"Татарча диктант" акциясенә кушылдык.

️Агымдагы атнада мәктәпкә экскурсия булдырылды.Балалар биология кабинетына мавыктыргыч сәяхәт ясадылар.Биология фәннәре укытучысы Динә Камил кызы кызыклы һәм мавыктыргыч итеп, балаларга үсемлекләр өчен биологик микроскоп- ул зурайта торган оптик прибор, аның ярдәмендә гади күз белән күренми торган микро- предметларны һәм объектлар тикшерүләре турында сөйләде, аңлатты. Балалар үзләре дә бик кызыксынып күзәттеләр, сәяхәт бик файдалы оештырылды.

Бүген безнең балалар бакчасында экологик сәгатьләр узды .Песнәкләр көне турында әңгәмә кордык, кошлар турында табышмакларга җаваплар эзләдек,шигырьләр укыдык,төсле кәгазьдән песнәкләр кисеп ябыштырдык.Кошлар безнең дусларыбыз,аларга һәрвакыт ярдәм итеп торырга кирәклеге турында сөйләштек.
Кыш көне балалар песнәкләрне ашатыр өчен җимлекләр ясап элеп куялар. Салкын вакытта алар орлык белән тукланалар, сөяктән калган итне дә бик яратып чукыйлар, терлек маен ашыйлар.
Балаларда табигатькә карата игътибарлы, сакчыл булуны кечкенәдән тәрбияләү бик әһәмиятле.

Зурлар төркемендә физик үсеш эшчәнлеге

1. Гади йөрүне, кулларны ян-якка җәеп аяк очларында йөрүне ныгыту.

2. Чүгәләү, музыка тыңлап төрле йөрү алымнарын дөрес башкару.

3. Мөстәкыйльлек, тапкырлык, активлыкларын, логик фикерләүләрен үстерү

Кечкенәләр төркеме .
Туган илебез Рәсәй, республикабыз Татарстан турында балалар белән әңгәмә үткәрү.

Балалар бакчасында Татарстан Республикасы Конституциясе көне - үзенчәлекле вакыйга. Бу көнне балалар безнең Конституцияне гарантияли торган хокукларын һәм ирекләрнең әһәмияте турында белделәр. Бу өлкәннәр өчен генә түгел, балалар өчен дә мөһим,чөнки алар җәмгыятьнең бер өлеше һәм аларның да үз фикерләре бар.
Мәктәпкә әзерлек һәм өлкәннәр төркеме беләнТатарстан Республикасы Конституциясе көненә багышланган әңгәмә үткәрдек, шигырьләр, лэпбук кулландык. Татарстан гимнын тыңладык. Мондый әңгәмәләр балаларда үз илең өчен горурлык тәрбияли, ватанпәрвәрлек, Ватанга мәхәббәт, Татарстан тарихы белән кызыксыну уята.

Бакчабызның даими чыгып килүче "Чишмә башы"газетасының октябрь ае саны

Бу көнне балалар кечкенәдән белеп үсәргә тиеш.
Бәйрәм уңаеннан балалар бакчасында “Бердәмлектә - безнең көч!” исемле патриотик тәрбия чарасы үткәрелде. Балалар дәүләтебезнең никадәр зур, матур һәм бай булуын белделәр. Дәүләт символлары турында белемнәрен ныгыттылар, халыкларның үзара ничек дус яшәүләре турында сөйләделәр, фикер алыштылар.Төрле милләт кешеләренең иң югары максатларга ирешү өчен берләшүе, Ватанга карата чиксез мәхәббәте һәм ватанпәрвәрлеге илебезгә тарих сынауларын җиңеп чыгарга ярдәм иткән.

Кечкенәләр төркеме
Үстерелешле уен "Бу нинди агач?"
Максат: балалар белән агачларны танырга өйрәнү, агачларга карата сакчыл караш тәрбияләү, сөйләм телен үстерү.

 Тема:Җиләк-җимешләрдән торган ваза.

Максат:1. Икегә бөкләнгән предметлардан симметрик предметлар кисүне дәвам итү.

2. Рәсемне кәгазь битенә матур итеп урнаштыру.
3. Иҗади матурлык тудырырга өйрәтү.