Бакчабызда чыгып килүче "Чишмә башы" газетасының сентябрь ае саны дөнья күрде.

 Нәниләрнең якын дусты булып, тормышка беренче адымнарын ясарга ярдәм итүчеләр аерым игътибарга лаек.
Мәктәпкә кадәрге яшь – бала тормышында аеруча мөһим һәм җаваплы чор, бу яшьтә шәхес формалаша һәм сәламәтлек нигезләре салына. Баланың бәхетле балачагы һәм алга таба язмышы тәрбияченең зирәклегенә, аның сабырлыгына, игътибарына бәйле. Балалар бакчасы тәрбиячеләре ярдәмендә мәктәпкәчә яшьтәге балалар әйләнә-тирә дөньяның серләрен беләләр, үз Ватанын яратырга һәм сакларга өйрәнәләр.

Бүген кечкенәләр төркеменә йөрүче матур кызыбыз Билалова Зәйнәпне туган көне белән котладык. Зәйнәпнең сәламәт, озын гомерле, бәхетле, акыллы, тәүфыйклы булып, әти-әни тигезлегендә үсүен телибез

Тема: Минем яраткан бакчам.
Максат: Балалар бакчасына карата сакчыл караш,анда эшләүче хезмәткәрләргә хөрмәт һәм мәхәббәт тәрбияләү,балаларның сөйләм телен үстерү,бакча турында белемнәрен киңәйтү,һөнәрләр турындагы мәгълүматны ныгыту.

Балалар әти-әниләре белән берлектә күңел кылларына үтеп керә торган рәсемнәр ясадылар. Әлеге рәсемнәр хәзерге вакытта өйләреннән еракта булган егетләрнең күңелләренә җылылык бирсен

Тема:"Яшелчәләр"
Максат: балалар белән яшелчәләрне аерырга, аларның исемнәрен әйтә белергә өйрәнү, алган белем һәм күнекмәләрне уеннар белән камилләштерү.

Район күләмендә уздырылган "Татар әкиятләре һәм мультфильмнары геройлары" дип аталган рәсем конкурсында катнашып, бакчабызда тәрбияләнүче Мөхәммәтҗанова Зәлия I урын, Исхакова Зәлия II урын, Төхфәтуллин Йосыф II урын, Төхбәтуллина Ясминә III урын, Шаһиев Самат катнашучы дипломнарына лаек булдылар. Чын күңелдән котлыйбыз, уңышларының дәвамлы булуын телибез

Бүген балалар белән мәктәпкә экскурсиягә бардык.Туган як музее җитәкчесе Хасанова Айгөл Миннур кызы балаларга аңлаешлы итеп халкыбызның көнкүреше, тарихы белән таныштырды. Музей тарихи материалга бик бай, балалар бик кызыксынып тыңладылар. Спорт мәйданчыгында да булдык. Мәктәп
бакчасында үсүче чәчәкләр,агачларны да күзәттек. Экскурсия балаларга бик ошады.

Тәрбиячебез Шаһева Алсу Корбангали кызы Г.Ахунов исемендәге Казанбаш төп мәктәбендә якташ язучыбыз Гариф Ахуновнын тууына 100 елга багышланган IV районара укуларда "Балалар бакчасында туган якка мәхәббәт тәрбияләүдә Г.Ахунов иҗаты" дигән темага осталык шөгыле күрсәтеп, җиңүче дипломы белән бүләкләнде. 

Шул уңайдан, балалар бакчасында тематик чаралар оештырылды. Балалар юл йөрү кагыйдәләрен үзләштерде һәм булган белемнәрен ныгыттылар. Аларны киләчәктә куркынычсыз һәм хәвефсез юллар көтсен. Юлларда сак булыйк, юл кагыйдәләрен төгәл үтик.