрбиячесе Гафурова Рафия һәм башлангыч класс укытучылары катнашында “Балалар бакчасы белән мәктәп арасында дәвамчанлык”  дигән темага  методик берләшмә утырышы узды.

16 нчы февраль көнне  Наласа урта мәктәбендә авылдашыбыз, язучы, Муса  Җәлил исемендәге Республика премиясе лауреаты , “Казан утлары” журналы баш мөхәррире Рөстәм  Галиуллин белән очрашу  үткәрелде. Очрашуда укучылар  аның   әсәрләреннән  өзекләр укыдылар,   хикәяләрен  сәхнәләштерделәр, Рөстәм абыйларына үзләрен кызыксындырган сорауларын бирделәр. Очрашу бик җанлы һәм күңелле үтте.

15 февраль көнне мәктәбебезнең  1 нче сыйныф укучылары «Әлифба бәйрәме»н үткәрделәр . Бәйрәмдә балалар биеделәр, җырладылар, шигырьләр сөйләделәр һәм әти-әниләргә, кунакларга  үзләренең белемнәрен дә күрсәттеләр. Бәйрәм күңелле үтте.

15 нче февраль көнне Арча стадионында укучыларның кышкы сессия ГТО нормаларын тапшыру булды.

14нче февраль көнне мәктәбебездә 1-4 сыйныф укучылары арасында герой – шагыйрь Муса Җәлил иҗатына багышланган кичә үткәрелде. Кичә укучыларның чыгышы белән башланып китте. Алар Муса Җәлилнең шигырьләрен сөйләделәр, җырлар җырладылар. Кичәнең икенче өлешендә шагыйрьнең тормыш юлына һәм иҗатына багышланган брейн-ринг үткәрелде. Укучылар уен барышында “Карак песи” һәм “Бәхет” командаларына бүленеп, Муса Җәлилнең биографиясе һәм иҗаты буенча үзләренең тапкырлыкларын һәм зирәклекләрен сынадылар. Презентация нигезендә укучылар төрле кызыклы сорауларга җаваплар бирделәр. Уенда ике команда да актив катнашты.

Бүген  Наласа урта  мәктәбенең  1 класс укучылары хезмәт ветераны Халиуллин Шамил  абый белән очрашу уздырдылар. Кичә бик күңелле, эшлекле, дустанә атмосферада узды. Шамил  абый үзенең күңелендә калган истәлекләре белән уртаклашты.  Арабызда шундый ветераннар булуына без чиксез шат.

Класс җитәкчеләре конкурсында Гөлия Мидехатовнаны уңышы белән котлыйбыз. Тату сыйныф серләре конкурсында 5 сыйныф әти-әниләре комитеты районкүләмендә 3 урын яуладылар. Молодцы!

Шул уңайдан , 5-8 нче сыйныфларда тәрбия сәгатьләре үтте. Укучылар герой-пионерлар, аларның батырлыклары белән таныштылар. Һәр герой-пионерга багышланган чыгышлар ясадылар. Батырларыбызны онытмыйк!