Саф һавада хәрәкәтле уеннар. Бик күңелле итеп балалар белән "Мәче һәм тычкан" уены уйнадык

Саф һавада иртәнге гимнастика

Бүген балалар бакчасында шашка турниры үткәрелде.Бу дусларча ярышта шашка белән мавыгучы балалар катнашты. Интеллектуаль осталыклары һәм яхшы фикерләү сәләтләре ярдәмендә үз көндәшләре белән көч сынаштылар. Балалар шашка уенының төрле булуын һәм беренче караштан ук күренгәнчә җиңел булмавын күрделәр. Алар бу чарада бик теләп катнаштылар. Ярыш бик күнелле үтте, балаларга бүләкләр тапшырылды

Бакчабыз күләмендә макулатура һәм батарея җыю буенча бәйгегә нәтиҗәләр ясалды. Балаларга дипломнар һәм бүләкләр тапшырылды. Катнашкан балаларга һәм әти-әниләргә зур рәхмәтебезне белдерәбез.

Бакчабызның талантлы балалары Сабантуй мәйданында матур бию күрсәттеләр

Бакча территориясендәге куакларны карап, чистартып, кисеп куйдык.

Май азагы һәрвакыт чыгарылыш кичәләре белән билгеләп үтелә. Балалар бакчасында чыгарылыш кичәсе-моңсу да, шатлыклы да: балалар бакча белән саубуллашалар, алда аларны «мәктәп»дип аталган яңа тормыш көтә. Зал бизәлгән, әти-әниләр, кунаклар чакырылган, барысы да дулкынлана. Һәм менә бәйрәмчә киенгән балалар керә – бәйрәм башлана. Бәйрәм “ Әкият иленә сәяхәт” дип атала.Төрле әкият геройлары булып киенеп ,бакча хезмәткәрләре балаларга матур бәйрәм оештырганнар.Тамаша вакытында балалар үзләренең бакчада өйрәнгәннәрен күрсәттеләр - җырладылар, биеделәр, матур итеп шигырьләр сөйләделәр, табышмакларга җавап бирделәр, математик бурычларны чиштеләр. Өлкән иптәшләрен котларга нәниләр дә килгән иде. Балалар бакчасы мөдире Гафурова Эльмира Рашат кызы чыгарылыш төркем балаларына мәктәп тормышы дәвамында уңышлар, зур үрләргә ирешүләрен теләде һәм беренче документ – балалар бакчасын тәмамлау турында диплом тапшырды.Без дә чыгарылыш балаларын чын күнелдән котлыйбыз һәм киләчәктә укуларында уңышлар теләп калабыз.

Бакчабызда чыгып килүче "Чишмә башы" газетасының май ае саны.